ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

6 դեկտեմբերի 2012 թ.    ք. Երևան

N 2848-Ա

Հ Ր Ա Մ Ա Ն

ԱՆՀԱՏ ՁԵՌՆԱՐԿԱՏԵՐ ԱՇՈՏ ՄԵԼՔՈՆՅԱՆԻ ԼԻՑԵՆԶԻԱՅԻ ԳՈՐԾՈՂՈՒԹՅՈՒՆԸ ԿԱՍԵՑՆԵԼՈՒ ՄԱՍԻՆ

Հիմք ընդունելով «Լիցենզավորման մասին» ՀՀ օրենքի 3-րդ հոդվածը, 36-րդ հոդվածի 1-ին մասի 8-րդ կետը և նույն հոդվածի 2-րդ մասը, Հայաստանի Հանրապետության առողջապահության նախարարի 2012 թվականի օգոստոսի 27-ի թիվ 1980-Ա հրամանի համաձայն հարուցված վարչական վարույթի շրջանակներում անհատ ձեռնարկատեր Աշոտ Մելքոնյանին պատկանող ստոմատոլոգիական կաբինետում իրականացված զննության արդյունքները և հաշվի առնելով անհատ ձեռնարկատեր Աշոտ Մելքոնյանի կողմից օրենքների և այլ իրավական ակտերի, լիցենզավորման ենթակա գործունեության պարտադիր պահանջների և պայմանների խախտման հանգամանքը, ինչպես նաև այն, որ զննման արդյունքում համապատասխան կազմակերպության գործունեության ընթացքում հայտնաբերվել են լիցենզավորման պայմանների և պահանջների էական խախտումներ, այն է`

1. Բժիշկ ստոմատոլոգ Աշոտ Մելքոնյանը վերջին հինգ տարիների ընթացքում վերապատրաստում չունի, ինչը չի համապատասխանում ՀՀ կառավարության 2009 թվականի հոկտեմբերի 29-ի N 1275-Ն որոշմամբ հաստատված հավելվածի 3-րդ բաժնով սահմանված պահանջներին և պայմաններին:

ՀՐԱՄԱՅՈՒՄ ԵՄ՝

1. Կասեցնել Աշոտ Մելքոնյանի թերապևտիկ ստոմատոլոգիական, վիրաբուժական ստոմատոլոգիական արտահիվանդանոցային գործունեության իրականացման 28.12.2005 թ. թիվ Ա-XX-000164 լիցենզիայի գործողությունը Աշոտ Մելքոնյանի մասով մինչև խախտման պատճառի վերացումը:

2. Հայաստանի Հանրապետության աշխատակազմի լիցենզավորման գործակալության պետ Ա. Սողոյանին`

1) ապահովել լիցենզիայի կասեցման մասին տեղեկությունների գրանցումը համապատասխան գրանցամատյանում,

2) եռօրյա ժամկետում ապահովել սույն հրամանի առաքումը լիցենզավորված անձին, գերատեսչական նորմատիվ ակտերը հրապարակող մարմին և ՀՀ կառավարությանն առընթեր պետական եկամուտների կոմիտե:

3. Սույն հրամանի կատարման հսկողությունը հանձնարարել ՀՀ առողջապահության նախարարի տեղակալ Տ. Սահակյանին:

Դ. Դումանյան