«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊեՏՐՈՍՅԱՆ

26 ՕԳՈՍՏՈՍԻ 1997 Թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 օգոստոսի 1997 թվականի N 353
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻ ՆԿԱՏՄԱՄԲ «ԱՐԴՇԻՆԲԱՆԿ» ԲԲԸ-Ի ՊԱՐՏԱՎՈՐՈՒԹՅՈՒՆՆԵՐԻ ԵՎ «ԱՐԴՇԻՆԲԱՆԿ» ԲԲԸ-Ի ՆԿԱՏՄԱՄԲ «ՆԱԻՐԻՏ» ՓԲԸ-Ի ՊԱՐՏԱՎՈՐՈՒԹՅՈՒՆՆԵՐԻ ԿԱՐԳԱՎՈՐՄԱՆ ՄԱՍԻՆ

«Արդշինբանկ» ԲԲԸ-ի վարձակալած պետական սեփականություն հանդիսացող շենքերի, շինությունների և այլ գույքի գնման կապակցությամբ Հայաստանի Հանրապետության պետական բյուջեի նկատմամբ առաջացող պարտավորությունների և «Արդշինբանկ» ԲԲԸ-ի նկատմամբ «Նաիրիտ» ՓԲԸ-ի պարտավորությունների կարգավորման նպատակով, համաձայն Հայաստանի Հանրապետության կառավարության 1996 թվականի օգոստոսի 19-ի «Հայարդշինբաժնետերբանկին վարձակալության տրված պետական սեփականություն հանդիսացող շենքերը, շինությունները և այլ գույքը վաճառելու մասին» N 256 որոշման, Հայաստանի Հանրապետության կառավարությունը որոշում է.

1. Հայաստանի Հանրապետության ֆինանսների և էկոնոմիկայի նախարարությանը` առաջարկել «Արդշինբանկ» ԲԲԸ-ին և «Նաիրիտ» ՓԲԸ-ին «Արդշինբանկ» ԲԲԸ-ի նկատմամբ «Նաիրիտ» ՓԲԸ-ի պարտքը վարկի հիմնական գումարի` սույն որոշման 2-րդ կետում նշված մասի չափով համարել մարված և միաժամանակ «Արդշինբանկ» ԲԲԸ-ի վարձակալած պետական սեփականություն հանդիսացող շենքերի, շինությունների և այլ գույքի գնման կապակցությամբ Հայաստանի Հանրապետության պետական բյուջեի նկատմամբ առաջացող «Արդշինբանկ» ԲԲԸ-ի պարտավորությունները սահմանված կարգով փոխանցել «Նաիրիտ» ՓԲԸ-ին:

2. Նշված պարտավորությունների փոխանցումը կատարել Հայաստանի Հանրապետության ֆինանսների և էկոնոմիկայի նախարարության, «Արդշինբանկ» ԲԲԸ-ի և «Նաիրիտ» ՓԲԸ-ի միջև կնքվող եռակողմ պայմանագրի հիման վրա` «Արդշինբանկ» ԲԲԸ-Հայաստանի Հանրապետության պետական բյուջե և «Նաիրիտ» ՓԲԸ-«Արդշինբանկ» ԲԲԸ, վարկի հիմնական գումարի մասով` պարտավորություններից նվազագույնի չափով` սույն որոշման ընդունումից հետո 15-օրյա ժամկետում:

3. Սույն որոշումն ուժի մեջ է մտնում հրապարակման պահից:

Հայաստանի Հանրապետության վարչապետ

Ռ. Քոչարյան