ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
15 հուլիսի 2020 թվականի N 391-Ա
«ՀԱՅԱՍՏԱՆՅԱՅՑ ԱՌԱՔԵԼԱԿԱՆ ՍՈՒՐԲ ԵԿԵՂԵՑԻ» ԿՐՈՆԱԿԱՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ «ՄԱՅՐ ԱԹՈՌ ՍՈՒՐԲ ԷՋՄԻԱԾՆԻ ԷՕՐՆԵԿՅԱՆ ՎԱՐԺԱՐԱՆԻ ՏԱՐԱԾՔԻ ՑԱՆԿԱՊԱՏՈՒՄ» ԾՐԱԳՐԻ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին կետը՝
1. Բարեգործական որակել «Հայաստանյայց Առաքելական Սուրբ Եկեղեցի» կրոնական կազմակերպության կողմից (ՀՎՀՀ՝ 04703401) իրականացվող՝ 88,922,420 դրամ ընդհանուր արժողությամբ «Մայր Աթոռ Սուրբ Էջմիածնի Էօրնեկյան վարժարանի տարածքի ցանկապատում» ծրագիրը՝ համաձայն հավելվածի:
2. «Հայաստանյայց Առաքելական Սուրբ Եկեղեցի» կրոնական կազմակերպությանը՝ ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:
3. Սույն որոշման դրույթները տարածվում են 2020 թվականի մարտի 10-ից ծագած իրավահարաբերությունների վրա:
|
Հայաստանի Հանրապետության |
Տ. Ավինյան |
|
2020 թ. հուլիսի 15 Երևան |
|
Հավելված ՀՀ փոխվարչապետի 2020 թ. հուլիսի 15-ի N 391-Ա որոշման |
Ծ Ր Ա Գ Ի Ր
«Մայր Աթոռ Սուրբ Էջմիածնի Էօրնեկյան վարժարանի տարածքի ցանկապատում»
|
1 |
Ծրագրի նպատակը | Ծրագրի նպատակն է Հայաստանյայց Առաքելական Սուրբ Եկեղեցու Էօրնեկյան վարժարանի տարածքի մետաղական ճաղացանց ցանկապատի, դարպասների և պահակակետի կառուցման աշխատանքների կատարումը: |
|
2. |
Ծրագիրը բարեգործական որակելու նպատակները |
Նախատեսվում է ծրագրի շրջանակներում օրենքով սահմանված կարգով օգտվել ՀՀ հարկերի, տուրքերի, պարտադիր վճարների գծով օրենքով սահմանված արտոնություններից: |
|
3. |
Բարեգործը (բարեգործները) |
Հայկական բարեգործական ընդհանուր միություն |
|
4. |
Ծրագրի կատարողը |
Հայաստանյայց Առաքելական Սուրբ Եկեղեցի, ՀՎՀՀ 04703401 |
|
5. |
Ծրագրի իրականացման վայրը և բնագավառը |
Հայաստանյայց Առաքելական Սուրբ Եկեղեցի. հոգևոր |
|
6. |
Ծրագրի բյուջեն |
88.922.420 դրամ |
|
7. |
Բարեգործություն ստացողը |
Հայ առաքելական սուրբ եկեղեցին և դպրոցի սաները |
|
8. |
Ծրագրի իրականացման տևողությունը |
2020 թ. մարտի 10-ից մինչև 2021 թ. մարտի 10-ը |
|
9. |
Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը |
Ծրագրի իրականացման ընթացքում նախատեսվում են Հայաստանյայց Առաքելական Սուրբ Եկեղեցու Էօրնեկյան վարժարանի տարածքի մետաղական ճաղացանց ցանկապատի, դարպասների և պահակակետի կառուցման աշխատանքները: Աշխատանքներն իրականացվելու են «Ռոբերտ Գրիգորյան» Ա/Ձ-ի կողմից (ՀվՀՀ 52193855) |
|
10. |
Ձեռք բերվող ապրանքների, ծառայությունների համառոտ նկարագիրը, ծավալները, նախատեսվող գինը |
Նախատեսվում են Հայաստանյայց Առաքելական Սուրբ Եկեղեցու Էօրնեկյան վարժարանի տարածքի մետաղական ճաղացանց ցանկապատի, դարպասների և պահակակետի կառուցման աշխատանքները: |
|
11. |
Ծրագրի իրականացման կազմակերպական ծախսերը |
Այլ ծախսեր նախատեսված չեն: |
|
12. |
Համագործակցությունը պետական կառավարման, տեղական ինքնակառավարման մարմինների և այլ կազմակերպությունների հետ |
Չի նախատեսվում: |
|
13. |
Ծրագրի արդյունավետության նկատմամբ վերահսկողության մեխանիզմների նկարագրությունը |
Նախատեսվում է տեխնիկական հսկողություն՝ Հայաստանյայց Առաքելական Սուրբ Եկեղեցու ֆինանսական բաժնի հետ, ինչպես նաև ՀՀ բարեգործական ծրագրերի համակարգման խորհրդակցական հանձնաժողովի կողմից: Ծրագրի ավարտից հետո կտրվի ամփոփ տեղեկություն: |
|
Հայաստանի Հանրապետության |
Տ. Ավինյան |