ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 օգոստոսի 2024 թվականի N 1291-Ն

Համաձայն «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետի, «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածների, «Բաժնետիրական ընկերությունների մասին» Հայաստանի Հանրապետության օրենքի 35-րդ հոդվածի՝ Հայաստանի Հանրապետության կառավարությունը որոշում է.

1. Լրացուցիչ բաժնետոմսեր տեղաբաշխելու միջոցով «Հայփոստ» փակ բաժնետիրական ընկերության (այսուհետ` ընկերություն) կանոնադրական կապիտալն ավելացնելու նպատակով ՀՀ բարձր տեխնոլոգիական արդյունաբերության նախարարությանը ՀՀ 2024 թվականի պետական բյուջեից հատկացնել 1,951,428,942.0 (մեկ միլիարդ ինը հարյուր հիսունմեկ միլիոն չորս հարյուր քսանութ հազար ինը հարյուր քառասուներկու) դրամ բյուջետային ծախսերի տնտեսագիտական դասակարգման «Ներքին բաժնետոմսերի և այլ մասնաբաժինների ձեռքբերում» հոդվածով, որից 1,131,559,600.0 դրամը՝ ՀՀ կառավարության պահուստային ֆոնդից:

(1-ին կետը խմբ. 27.12.24 N 2066-Ն)

2. Հայաստանի Հանրապետության բարձր տեխնոլոգիական արդյունաբերության նախարարին` սույն որոշումն ուժի մեջ մտնելուց հետո հնգօրյա ժամկետում ապահովել սույն որոշման 1-ին կետում նշված դրամական միջոցների ներդրումը ընկերության կանոնադրական կապիտալում, մինչև 2024 թվականի հոկտեմբերի 1-ը՝ ընկերության կանոնադրության փոփոխության հաստատումը և կանոնադրական կապիտալի փոփոխմամբ պայմանավորված՝ կանոնադրության փոփոխության պետական գրանցումը՝ կանոնադրական կապիտալի փոփոխության հետ կապված ծախսերն իրականացնելով ընկերության միջոցների հաշվին:

3. Հայաստանի Հանրապետության 2024 թվականի պետական բյուջեի մասին» Հայաստանի Հանրապետության օրենքի 2-րդ հոդվածի աղյուսակում և N 1 հավելվածի N 2 աղյուսակում կատարել փոփոխություններ, N 3 հավելվածի N 1 աղյուսակում, N 3 հավելվածի N 1.1 աղյուսակում և Հայաստանի Հանրապետության կառավարության 2023 թվականի դեկտեմբերի 28-ի «Հայաստանի Հանրապետության 2024 թվականի պետական բյուջեի կատարումն ապահովող միջոցառումների մասին» N 2323-Ն որոշման NN 1, 3, 4, 5, 9 և 9.1 հավելվածներում կատարել փոփոխություններ և լրացումներ` համաձայն NN 1, 2, 3, 4, 5, 6, 7 և 8 հավելվածների:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ն. ՓաշինՅԱՆ
Երևան

15.08.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 1 ՀՀ կառավարության 2024 թվականի օգոստոսի 15-ի N 1291-Ն որոշման

Հավելված N 2 ՀՀ կառավարության 2024 թվականի օգոստոսի 15-ի N 1291-Ն որոշման

Հավելված N 3 ՀՀ կառավարության 2024 թվականի օգոստոսի 15-ի N 1291-Ն որոշման

Հավելված N 4 ՀՀ կառավարության 2024 թվականի օգոստոսի 15-ի N 1291-Ն որոշման

Հավելված N 5 ՀՀ կառավարության 2024 թվականի օգոստոսի 15-ի N 1291-Ն որոշման

Հավելված N 6 ՀՀ կառավարության 2024 թվականի օգոստոսի 15-ի N 1291-Ն որոշման

Հավելված N 7 ՀՀ կառավարության 2024 թվականի օգոստոսի 15-ի N 1291-Ն որոշման

Հավելված N 8 ՀՀ կառավարության 2024 թվականի օգոստոսի 15-ի N 1291-Ն որոշման

Պաշտոնական հրապարակման օրը՝ 16 օգոստոսի 2024 թվական: