ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
|
6 սեպտեմբերի 2019 թ. |
N 2457-Ա |
Հ Ր Ա Մ Ա Ն
ԱՆՀԱՏ ՁԵՌՆԱՐԿԱՏԵՐ ԳԵՎՈՐԳ ՂԼԵՉՈՒՆՑԻՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ 2018 ԹՎԱԿԱՆԻ ՀՈՒՆՎԱՐԻ 16-ԻՆ ՏՐՎԱԾ N Ա-ԲՕ-000901 ԼԻԶԵՆԶԻԱՅԻ ԳՈՐԾՈՂՈՒԹՅՈՒՆԸ ԿԱՍԵՑՆԵԼՈՒ ՄԱՍԻՆ
Հիմք ընդունելով «Լիցենզավորման մասին» Հայաստանի Հանրապետության օրենքի 36-րդ հոդվածի 1-ին մասի 2-րդ կետը, 2-րդ մասը, 43-րդ հոդվածը, Վարչապետի 2018 թվականի հունիսի 11-ի N 728-Լ որոշմամբ հաստատված Առողջապահության նախարարության կանոնադրության 18-րդ կետի 20-րդ ենթակետը, լիցենզավորման հանձնաժողովի եզրակացությունը, հաշվի առնելով Հայաստանի Հանրապետության առողջապահական և աշխատանքի տեսչական մարմնում 2019 թվականի մայիս-հունիս ամիսներին հարուցված վարչական վարույթի արդյունքում ի թիվս այլ խախտումների հայտնաբերված խախտումը` այն է`
1. անհատ ձեռնարկատեր Գևորգ Ղլեչունցին Հայաստանի Հանրապետության առողջապահության նախարարության կողմից 2018 թվականի հունվարի 16-ին տրամադրվել է թիվ Ա-ԲՕ-000901 լիցենզիան արտահիվանդանոցային բժշկական-օպտիկական բժշկական օգնության և սպասարկման տեսակը ք. Երևան, Ալեք Մանուկյան փողոց, թիվ 7 շենք, թիվ 4 ոչ բնակելի տարածք հասցեում իրականացնելու համար, սակայն լիցենզավորված անձի կողմից այն օգտագործվում է ք. Երևան, Նելսոն Ստեփանյան փողոց, թիվ 8 շենք, 1/4 տարածք հասցեում`
ՀՐԱՄԱՅՈՒՄ ԵՄ`
1. Կասեցնել անհատ ձեռնարկատեր Գևորգ Ղլեչունցին տրամադրված (ք. Երևան, Ալեք Մանուկյան փողոց, թիվ 7 շենք, թիվ 4 ոչ բնակելի տարածք) արտահիվանդանոցային բժշկական-օպտիկական բժշկական օգնության և սպասարկման տեսակն իրականացնելու թիվ Ա-ԲՕ-000901 լիցենզիայի գործողությունը:
2. Առողջապահության նախարարության լիցենզավորման գործակալության պետի ժամանակավոր պաշտոնակատար Վահե Ալեքսանյանին`
1) ապահովել լիցենզիայի կասեցման մասին տեղեկությունների գրանցումը համապատասխան գրանցամատյանում,
2) եռօրյա ժամկետում ապահովել սույն հրամանի առաքումը գերատեսչական նորմատիվ ակտերը հրապարակող մարմին և Պետական եկամուտների կոմիտե:
3. Առողջապահության նախարարության քարտուղարության պետ Զարուհի Դարբինյանին` եռօրյա ժամկետում ապահովել սույն հրամանի առաքումը հայտատուին:
4. Սույն հրամանի կատարման հսկողությունը հանձնարարել Առողջապահության նախարարի տեղակալ Հովհաննես Հարությունյանին:
5. Սույն հրամանն ուժի մեջ է մտնում անհատ ձեռնարկատեր Գևորգ Ղլեչունցին իրազեկելուն հաջորդող օրվանից:
6. Սույն հրամանը «Վարչարարության հիմունքների և վարչական վարույթի մասին» ՀՀ օրենքի 70-րդ և 71-րդ հոդվածներով սահմանված կարգով կարող է բողոքարկվել Հայաստանի Հանրապետության առողջապահության նախարարություն, ինչպես նաև ՀՀ վարչական դատարան՝ վարչական ակտն ուժի մեջ մտնելու օրվանից 2 ամսվա ընթացքում:
Ա. ԹՈՐՈՍՅԱՆ