«Վավերացնում եմ»
Հայաստանի Հանրապետության
Նախագահ Լ. Տեր-Պետրոսյան
«2» օգոստոսի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

  2 օգոստոսի 1996 թվականի N 238

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1995 ԹՎԱԿԱՆԻ ՀՈՒՆՎԱՐԻ 31-Ի N 47 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1995 թվականի հունվարի 31-ի «Պետական ձեռնարկությունների` բաց բաժնետիրական ընկերությունների ձևով սեփականաշնորհման գործընթացը կանոնակարգելու մասին» N 47 որոշման մեջ կատարել հետևյալ փոփոխություններն ու լրացումները`

ա) որոշման 2-րդ կետում և որոշմամբ հաստատված կանոնակարգի 4-րդ կետում «ՀՀ պետական ձեռնարկությունների և անավարտ շինարարության օբյեկտների սեփականաշնորհման և ապապետականացման պետական հանձնաժողովին», «ՀՀ պետական ձեռնարկությունների և անավարտ շինարարության օբյեկտների սեփականաշնորհման և ապապետականացման պետական հանձնաժողովը» բառերը համապատասխանաբար փոխարինել «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման միջգերատեսչական պետական հանձնաժողովին», «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման միջգերատեսչական պետական հանձնաժողովը» բառերով.

բ) որոշման 4-րդ կետի «բ» ենթակետում և կանոնակարգի 5-րդ կետում «ՀՀ կառավարությանն առընթեր պետական ունեցվածքի հաշվառման և ապապետականացման վարչության», «ՀՀ կառավարությանն առընթեր պետական ունեցվածքի հաշվառման և ապապետականացման վարչությանը» բառերը համապատասխանաբար փոխարինել «Հայաստանի Հանրապետության պետական ունեցվածքի հաշվառման և ապապետականացման վարչության», «Հայաստանի Հանրապետության պետական ունեցվածքի հաշվառման և ապապետականացման վարչությանը» բառերով:

գ) կանոնակարգի 13-րդ կետը շարադրել հետևյալ խմբագրությամբ`

«13. Բաժնետոմսերի բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո: Բաժանորդագրությունն իրականացվում է պետական ձեռնարկության սեփականաշնորհման մասին Հայաստանի Հանրապետության կառավարության որոշմամբ հաստատված ժամկետներում».

դ) կանոնակարգի 17-րդ կետի երկրորդ պարբերությունը շարադրել հետևյալ խմբագրությամբ.

«Մերժված հայտերը գրանցվում են մեկ ընդհանուր առանձին գրանցամատյանում, որտեղ ըստ սյունակների հերթականության պետք է նշվեն`

ա) ձեռնարկության անվանումը.

բ) հայտի համարը»:

Այդ կապակցությամբ կանոնակարգի 17-րդ կետի «ա, բ, գ, դ, ե, զ, է, ը» ենթակետերը համապատասխանաբար համարել «գ, դ, ե, զ, է, ը, թ, ժ» ենթակետեր.

ե) կանոնակարգի 18-րդ կետը շարադրել նոր խմբագրությամբ.

«18. Բաժնետոմսերի համար վճարը մուծվում է Հայխնայբանկում բաժանորդագրության նպատակով բացված ընկերության ժամանակավոր հաշվին: Վճարը կարող է մուծվել բոլոր օրինական վճարման միջոցներով, այդ թվում` սեփականաշնորհման սերտիֆիկատներով: Ընդունված հայտերի դիմաց վճարը չի վերադարձվում, բացառությամբ բաժանորդագրությունը չկայացած համարվելու, հայտը մերժվելու և սույն կանոնակարգի 24-րդ կետում նշված դեպքերի:

Վճարը վերադարձվում է մասնակցի պահանջով տասը բանկային օրվա ընթացքում, ընդ որում, սեփականաշնորհման սերտիֆիկատներով մուծված վճարի գումարը վերադարձվում է սեփականաշնորհման սերտիֆիկատներով».

զ) կանոնակարգի 19-րդ կետի երկրորդ պարբերությունը շարադրել հետևյալ խմբագրությամբ`

«Արձանագրությանը կցվում է բաժանորդագրության արդյունքներով կազմված բաժնետերերի նախնական գրանցամատյանից քաղվածք (բաժնետերերի կազմի յուրաքանչյուր բաժնետիրոջ բաժնետոմսերի քանակը), որը հանդիսանում է արձանագրության անբաժան մասը և որի բոլոր էջերը ստորագրում են հանձնաժողովի նախագահը և քարտուղարը».

 է) կանոնակարգի 19-րդ կետը լրացնել նոր պարբերություններով.

«Վարչությունը բաժանորդագրության ժամկետի ավարտից հետո 10 օրվա ընթացքում Հայաստանի Հանրապետության ֆինանսների նախարարություն է ներկայացնում իր կողմից հաստատված բաժնետոմսերի բաժանորդագրության արդյունքների ամփոփման մասին արձանագրություն` 3 օրինակից, համաձայն N 4 հավելվածի:

Հայխնայբանկը բաժանորդագրության ժամկետի ավարտից հետո 5 օրվա ընթացքում վարչություն է ներկայացնում տվյալներ ժամանակավոր հաշիվներում մուտքագրված վճարումների մասին:

Վարչությունը և Հայխնայբանկը, համատեղ ճշտելով և համաձայնեցնելով բաժանորդագրության ընթացքում պետական ձեռնարկության (կամ փակ բաժնետիրական ընկերության) բաժնետոմսերի համար սեփականաշնորհման սերտիֆիկատներով և դրամով կատարված վճարումների չափը, սահմանված կարգով կազմում են համապատասխան ակտ, որի մեկ օրինակը ներկայացվում է Հայաստանի Հանրապետության ֆինանսների նախարարություն:

Հայաստանի Հանրապետության ֆինանսների նախարարությունը, վերը նշված փաստաթղթերն ստանալուց հետո 5 աշխատանքային օրվա ընթացքում վավերացնում է բաժանորդագրության արդյունքների մասին արձանագրությունը և 2 օրինակ վերադարձնում վարչությանը».

ը) կանոնակարգի 21-րդ կետը շարադրել հետևյալ խմբագրությամբ.

«21. Բաժնետոմսերի բաժանորդագրությունը համարվում է չկայացած, եթե բաժանորդագրության արդյունքներով հաշվարկված բաժնետոմսերի գումարային քանակից (ԲՔԳ) հանած աշխատավորական կոլեկտիվի կողմից բաժանորդագրված բաժնետոմսերի քանակը (ԱԿԲ) չի գերազանցում բաժանորդագրությամբ վաճառքի ենթակա բաժնետոմսերի նախնական քանակի (ԲՆՔ) և կոլեկտիվի կողմից փաստացի բաժանորդագրված քանակի (ԱԿԲ) տարբերության 25 տոկոսը, բանաձևի տեսքով`

25

(ԲՔԳ-ԱԿԲ) ≤ ----- x (ԲՆՔ-ԱԿԲ)».

100

թ) կանոնակարգի 22-րդ կետը շարադրել հետևյալ խմբագրությամբ.

«22. Բաժնետոմսերի անվանական արժեքները ենթակա չեն փոփոխման բաժանորդագրության արդյունքում: Հայաստանի Հանրապետության կառավարության որոշմամբ կարող է սահմանվել բաժնետոմսերի հետևյալ անվանական արժեքներից մեկը` 100, 200, 500, 1000, 2000, 5000, 10000, 20000 դրամ».

ժ) կանոնակարգի 23-րդ կետը շարադրել նոր խմբագրությամբ`

«23. Բաժնետոմսերի բաժանորդագրության արդյունքում բոլոր մասնակիցներին հասանելիք բաժնետոմսերի գումարային քանակը որոշվում է հետևյալ բանաձևով`

ԲԳՔ-(ԲՔԳ-ԱԿԲ)/((ԲՆՔ-ԱԿԲ)/ԲՆՔ)),

որտեղ`

ԲԳՔ-ն բաժանորդագրության արդյունքներով բոլոր մասնակիցներին հասանելիք բաժնետոմսերի քանակն է.

ԲՔԳ-ն բաժանորդագրության արդյունքներում սույն կանոնակարգի 14-րդ կետում նշված ընդհանուր գրանցամատյանում և սույն կանոնակարգի 16-րդ կետում նշված գրանցամատյանում գրանցված բաժնետոմսերի ընդհանուր գումարն է.

ԱԿԲ-ն բաժանորդագրության արդյունքներով սույն կանոնակարգի 16-րդ կետում նշված աշխատավորական կոլեկտիվի գրանցամատյանում գրանցված բաժնետոմսերի ընդհանուր գումարն է.

ԲՆՔ-ն Հայաստանի Հանրապետության կառավարության որոշմամբ սահմանված բաժանորդագրման ենթակա բաժնետոմսերի ընդհանուր քանակն է».

ժա) կանոնակարգի 28-րդ կետում «եռօրյա» բառը փոխարինել «տասնօրյա» բառով:

ժբ) կանոնակարգի N 4 հավելվածը շարադրել նոր խմբագրությամբ`

«ՀԱՎԵԼՎԱԾ N 4 պԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ` ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՁևՈՎ ՍԵՓԱԿԱՆԱՇՆՈՐՀՄԱՆ ԳՈՐԾԸՆԹԱՑԻ ԿԱՆՈՆԱԿԱՐԳԻ

«Վավերացնում եմ»	«Հաստատում եմ»
ՀՀ ֆինանսների նախարարի առաջին տեղակալ	ՀՀ պետական ունեցվածքի հաշվառման և ապապետականացման վարչության պետ
_______________________________	______________________________
«____» _______________ 199  թ.	«____» _______________ 199  թ.
_____________________________________________________________ ԲԲԸ

ԱՐՁԱՆԱԳՐՈՒԹՅՈՒՆ  N

ԲԱԺԱՆՈՐԴԱԳՐՈՒԹՅԱՆ ԱՐԴՅՈՒՆՔՆԵՐԻ ԱՄՓՈՓՄԱՆ

«______» _______________ 199 թ.

Հանձնաժողովի կազմը`

Նախագահ ___________________________________________________ (ա.հ.ա., ստորագրությունը)

Քարտուղար ___________________________________________________ (ա.հ.ա., ստորագրությունը)

Բաժանորդագրության իրականացման հիմքերը.

բաժանորդագրությունն իրականացվել է համաձայն

ՀՀ կառավարության որոշման ___________________________________________ (որոշման ամսաթիվը և համարը)

և թողարկման ազդագրի ______________________________________________ 199 թ. (թողարկման ազդագրի հրապարակման ամսաթիվը)

Բաժանորդագրության սկիզբը «___»_____  199  թ., ավարտը «___»_____  199  թ.

ՀՀ կառավարության որոշմամբ սահմանված բաժանորդագրման ենթակա բաժնետոմսերի

ընդհանուր քանակը ______________________________________________________ (քանակը

________________________________________________________________________ թվերով և տառերով)

Բաժանորդագրության արդյունքներով բաժանորդագրված բաժնետոմսերի ընդհանուր

քանակը _______________________________________________________________ (քանակը

_______________________________________________________________________ թվերով և տառերով)

Մեկ բաժնետոմսի անվանական արժեքը _____________________________________ (քանակը

________________________________________________________________________ թվերով և տառերով)

Բաժնետոմսերի համար վճարված ընդհանուր գումարը _________________________

______________________________________________________________ դրամ,

այդ թվում` սեփականաշնորհման սերտիֆիկատներով ____________________________                                                                                                  (քանակը

_________________________________________________________________________ թվերով և տառերով)

______________________________________________________________ դրամ

Սեփականաշնորհվող ձեռնարկության կոլեկտիվի անդամների կողմից բաժանորդագրված

բաժնետոմսերի քանակը _________________________________________________ (քանակը

_______________________________________________________________________ թվերով և տառերով)

Բաժանորդագրության արդյունքներով բոլոր մասնակիցներին հասանելիք բաժնետոմսերի

քանակը (ԲԳՔ) __________________________________________________________ (քանակը

_________________________________________________________________________ թվերով և տառերով)

Բաժանորդագրության մասնակիցների կազմը և հասանելիք բաժնետոմսերի քանակը

ՀՀ քաղաքացիների և քաղաքացիների խմբերը _________________________________                                                                               (քանակը

__________________________________________________________________________ թվերով և տառերով)

կոլեկտիվի ամդամներ (ԱԿՀ) ________________________________________________ (քանակը

_________________________________________________________________________ թվերով և տառերով)

ոչ պետական ձեռնարկություններ ____________________________________________ (քանակը

_________________________________________________________________________ թվերով և տառերով)

օտարերկրյա քաղաքացիներ ________________________________________________ (քանակը

_________________________________________________________________________ թվերով և տառերով)

ինվեստիցիոն հիմնադրամներ ________________________________________________ (քանակը

__________________________________________________________________________ թվերով և տառերով)

Բաժանորդագրության արդյունքում ձևավորված ԲԲԸ-ի կանոնադրական հիմնադրամը

__________________________________________________________________________ (թվերով և տառերով)

______________________________________________________________ դրամ

Համաձայն ՀՀ կառավարության 1995 թ. հունվարի 31-ի N 47 որոշման ________________

________________________________________________ (ձեռնարկության անվանումը)

բաժանորդագրությունը __________________________________________________

Բաժանորդագրության արդյունքում կազմված բաժնետերերի գրանցամատյանից քաղվածքը (բաժնետերերի կազմը, յուրաքանչյուր բաժնետիրոջ բաժնետոմսերի քանակը) կցվում է:

Հանձնաժողովի նախագահ ________________________________________________

Հանձնաժողովի քարտուղար _______________________________________________

2. Սույն որոշումն ուժի մեջ է մտնում 1996 թվականի օգոստոսի 2-ից:

Հայաստանի Հանրապետության վարչապետ

Հ. ԲԱԳՐԱՏյան