040.0030.20.01.99

«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

20 հունվարի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 հունվարի 1999 թվականի N 30

քաղ. Երևան

ԴԱՏԱՎՈՐԻ ՊԱՏՄՈՒՃԱՆԻ (ԹԻԿՆՈՑԻ) ՆԿԱՐԱԳԻՐԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Դատավորի կարգավիճակի մասին» Հայաստանի Հանրապետության օրենքի 22 հոդվածով` Հայաստանի Հանրապետության կառավարությունը որոշում է.

Հաստատել դատավորի պատմուճանի (թիկնոցի) նկարագիրը` համաձայն հավելվածի:

Հայաստանի Հանրապետության վարչապետ

Ա. Դարբինյան

Հավելված ՀՀ կառավարության 1999 թվականի հունվարի 20-ի N 30 որոշման

ԴԱՏԱՎՈՐԻ ՊԱՏՄՈՒՃԱՆԻ (ԹԻԿՆՈՑԻ) ՆԿԱՐԱԳԻՐԸ

1. Դատավորի պատմուճանը (այսուհետև` պատմուճան) երկար թիկնոց է, որն ագուցվում է առջևից կամ բաց է թողնվում ազատ վիճակում:

2. Պատմուճանը կարվում է սև մետաքսյա կտորից:

3. Պատմուճանի առաջամասում երկու ուսագլխից արվում է մի քանի խոշոր ծալք: Ծալքեր են արվում նաև թևքերին` պատմուճանի արտահայտչականությունն ընդգծելու համար:

4. Պատմուճանի առաջամասն ամրացվում է շղթայով:

5. Պատմուճանի պարանոցի բացվածքը սրտաձև է (տղամարդկանց համար` վերնաշապիկի և փողկապի լրացմամբ):

6. Պատմուճանի թևքերը երկար են և լայն` դրվագրված նույն կտորից նեղ թեզանիքով (մանժետ) կամ առանց դրա:

Հայաստանի Հանրապետության կառավարության աշխատակազմի ղեկավար

Է. Թադևոսյան