ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

Ի գիտություն ընդունելով Եվրասիական տնտեսական միության ներքին շուկայի գործունեության շրջանակներում Ռուսաստանի Դաշնության կողմից Բելառուսի Հանրապետության ձեռնարկությունների կողմից արտադրված կաթնամթերքի նկատմամբ ժամանակավոր անասնաբուժասանիտարական միջոցառումներ վարելու մասով պարտականությունների կատարման մոնիթորինգի արդյունքների վերաբերյալ տեղեկատվությունը, «Եվրասիական տնտեսական հանձնաժողովի մասին» հիմնադրույթի («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 1 հավելված) 43-րդ կետի 4-րդ ենթակետին համապատասխան` Եվրասիական տնտեսական հանձնաժողովի կոլեգիան որոշեց.

1. Ծանուցել Ռուսաստանի Դաշնությանը «Եվրասիական տնտեսական միության մասին» 2014 թվականի մայիսի 29-ի պայմանագրի 28-րդ հոդվածի 2-րդ կետի, 29-րդ հոդվածի 2-րդ կետի, 56-րդ հոդվածի 4-րդ կետի և Եվրասիական տնտեսական հանձնաժողովի 2016 թվականի մայիսի 16-ի թիվ 149 որոշմամբ հաստատված՝ «Ժամանակավոր սանիտարական, անասնաբուժասանիտարական և կարանտինային բուսասանիտարական միջոցներ սահմանելիս Եվրասիական տնտեսական միության անդամ պետությունների լիազորված մարմինների փոխգործակցության կարգի» 3-րդ կետի կատարման անհրաժեշտության մասին՝ Բելառուսի Հանրապետության տարածքից Ռուսաստանի Դաշնության տարածք կաթնամթերքի առանձին կատեգորիաների նկատմամբ ժամանակավոր սահմանափակումներ սահմանելիս։

2. Խնդրանքով դիմել Բելառուսի Հանրապետության կառավարությանը՝ Եվրասիական տնտեսական հանձնաժողովին տեղեկացնել արտադրական հզորությունների և դրանցով արտադրվող կաթնամթերքի տեսականու վերաբերյալ։

3. Խնդրանքով դիմել Ռուսաստանի Դաշնության կառավարությանը՝ սույն որոշումն ուժի մեջ մտնելու օրվանից 10 օրացուցային օրվա ընթացքում Եվրասիական տնտեսական հանձնաժողովին տեղեկացնել ձեռնարկված միջոցառումների մասին:

4. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

Պաշտոնական հրապարակման օրը՝ 22 հունիսի 2022 թվական: