ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

28 փետրվարի 2018 թվականի

թիվ 32

քաղ. Մոսկվա

ԱՂԱՋՈՒՐ ԴՐԱԾ ՊԱՆԻՐՆԵՐԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.

1. Աղաջուր դրած պանիրները, որոնք պատրաստված են կաթից և (կամ) կաթից ստացված մթերքներից՝ առանց դրա բնական բաղադրամասերն այլ նյութերով փոխարինելու՝ հասունացում չնախատեսող արտադրության տեխնոլոգիաներով, որոնց արդյունքում ստացվում են աղաջուր դրած երիտասարդ (թարմ) պանիրների կոնկրետ տեսակներին հատուկ ֆիզիկական, քիմիական և օրգանոլեպտիկ ձևավորված ցուցանիշներով պանիրներ, դասակարգվում են Եվրասիական տնտեսական միության արտաքին տնտեսական գործունեության միասնական ապրանքային անվանացանկի 0406 10 ենթադիրքում՝ Արտաքին տնտեսական գործունեության ապրանքային անվանացանկի մեկնաբանման հիմնական 1-ին և 6-րդ կանոններին համապատասխան։

2. Աղաջուր դրած պանիրները, որոնք պատրաստված են կաթից և (կամ) կաթից ստացված մթերքներից՝ առանց դրա բնական բաղադրամասերն այլ նյութերով փոխարինելու՝ հասունացում նախատեսող արտադրության տեխնոլոգիաներով, որոնց արդյունքում ստացվում են աղաջուր դրած հասունացած պանիրների կոնկրետ տեսակներին հատուկ ֆիզիական, քիմիական և օրգանոլեպտիկ ձևավորված ցուցանիշներով պանիրներ, դասակարգվում են Եվրասիական տնտեսական միության արտաքին տնտեսական գործունեության միասնական ապրանքային անվանացանկի 0406 90 ենթադիրքում՝ Արտաքին տնտեսական գործունեության ապրանքային անվանացանկի մեկնաբանման հիմնական 1-ին և 6-րդ կանոններին համապատասխան։

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Պաշտոնական հրապարակման օրը՝ 22 հունիսի 2022 թվական: