ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

8 փետրվարի 2022 թվականի

թիվ 02-Ն

Ո Ր Ո Շ ՈՒ Մ

«ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՄԱՍԻՆ» ՁԵՎ 1-ՎԻ (ՏԱՐԵԿԱՆ) ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2018 ԹՎԱԿԱՆԻ ՀՈԿՏԵՄԲԵՐԻ 19-Ի ԹԻՎ 50-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետով և 18-րդ հոդվածի 4-րդ մասով, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Վարչական իրավախախտումների մասին» Ձև 1-ՎԻ (տարեկան) վիճակագրական ամփոփ հաշվետվության ձևը՝ համաձայն հավելված 1-ի:

2. Հաստատել «Վարչական իրավախախտումների մասին» Ձև 1-ՎԻ (տարեկան) վիճակագրական ամփոփ հաշվետվության լրացման հրահանգը՝ համաձայն հավելված 2-ի:

3. Ուժը կորցրած ճանաչել Հայաստանի Հանրապետության վիճակագրության պետական խորհրդի 2018 թվականի հոկտեմբերի 19-ի ««Հայտնաբերված վարչական իրավախախտումների, վարչական պատասխանատվության ենթարկված անձանց թվաքանակի և նշանակված տուգանքների չափերի մասին» Ձև 1-վի (տարեկան) վիճակագրական հաշվետվության ձևն ու լրացման հրահանգը հաստատելու և Հայաստանի Հանրապետության վիճակագրության պետական խորհրդի 2002 թվականի օգոստոսի 12-ի թիվ 169-Ն որոշումն ուժը կորցրած ճանաչելու մասին» թիվ 50-Ն որոշումը:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Նախագահ

Ս. Մնացականյան

Հավելված 1 Հայաստանի Հանրապետության վիճակագրության պետական խորհրդի 2022 թվականի փետրվարի 8-ի թիվ 02-Ն որոշման

ԲԱԺԻՆ 1. ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՎԵՐԱԲԵՐՅԱԼ ՀՀ ՕՐԵՆՍԳՐՔՈՎ (ՀՀ ՎԻՎՕ) ՆԱԽԱՏԵՍՎԱԾ ՎԱՐՉԱԿԱՆ ԻՐԱՎԱԽԱԽՏՈՒՄՆԵՐ

Տողի համարը	ՀՀ ՎԻՎՕ հոդվածի համարը	Հայտնաբերված վարչական իրավա-խախտումների  քանակը	Կարգա-պահական պատասխա-նատվության ենթարկելու դեպքերի քանակը (ՀՀ ՎԻՎՕ 15-րդ հոդված)	Կայացված որոշումների քանակը (սյ.5+6+7+8)	այդ թվում`
					վարչական տույժ նշանակելու մասին	վարչական վարույթի կասեցման մասին	վարչական գործի վարույթը կարճելու մասին, կապված՝
							դատախազին, նախա-քննության կամ հետա-քննության մարմնին հանձնելու հետ	այլ հանգա-մանքների հետ
Հ/հ	1	2	3	4	5	6	7	8
1.
2.
3.
4.
5.
6.
7.
8.
9.
10.
…
Ընդամենը

Կիրառվել են վարչական տույժեր (սյ. 5-ից)
նախա-զգուշացում	տուգանային միավոր	տուգանք	տուգանքի գումարը, հազ. դրամ		վարչական իրավա-խախտում կատարելու գործիք կամ անմիջական օբյեկտ հանդիսացող առարկայի հատուցմամբ վերցնում	վարչական իրավա-խախտում կատարելու գործիք կամ անմիջական օբյեկտ հանդիսացող առարկայի բռնա-գրավում	տրանս-պորտային միջոցներ վարելու իրավունքի կասեցում	հատուկ իրավունքից զրկում	տնտեսական գործու-նեության կասեցում
			նշանակվել է	գանձվել է
9	10	11	12	13	14	15	16	17	18

ԲԱԺԻՆ 2. ՀՀ ԱՅԼ ՕՐԵՆՔՆԵՐՈՎ  ՆԱԽԱՏԵՍՎԱԾ ՎԱՐՉԱԿԱՆ ԻՐԱՎԱԽԱԽՏՈՒՄՆԵՐ

Տողի համա-րը	Օրենքի անվանումը, հոդվածի համարը	Հայտնա-բերված վարչական իրավախախ-տումների քանակը	Կայացված որոշում-ների քանակը (սյ.4+5+6)	այդ թվում`			Կիրառվել են վարչական տույժեր (սյ. 4-ից)
				վարչական տույժ նշանակելու  մասին	վարչական վարույթի  կասեցման մասին	վարչական գործի վարույթը կարճելու մասին
							տուգանք	տուգանքի գումարը, հազ. դրամ		կիրառված վարչական պատասխա-նատվության այլ միջոցներ
								նշանակվել է	գանձվել է
Հ/հ	1	2	3	4	5	6	7	8	9	10
1.
2.
3.
4.
5.
6.
7.
8.
9.
10.
…
Ընդամենը

Ղեկավար`	_____________________________		____________________________
	(Ազգանուն, անուն)		(Ստորագրություն)
Լրացնող (լիազորված անձ)`	_____________________________		____________________________
	(Ազգանուն, անուն)		(Ստորագրություն)
«_____» ______ ____ 20___թ.

Հավելված 2 Հայաստանի Հանրապետության վիճակագրության պետական խորհրդի 2022 թվականի փետրվարի 8-ի թիվ 02-Ն որոշման

Հ Ր Ա Հ Ա Ն Գ

«ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՄԱՍԻՆ» ՁԵՎ 1-ՎԻ (ՏԱՐԵԿԱՆ) ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգը կարգավորում է «Վարչական իրավախախտումների մասին» Ձև 1-ՎԻ (տարեկան) վիճակագրական ամփոփ հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը լրացվում է Վարչական իրավախախտումների վերաբերյալ ՀՀ օրենսգրքի (ՀՀ ՎԻՎՕ) և ՀՀ այլ օրենքների համաձայն վարչական իրավախախտումների վերաբերյալ գործեր քննելու լիազորություն ունեցող մարմինների կողմից:

3. Հաշվետվությունը ներկայացվում է ՀՀ վիճակագրական կոմիտե՝ Հաշվետվության ձևի մեջ նշված ժամկետում և պարբերականությամբ:

4. Հաշվետվության ձևի դիմային էջի «Փաստացի գործունեության հիմնական տեսակի» ծածկագիրը լրացվում է՝ համաձայն «Տնտեսական գործունեության տեսակների դասակարգչի» 5-նիշ խմբավորման:

 5. Հաշվետվության ներկայացման հետ կապված այլ հարաբերությունները կարգավորվում են ՀՀ օրենսդրությամբ սահմանված կարգով:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 6. Հաշվետվությունը բաղկացած է 2 բաժնից, որոնք ներառում են ՀՀ ՎԻՎՕ և ՀՀ այլ օրենքներով նախատեսված վարչական իրավախախտումների վերաբերյալ ցուցանիշներ:

7. Հաշվետվության 1-ին բաժնի՝

1) Սյունակ 1-ում լրացվում է ՀՀ ՎԻՎՕ՝ վարչական պատասխանատվություն նախատեսող համապատասխան հոդվածի համարը.

2) Սյունակ 2-ում լրացվում է հաշվետու ժամանակահատվածում հայտնաբերված վարչական իրավախախտումների քանակը.

3) Սյունակ 3-ում լրացվում է կարգապահական պատասխանատվության ենթարկելու դեպքերի քանակը՝ հաշվի առնելով ՀՀ ՎԻՎՕ 15-րդ հոդվածի 1-ի մասի դրույթները, համաձայն որոնց՝ ՀՀ պաշտպանության, ազգային անվտանգության և ոստիկանության ու փրկարարական ծառայության հանրապետական գործադիր մարմինների ծառայողները, զինծառայողները, ինչպես նաև զորահավաքների կանչված զինապարտները վարչական իրավախախտումների համար կրում են կարգապահական պատասխանատվություն.

 4) Սյունակ 4-ում լրացվում է վարչական իրավախախտումների վերաբերյալ կայացված որոշումների քանակը, որը հանդիսանում է 5-րդ, 6-րդ, 7-րդ և 8-րդ սյունակների ցուցանիշների հանրագումարը.

 5) Սյունակ 5-ում լրացվում է վարչական տույժ նշանակելու մասին որոշումների քանակը.

 6) Սյունակ 6-ում լրացվում է վարչական վարույթի կասեցումների քանակը.

 7) Սյունակներ 7-ում և 8-ում լրացվում է վարչական գործի վարույթը կարճելու մասին որոշումների քանակը՝ կապված.

 ա. դատախազին, նախաքննության կամ հետաքննության մարմնին հանձնելու հետ,

 բ. այլ հանգամանքների հետ.

 8) 9-11-րդ և 14-18-րդ սյունակներում լրացվում է կիրառված վարչական տույժերի քանակը՝ ըստ տեսակների.

 9) 12-րդ և 13-րդ սյունակներում լրացվում են հաշվետու ժամանակաշրջանում նշանակված և գանձված տուգանքների գումարները:

 8. Հաշվետվության 2-րդ բաժնի՝

 1) Սյունակ 1-ում լրացվում են վարչական իրավախախտումներ նախատեսող ՀՀ այլ օրենքի անվանումը և համապատասխան հոդվածի համարը.

 2) Սյունակ 2-ում լրացվում է հաշվետու ժամանակահատվածում հայտնաբերված վարչական իրավախախտումների քանակը,

 3) Սյունակ 3-ում լրացվում է վարչական իրավախախտումների վերաբերյալ կայացված որոշումների քանակը, որը հանդիսանում է 4-րդ, 5-րդ և 6-րդ սյունակների ցուցանիշների հանրագումարը.

 4) Սյունակ 4-ում լրացվում է վարչական տույժ նշանակելու մասին որոշումների քանակը.

 5) Սյունակ 5-ում լրացվում է վարչական վարույթի կասեցումների քանակը.

 6) Սյունակ 6-ում լրացվում է վարչական գործի վարույթը կարճելու մասին որոշումների քանակը.

 7) Սյունակ 7-ում լրացվում է վարչական իրավախախտումների համար կիրառված տուգանքների քանակը.

 8) 8-րդ և 9-րդ սյունակներում լրացվում են հաշվետու ժամանակաշրջանում նշանակված և գանձված տուգանքների գումարները.

 9) Սյունակ 10-ում լրացվում է կիրառված վարչական պատասխանատվության այլ միջոցների քանակը:

Պաշտոնական հրապարակման օրը՝ 10 փետրվարի 2022 թվական: