ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 մայիսի 1993 թվականի N 203

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԻ ՀՅՈՒՐԱՆՈՑՆԵՐՈՒՄ, ՀԱՆՐԱԿԱՑԱՐԱՆՆԵՐՈՒՄ, ՀԱՆԳՍՏՅԱՆ ՏՆԵՐՈՒՄ, ՊԱՆՍԻՈՆԱՏՆԵՐՈՒՄ, ԱՌՈՂՋԱՐԱՆՆԵՐՈՒՄ ԵՎ ԺԱՄԱՆԱԿԱՎՈՐ ԱՅԼ ԿԱՑԱՐԱՆՆԵՐՈՒՄ ԱՊԱՍՏԱՆԱԾ ՓԱԽՍՏԱԿԱՆՆԵՐԻՑ ԿՈՄՈՒՆԱԼ ԾԱՌԱՅՈՒԹՅՈՒՆՆԵՐԻ ՎԱՐՁԻ ԳԱՆՁՄԱՆ ՄԱՍԻՆ

Ելնելով փախստականներին ժամանակավոր ապաստան տված հիմնարկների ֆինանսական ծանր վիճակից, Հայաստանի Հանրապետության կառավարությունը որոշում է`

1. 1993 թվականի մայիսի 1-ից Հայաստանի Հանրապետության տարածքի հյուրանոցներում, հանրակացարաններում, հանգստյան տներում, պանսիոնատներում, առողջարաններում և ժամանակավոր այլ կացարաններում ապաստանած փախստականներից գանձել կոմունալ ծառայությունների (ջրի, գազի, էլեկտրաէներգիայի, սանմաքրման) վարձը` Հայաստանի Հանրապետությունում սահմանված սակագներին համապատասխան, նկատի ունենալով Հայաստանի Հանրապետության օրենսդրությամբ այդ ծառայությունների վճարման համար նախատեսված արտոնությունները:

2. Հայաստանի Հանրապետության ֆինանսների նախարարությանը` քննության առնել և լուծել փախստականներին ապաստան տալու հետևանքով հյուրանոցներին, հանգստյան տներին, հանրակացարաններին հասցված այն վնասների փոխհատուցման հարցը, որոնք հնարավոր չէ ծածկել նրանց սեփական միջոցների հաշվին:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ