ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

12 ապրիլի 2024 թվականի

թիվ 31

քաղ. Երևան

«Եվրասիական տնտեսական միության մասին» 2014 թվականի մայիսի 29-ի պայմանագրի 52-րդ հոդվածին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 27-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց․

1. Մաքսային միության հանձնաժողովի 2011 թվականի հունվարի 28-ի թիվ 526 որոշմամբ հաստատված՝ այն արտադրանքի միասնական ցանկը, որի նկատմամբ Մաքսային միության շրջանակներում սահմանվում են պարտադիր պահանջներ, լրացնել հետևյալ բովանդակությամբ 68-րդ կետով՝

«68. «Սպորտային, ֆիզկուլտուրային-առողջարարական սարքավորումներ և գույք (ֆուտբոլի, մինի-ֆուտբոլի, հանդբոլի, հոկեյի դարպասներ, ստենդային հրաձգության և սպորտինգի թիրախներ, մարմնամարզական գույք և սարքավորումներ (զուգակցված ասիմետրիկ(զուգահեռ) զուգափայտեր, զուգահեռ զուգափայտեր, մարզաձողեր, մարմնամարզական սարքեր` հենացատկերի համար, գերաններ, բատուտներ, օղակներ, շվեդական պատեր, վանդակավոր սանդուղքներ, կարկասային կառուցվածքներ` մագլցելու համար, ձիագերաններ, իշոտնուկներ, ճոպաններ, մարմնամարզական սեղաններ, մարմնամարզական նստարաններ, մարմնամարզական ներքնակներ, ակրոբատական ուղեգորգեր))»։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Հայաստանի Հանրապետությունից՝	Բելառուսի Հանրապետությունից`	Ղազախստանի Հանրապետությունից`	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Ի. Պետրիշենկո	Ս. Ժումանգարին	Ա. Կասիմալիև	Ա. Օվերչուկ