«Գրանցված է»

ՀՀ արդարադատության

նախարարության կողմից

18 հոկտեմբերի 2005 թ.

Պետական գրանցման թիվ 33005408

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ ՖԻԶԻԿԱԿԱՆ ԿՈՒԼՏՈՒՐԱՅԻ ԵՎ ՍՊՈՐՏԻ ՊԵՏԱԿԱՆ ԿՈՄԻՏԵ

3 հոկտեմբերի 2005 թ. ք. Երևան

N 16-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՖԻԶԻԿԱԿԱՆ ԿՈՒԼՏՈՒՐԱՅԻ ԵՎ ՍՊՈՐՏԻ ՊԵՏԱԿԱՆ ԿՈՄԻՏԵԻ ՆԱԽԱԳԱՀԻ 2004 ԹՎԱԿԱՆԻ ՀՈՒԼԻՍԻ 26-Ի N 2-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությանն առընթեր ֆիզիկական կուլտուրայի և սպորտի պետական կոմիտեի նախագահի 2004 թվականի հուլիսի 26-ի «Հայաստանի Հանրապետության կառավարությանն առընթեր ֆիզիկական կուլտուրայի և սպորտի պետական կոմիտեի գործավարության կարգը հաստատելու մասին» N 2-Ն հրամանում կատարել հետևյալ փոփոխությունները և լրացումները.

հրամանով հաստատված հավելվածի

1) 5-րդ կետի առաջին պարբերությունում «քարտուղարության ընդհանուր բաժնում (այսուհետ՝ Ընդհանուր բաժին)» բառերը փոխարինել «Քարտուղարությունում» բառով,

2) տեքստում «Ընդհանուր բաժին» բառերը համապատասխան հոլովումներով փոխարինել «Քարտուղարություն» բառով,

3) 10-րդ կետի վերջին նախադասությունը շարադրել նոր խմբագրությամբ. «Բացառությունները թույլատրվում են միայն այն գրությունների համար, որոնք բովանդակում են ենթակա կազմակերպությունների բողոք իրենց վերադասի նկատմամբ և ժամկետը խիստ սահմանափակված է բողոքին օրենքով սահմանված կարգով ընթացք տալու համար:»,

4) 15-րդ կետում «կրիչի վրա» բառերը փոխարինել «կրիչով» բառով,

5) 18-րդ կետում «՝ Նախագահին զեկուցելու, իսկ Ընդհանուր բաժնի պետին՝ Աշխատակազմի ղեկավարին զեկուցելու համար» բառերը հանել,

6) 25-րդ կետում «գրանցելուց» բառը փոխարինել «գրանցվելուց» բառով և «հանձնվում է» բառերը փոխարինել «հանձնվում են» բառերով,

7) 29-րդ կետում «ղեկավարը» բառից հետո լրացնել «ժամկետը լրանալուց առնվազն 1 օր առաջ» բառերը և «անձին» բառից հետո «առնվազն 1 օր առաջ» բառերը հանել,

8) 35-րդ կետի «ա» ենթակետի երկրորդ նախադասությունում «նշագրումներով» բառից հետո լրացնել «, նախագծի նախապատրաստման ընթացքում ստեղծված բոլոր փաստաթղթերով» բառերը,

9) 35-րդ կետի «բ» ենթակետում «Ձևաթղթի վրա տպագրված հրամանի առաջին օրինակը» բառերը հանել և «ներկայացնելը,» բառից հետո լրացնել «ձևաթղթի վրա տպագրված հրամանի առաջին օրինակի» բառերը,

10) 37-րդ կետում «հրամանները» բառը փոխարինել «հրամաններն» բառով,

11) 38-րդ կետը շարադրել նոր խմբագրությամբ. «Նախագահի և Աշխատակազմի ղեկավարի հրամանների պատճենները կնքվում են Քարտուղարության կնիքով:»,

12) 41-րդ կետից հետո լրացնել 41¹ ու 41² կետեր՝ հետևյալ բովանդակությամբ՝

«41¹. Յուրաքանչյուր տարվա համար հրամանների համարակալումներն սկսվում են հունվար ամսվա առաջին հրամանից և ավարտվում տվյալ տարվա դեկտեմբերի վերջին հրամանով:

41². Նախագահի և աշխատակազմի ղեկավարի հրամանների համար սահմանվում են առանձին համարակալումներ, որոնք նույնպես կատարվում են տարեսկզբից մինչև տարեվերջ:»,

13) 42-րդ կետից հետո լրացնել 42¹ կետ՝ հետևյալ բովանդակությամբ.

«42¹. Կոմիտեի խորհրդակցությունների արձանագրությունների բնագրերը պահվում են Քարտուղարությունում:»

14) 44-րդ կետում լրացնել հետևյալ բովանդակությամբ նոր պարբերություն.

«Առանձին դեպքերում Նախագահի հանձնարարությամբ աշխատակազմում ելից փաստաթղթեր կարող են ստորագրել Նախագահի տեղակալները:»,

15) 47-րդ կետում «անկյունում» բառից հետո լրացնել «նշվում է» բառերը,

16) 51-րդ կետում «ձախից ներքևի անկյունում» բառերը փոխարինել «ներքևի ձախ անկյունում» բառերով,

17) 52-րդ կետի չորրորդ պարբերությունում «Մատյաններում» բառը փոխարինել «մատյաններում» բառով,

18) 53-րդ կետում «, դրանց» բառը հանել,

19) 55-րդ կետում «Փաստաթուղթն ուղարկվելուց առաջ դրա» բառերը փոխարինել «Փաստաթղթի ուղարկելուց առաջ» բառերով,

20) 62-րդ կետում «Անստորագիր» բառը փոխարինել «Անանուն» բառով,

21) 64-րդ կետի 2-րդ պարբերությունը շարադրել նոր խմբագրությամբ. «Քաղաքացիների կողմից ստացված առաջարկությունները, դիմումներն ու բողոքները Քարտուղարության պետի նախնական քննարկումից հետո ներկայացվում են Աշխատակազմի ղեկավարին:» և լրացնել 64¹ -րդ կետ՝ հետևյալ բովանդակությամբ.

«64¹. Որոշ առաջարկություններ, դիմումներ ու բողոքներ աշխատակազմի ղեկավարի հանձնարարությամբ Քարտուղարության կողմից կարող են ուղարկվել այն պետական մարմիններ, հիմնարկներ ու կազմակերպություններ, որոնց անմիջական իրավասությանն է պատկանում տվյալ հարցի լուծումը կամ որոնց անմիջական ենթակայությամբ է գործում այն կազմակերպությունը կամ պաշտոնատար անձը, որի գործողությունը բողոքարկվում է՝ դիմողին ուղարկելով դրա մասին ծանուցում:»

22) 68-րդ կետի երկրորդ պարբերության երկրորդ «Պատասխան նամակի առաջին օրինակը ուղարկվում է դիմողին, երկրորդ օրինակը, համապատասխան աշխատողի նշագրումով, կցվում է գործին:» նախադասությունը փոխարինել «Այս նպատակով պատասխանը նախապատրաստվում է երեք օրինակից: Առաջին օրինակը՝ քարտուղարության պետի ստորագրությամբ, ուղարկվում է դիմողին, երկրորդ օրինակը՝ նշագրումներով կցվում գործին, երրորդը հանձնվում է աշխատակազմի համապատասխան կառուցվածքային ստորաբաժանում:» նախադասությունով,

23) 70-րդ կետում «Վերջնական լուծում ստանալուց» բառերը փոխարինել «Ուսումնասիրությունից և վերջնական քննարկումից» բառերով,

24) 78-րդ կետում «աշխատակազմի ղեկավարի» բառերը փոխարինել «Աշխատակազմի ղեկավարի» բառերով, որից հետո լրացնել «կամ Քարտուղարության պետի» բառերը,

25) 80-րդ կետում «օրինակների վրա» բառերը փոխարինել «օրինակները» բառով:

Նախագահ՝

Ի. Զաքարյան