ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

14 հուլիսի 2020 թվականի N 382-Ա

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին կետը՝

1. Բարեգործական որակել «Հայաստանյայց առաքելական սուրբ եկեղեցի» կրոնական կազմակերպության կողմից (ՀՎՀՀ՝ 04703401) իրականացվող՝ 600,000 դրամ ընդհանուր արժողությամբ «Մանրանկարչության արվեստի կենտրոնի տնտեսական պայմանների բարելավում» ծրագիրը՝ համաձայն հավելվածի:

2. «Հայաստանյայց առաքելական սուրբ եկեղեցի» կրոնական կազմակերպությանը՝ ծրագրի ավարտից հետո մեկամսյա ժամկետում Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:

3. Սույն որոշման դրույթները տարածվում են 2020 թվականի հունվարի 1-ից ծագած (ծագող) իրավահարաբերությունների վրա:

Հայաստանի Հանրապետության փոխվարչապետ	Տ. Ավինյան
2020 թ. հուլիսի 14 Երևան

Հավելված ՀՀ փոխվարչապետի 2020 թվականի հուլիսի 14-ի N 382-Ա որոշման

1.	Ծրագրի նպատակը	Ծրագրի նպատակն է բարելավել Մանրանկարչության արվեստի կենտրոնի սաների ուսումնակրթական պայմանները: Կենտրոնում սաները հաղորդակից են լինում համաշխարհային արվեստներին և արհեստներին, որի միջոցով բացահայտվում են սաների ունակությունները և նախասիրությունները, տրվում է նախնական և մասնագիտական կրթություն:
2.	Ծրագրի բարեգործական որակման նպատակները	Նախատեսվում է ծրագրի շրջանակներում, օրենքով սահմանված կարգով, օգտվել ավելացված արժեքի հարկի (ԱԱՀ) վճարումից ազատվելու արտոնությունից:
3.	Բարեգործը (բարեգործները)	Հայկական բարեգործական ընդհանուր միություն
4.	Ծրագիրը կատարողը	Հայաստանյայց Առաքելական Սուրբ Եկեղեցի, ՀՎՀՀ 04703401:
5.	Ծրագրի իրականացման վայրը և բնագավառը	ՀՀ, քաղ. Երևան, Քանաքեռ 6-րդ փողոց, 29 տուն, հոգևոր:
6.	Ծրագրի բյուջեն	Ծրագրի բյուջեն՝ 600.000 դրամ
7.	Բարեգործությունն ստացողը	Քանաքեռ- Զեյթուն համայնքի 5-18 տարեկան մոտ 70 շնորհալի երեխաներ
8.	Ծրագրի իրականացման տևողությունը	01 հունվար, 2020 թ. – 31 դեկտեմբեր, 2021 թ.
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Ծրագրի իրականացման ընթացքում նախատեսվում է Մանրանկարչության արվեստի կենտրոնի սաներին ապահովել էլեկտրաէներգիայով և հեռախոսակապով` 600.000 դրամ, - էլեկտրաէներգիայի մատակարարում «Հայաստանի էլեկտրական ցանցեր» ՓԲԸ, «Հյուսիս» մասնաճյուղի կողմից, պայմանագիր՝ N 008436, կնքված՝ 18.07.2008 թ. (ՀՀ, քաղ. Երևան, Քոչարի փող. 13ա., ՀՎՀՀ01520882) 400.000 դրամ արժեքով. - Հեռախոսակապը տրամադրվում է «ՎԵՈՆ ԱՐՄԵՆԻԱ» ՓԲԸ -ի կողմից, պայմանագիր՝ N 112756191 (ՀՀ, քաղ. Երևան,Ահարոնյան 2, ՀՎՀՀ02500052), 200.000 դրամ:
10.	Ձեռք բերվող ապրանքների, ծառայությունների համառոտ նկարագիրը, ծավալները, նախատեսվող գինը	Նախատեսվում է Մանրանկարչության արվեստի կենտրոնի սաներին ապահովել էլեկտրաէներգիայով և հեռախոսակապով` 600.000 դրամ:
11.	Ծրագրի իրականացման հետ կապված կազմակերպական ծախսերը	Այլ ծախսեր նախատեսված չեն:
12.	Համագործակցությունը պետական կառավարման, տեղական ինքնակառա-վարման մարմինների և այլ կազմակերպությունների հետ	Չի նախատեսվում:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Նախատեսվում է տեխնիկական հսկողություն Հայաստանյայց Առաքելական Սուրբ Եկեղեցու ֆինանսական բաժինների և ՀՀ բարեգործական ծրագրերի համակարգման խորհրդակցական հանձնաժողովի կողմից: Ծրագրի ավարտից հետո կտրվի ամփոփ տեղեկություն:

Հայաստանի Հանրապետության փոխվարչապետ

Տ. Ավինյան