հայկական սսհ մինիստրների սովետ

ո ր ո շ ու մ

3 մարտի 1969 թվականի N 133

Քաղ. Երևան

ԳՅՈՒՂԱԿԱՆ ՎԱՅՐԵՐԻ ԵՎ ԲԱՆՎՈՐԱԿԱՆ ԱՎԱՆՆԵՐԻ ԿՈՒԼՏՈՒՐ-ԼՈՒՍԱՎՈՐԱԿԱՆ ՀԻՄՆԱՐԿՆԵՐԻ ԱՇԽԱՏՈՂՆԵՐԻ ԿՈՄՈՒՆԱԼ ԱՐՏՈՆՈՒԹՅՈՒՆՆԵՐԻ ՄԱՍԻՆ

Հայկական ՍՍՀ Մինիստրների սովետը որոշում է`

1. Ընդունել Հայկական ՍՍՀ Կուլտուրայի մինիստրության միջնորդությունը և 1969 թվականի մարտի 1-ից գյուղական վայրերի և բանվորական ավանների կուլտուր-լուսավորական աշխատողների, ինչպես նաև երաժշտական ու նկարչական դպրոցների բարձրագույն և միջնակարգ կրթություն ունեցող դասատուների վրա տարածել յոթնամյա և տարրական դպրոցների ուսուցիչների համար Հայկական ՍՍՀ Մինիստրների սովետի 1948 թվականի մարտի 1-ի  N 195 որոշմամբ նախատեսված կոմունալ արտոնությունները (ձրի բնակարան, վառելիք և լուսավորություն), համաձայն հավելվածի:

2. Թույլատրել աշխատավորների դեպուտատների շրջանային և ավանային սովետների գործկոմներին` գյուղական վայրերի և բանվորական ավանների կուլտուր-լուսավորչական աշխատողներին և երաժշտական ու նկարչական դպրոցների դասատուներին կոմունալ արտոնություններ (ձրի բնակարան, վառելիք և լուսավորություն) տալու հետ կապված ծախսերը 1969 թվականին կատարել տեղական բյուջեի հաշվին:

3. Հանձնարարել Հայկական ՍՍՀ Կուլտուրայի մինիստրությանը` Ֆինանսների մինիստրության հետ համատեղ մշակել և հաստատել սույն որոշման կիրառման վերաբերյալ հրահանգ:

Հայկական ՍՍՀ ՄԻՆԻՍՏՐՆԵՐԻ Սովետի նախագահ`

Բ. ՄՈՒՐԱԴՅԱՆ

Հայկական ՍՍՀ ՄԻՆԻՍՏՐՆԵՐԻ Սովետի ԳՈՐԾԵՐԻ ԿԱՌԱՎԱՐԻՉ`

Հ. ՄԵԼՔՈՆՅԱՆ

ՀԱՎԵԼՎԱԾ Հայկական ՍՍՀ Մինիստրների սովետի 1969 թվականի մարտի 3-ի  N 133 որոշման

Ց ՈՒ Ց Ա Կ

Գյուղական վայրերի և բանվորական ավանների կուլտուր-լուսավորական հիմնարկների աշխատողների և երաժշտական ու նկարչական դպրոցների դասատուների, որոնց վրա տարածվում են կոմունալ արտոնություններ

Շրջանային և գյուղական կուլտուրայի տների դիրեկտորներ, գեղարվեստական մասի ղեկավարներ և մեթոդիստներ

գյուղական ակումբների վարիչներ

շրջանային գրադարանների և շրջանային մանկական գրադարանների վարիչներ, բաժինների վարիչներ, գրադարանավարներ

գյուղական ինքնուրույն գրադարանների վարիչներ և ակումբներին կից գրադարանների գրադարանավարներ

երաժշտական ու նկարչական դպրոցների դիրեկտորներ, ուսմասվարներ և դասատուներ:

Հայկական ՍՍՀ ՄԻՆԻՍՏՐՆԵՐԻ Սովետի ԳՈՐԾԵՐԻ ԿԱՌԱՎԱՐԻՉ`

Հ. ՄԵԼՔՈՆՅԱՆ