Հավելված 1 Հայաստանի Հանրապետության վիճակագրության պետական խորհրդի 2018 թվականի հոկտեմբերի 19-ի թիվ 27-Ն որոշման

Բաժին 1. Տվյալներ էներգակիրների արտադրության, սպառման և պահուստների վերաբերյալ

Ցուցանիշ	Տողի ծածկա-գիրը	Չափի միավորը	Գնված		Սեփա-կան արտա-դրու-թյուն	Վաճառված		Պահուստներ		Սպառում ընդա-մնենը	այդ թվում
			Բնեղեն արտա-հայ-տու-թյամբ	Արժեքով հազար դրամ (առանց ավելա-ցված արժեքի հարկի (ԱԱՀ) և ակցիզա-յին հարկի)	Բնեղեն արտա-հայ-տու-թյամբ	Բնեղեն արտա-հայ-տու-թյամբ	Արժեքով հազար դրամ(առանց ԱԱՀ և ակցիզա-յին հարկի)	Հունվարի 1-ի դրու-թյամբ (տարե-սկիզբ)	Դեկտեմ-բերի 31-ի դրու-թյամբ (տարե-վերջ)	Բնեղեն արտահայ-տությամբ(1+3-4+6-7)	Էլեկտրա-էներ-գիայի և (կամ) ջերմա-էներ- գիայի արտա-դրու-թյան համար	Էներ-գետիկ նպա-տակ-ների համար	Ոչ էներ-գետիկ նպա-տակ-ների համար	Տրանս-պոր-տում
Ա	Բ	Գ	1	2	3	4	5	6	7	8	9	10	11	12
Էլեկտրաէներգիա	110	հազար կիլովատ ժամ						X	X				X
Ջերմային էներգիա	111	հազար գեգաջոուլ						X	X				X	X
Բնական գազ	112	հազար խորանարդ մետր						X	X					X
Սեղմված գազ	113	կգ
Հեղուկ գազ	114	հազար լիտր
Բենզին	115	հազար լիտր
Ավիաբենզին	116	հազար լիտր
Կերոսին	117	հազար լիտր
Ավիակերոսին	118	հազար լիտր
Դիզելային վառելիք	119	հազար լիտր
Մազութ	120	կգ												X
Բիտում	121	տոննա												X
Քսայուղեր	122	կգ
Քարածուխ	123	կգ												X
Փայտածուխ	124	կգ												X
Վառելափայտ	125	կգ												X
Այլ փայտի թափոն	126	կգ												X
Գոմաղբ	127	կգ												X
Արեգակնային էներգիա	128	հազար կիլովատտ ժամ						X	X					X
Այլ	199

Ղեկավար/Անհատ ձեռնարկատեր՝	__________________		__________________
	(ազգանուն, անուն)		(ստորագրություն)
Լրացնող (գլխավոր հաշվապահ կամ այլ լիազորված անձ)՝	__________________		__________________
	(ազգանուն, անուն)		(ստորագրություն)
	«__ __»___________ 20__թ.

(հավելվածը խմբ. 26.08.20 թիվ 17-Ն, 11.12.23 թիվ 54-Ն)

Հավելված 2 Հայաստանի Հանրապետության վիճակագրության պետական  խորհրդի 2018 թվականի հոկտեմբերի 19-ի թիվ 27-Ն որոշման

ՀՐԱՀԱՆԳ

1. Սույն հրահանգը կարգավորում է «էներգակիրների արտադրության, սպառման և պահուստների մասին» Ձև 1-էներգետիկա (տարեկան) վիճակագրական հաշվետվության (այսուհետ` Հաշվետվություն) լրացման կարգի հետ կապված հարաբերությունները:

2. Հաշվետվությունը ներկայացնում են իրավաբանական անձինք և անհատ ձեռնարկատերերը (այսուհետ` տնտեսավարող սուբյեկտները), որոնք այդ մասին նախապես իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացվում է՝ համաձայն ՀՀ էկոնոմիկայի նախարարի 2013 թվականի սեպտեմբերի 19-ի N 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման (տես՝ http://www.arlis.am/Annexes/4/GT30.1-13page1730-2124ink1392.doc հղումը):

4. Փաստացի գործունեության հիմնական տեսակ է համարվում գործունեության այն տեսակը, որը հաշվետու ժամանակաշրջանում հավելյալ արժեքի ընդհանուր ծավալում փաստացի ունեցել է առավել մեծ տեսակարար կշիռ: Առավել մեծ տեսակարար կշիռը որոշվում է ընդհանուր հասույթի, հավելյալ արժեքի կամ աշխատողների ընդհանուր թվաքանակի մեջ ունեցած բաժնով և այլ համանման բնութագրող ցուցանիշներով:

5. Հաշվետվությունը ներկայացվում է Հայաստանի Հանրապետության վիճակագրական կոմիտե՝ Հաշվետվության ձևի վրա նշված ժամկետներում և պարբերականությամբ:

6. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ԼՐԱՑՄԱՆ ԿԱՐԳԸ

7. Հաշվետվության «Գնված» սյունակներում ցույց է տրվում էներգակիրների այն քանակը, որը տնտեսավարող սուբյեկտը գնել է, անհատույց կամ ապրանքափոխանակման կարգով (բարտերով) ձեռք է բերել այլ տնտեսավարող սուբյեկտներից:

8. Հաշվետվության «Սեփական արտադրություն» սյունակում ցույց է տրվում էներգակիրների այն քանակը, որը տնտեսավարող սուբյեկտը արտադրել է հաշվետու տարվա ընթացքում:

9. Հաշվետվության «Վաճառված» սյունակներում ցույց է տրվում էներգակիրների այն քանակը, որը տնտեսավարող սուբյեկտը վաճառել է, անհատույց կամ ապրանքափոխանակման կարգով (բարտերով), փոխանցել է այլ տնտեսավարող սուբյեկտներին (բացառությամբ իր ներկայացուցչությունների և առանձնացված ստորաբաժանումների):

10. Հաշվետվության «Պահուստներ» սյունակներում ցույց է տրվում էներգակիրների առկայությունը տարեսկզբին և տարեվերջին:

11. Հաշվետվության «Սպառում» սյունակում ցույց է տրվում էներգակիրների այն քանակը, որն օգտագործվել է տնտեսավարող սուբյեկտի կողմից իր գործունեությունն իրականացնելու համար:

12. Հաշվետվության «Էլեկտրաէներգիայի և (կամ) ջերմաէներգիայի արտադրության համար» սյունակում լրացնում են միայն այն տնտեսավարող սուբյեկտները, որոնք ունեն սեփական էլեկտրաէներգիայի կամ ջերմային էներգիայի արտադրություն: Նշված սյունակում ցույց է տրվում էներգակիրների այն քանակը, որը ծախսվել է տնտեսավարող սուբյեկտում էլեկտրական կամ ջերմային էներգիա արտադրելու համար:

13. Հաշվետվության «Էներգետիկ նպատակների համար» սյունակում ցույց է տրվում էներգակիրների այն քանակը, որն օգտագործվել է էներգիա ստանալու համար` արտադրական (տեխնոլոգիական) կարիքների, ջեռուցման, վառարանների, տրանսֆորմատորների և այլ էներգետիկ սարքավորումների, տեխնիկական շահագործման և այլի համար:

14. Հաշվետվության «Ոչ էներգետիկ նպատակների համար» սյունակում ցույց է տրվում էներգակիրների այն քանակը, որն օգտագործվում է որպես հումք, բայց ոչ որպես վառելիք, ինչպես նաև օգտագործվել է մեքենաների և սարքավորումների մաքրման և այլ աշխատանքների համար: Օրգանական վառելիքը կարող է օգտագործվել որպես հումք ոչ վառելիքային արտադրանքի արտադրության համար: Օրինակ` մազութը կարող է օգտագործվել ասֆալտի արտադրության համար, քսայուղերը` մեքենաների և շարժիչների յուղման համար:

15. Հաշվետվության «Տրանսպորտում» սյունակում ցույց է տրվում վառելիքի այն քանակը, որն օգտագործվել է տրանսպորտային գործունեության համար` բեռների և ուղևորների փոխադրման համար:

(հավելվածը լրաց. 11.12.23 թիվ 54-Ն)