ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

29 հունիսի 2023 թվականի N 1068-Ա

Հիմք ընդունելով Հայաստանի Հանրապետության քաղաքացիական օրենսգրքի 594-րդ հոդվածը և Հայաստանի Հանրապետության կառավարության 2011 թվականի մարտի 24-ի N 305-Ն որոշումը՝ Հայաստանի Հանրապետության կառավարությունը որոշում է.

1. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի հաշվեկշռում հաշվառված՝ Հայաստանի Հանրապետության Շիրակի մարզ, քաղ. Գյումրի, Արևելյան փողոց, 3-րդ շենք, բնակարան 23, Հայաստանի Հանրապետության Տավուշի մարզ, Նոյեմբերյան համայնք, գյուղ Արճիս, 3-րդ փողոց, 2-րդ շենք, բնակարան 1 և Հայաստանի Հանրապետության Արմավիրի մարզպետի աշխատակազմի հաշվեկշռում հաշվառված՝ Հայաստանի Հանրապետության Արմավիրի մարզ, Վաղարշապատ համայնք, քաղ. Էջմիածին, Մ. Խորենացի 101/1 շենք, բնակարան 409 հասցեներում բնակվող քաղաքացիներին օրենսդրությամբ սահմանված կարգով նվիրել իրենց կողմից զբաղեցված բնակելի տարածքները` համաձայն հավելվածի, համապատասխանաբար սեփականության իրավունքով և ընդհանուր բաժնային սեփականության իրավունքով՝ հավասար բաժիններով, հողամասը՝ ընդհանուր բաժնային սեփականության իրավունքով՝ համապատասխան բաժնեմասերով:

2. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին և Հայաստանի Հանրապետության Արմավիրի մարզպետին՝ սույն որոշումն ուժի մեջ մտնելուց և սահմանված կարգի համաձայն նվիրատվությամբ տրամադրվող բնակելի տարածքները որպես առանձին գույքային միավոր առանձնացնելուց (անհրաժեշտության դեպքում) հետո ապահովել սույն որոշման հավելվածում նշված բնակելի տարածքների նվիրատվությունը:

3. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին և Հայաստանի Հանրապետության Արմավիրի մարզպետին՝ օրենսդրությամբ սահմանված կարգով կազմված հատակագիծը (ցանկում նշված մակերեսների տարբերություններ առաջանալու դեպքում հիմք ընդունել նշված հասցեների՝ սահմանված կարգով գրանցված համապատասխան վկայականի հատակագծի մակերեսը՝ մինչև 3% թույլատրելի շեղումով) սույն որոշման հավելվածում նշված բնակիչների կողմից ներկայացվելուց հետո վերջիններիս հետ մեկ տարվա ընթացքում կնքել նվիրատվության պայմանագրեր՝ դրանցում նախատեսելով, որ պայմանագրերի նոտարական վավերացման և պայմանագրերից բխող գույքային իրավունքների պետական գրանցման ծախսերը ենթակա են իրականացման նվիրառու բնակիչների միջոցների հաշվին:

Հայաստանի Հանրապետության վարչապետ	Ն. Փաշինյան
Երևան

29.06.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2023 թվականի հունիսի 29-ի N 1068-Ա որոշման

ՆՎԻՐԱՏՎՈՒԹՅԱՆ ԵՆԹԱԿԱ ԲՆԱԿԵԼԻ ՏԱՐԱԾՔՆԵՐԻ

NN ը/կ	Բնակելի տարածքի անվանումը և հասցեն	Բնակիչների ազգանունը, անունը, հայրանունը	Անձնագրային տվյալները	Մակե- րեսը (քմ)	Սկզբնական արժեքը (դրամ)	Սեփականության իրավունքով կամ ընդհանուր սեփա- կանության իրա- վունքով տրվող	Հողամասը
1.	Արմավիրի մարզ, Վաղարշապատ համայնք, քաղ. Էջմիածին, Մ. Խորենացի 101/1 շենք, բն. 409	Թամազյան Սոնիկ Սերյոժայի Թամազյան Ժանետա Էդգարի Թամազյան Վարդան Էդգարի Թամազյան Լիա Էդգարի Թամազյան Լիզա Էդգարի Թամազյան Սեմ Էդգարի	AS0520930, տրված 25.02.2019 թ., 057-ի կողմից Ծնված՝ 26.05.2010 թ. Ծնված՝ 11.06.2012 թ. Ծնված՝ 01.10.2015 թ. Ծնված՝ 26.03.2021 թ.   Ծնված՝ 31.01.2023 թ.	13.30	645,076.60	ընդհանուր բաժնային սեփականության իրավունքով՝ հավասար բաժիններով	ընդհանուր բաժնային սեփականության իրավունքով՝ համապա-տասխան բաժնեմասերով
2.	Շիրակի մարզ, քաղ. Գյումրի, Արևելյան փողոց, 3-րդ շենք, բն. 23	Մանուկյան Դավիթ Սաշայի Մանուկյան Վազգեն Սաշայի Մանուկյան Ռուդիկ Սաշայի	AR0211464, տրված 01.03.2017 թ., 064-ի կողմից AN0483336, տրված 22.05.2013 թ., 016-ի կողմից AP0323935, տրված 19.03.2015 թ., 064-ի կողմից	59.31	6,907.84	ընդհանուր բաժնային սեփականության իրավունքով՝ հավասար բաժիններով	ընդհանուր բաժնային սեփականության իրավունքով՝ համապա-տասխան բաժնեմասերով
3.	Տավուշի մարզ, Նոյեմբերյան համայնք, գյուղ Արճիս, 3-րդ փողոց, 2-րդ շենք, բն. 1	Մկրտումյան Սուսաննա Իսկանդարի	AS0653762, տրված 18.06.2019 թ., 047-ի կողմից	44.9	1,011,000.0	սեփականության իրավունքով	ընդհանուր բաժնային սեփականության իրավունքով՝ համապա-տասխան բաժնեմասերով

Հայաստանի Հանրապետության վարչապետի աշխատակազմի ղեկավար

Ա. Հարությունյան

29.06.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ