«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

18 մայիսի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 մայիսի 2000 թվականի N 248

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԳՈՒՅՔԸ ՄԱՍՆԱՎՈՐԵՑՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1.1. «Կամուրջշին» բաց բաժնետիրական ընկերության գույքի կազմից առանձնացնել փախստականներով բնակեցված կենցաղի տունը (Կոտայքի մարզ, գ. Արզնի) և այն Հայաստանի Հանրապետության օրենսդրությամբ սահմանված կարգով որպես բնակարանային ֆոնդ սեփականության իրավունքով հանձնել Կոտայքի մարզի Արզնու Գյուղական համայնքին:

Հայաստանի Հանրապետության տարածքային կառավարման և քաղաքաշինության գործունեությունը համակարգող նախարարությանը` երկամսյա ժամկետում Արզնու գյուղական համայնքի հետ կնքել համապատասխան պայմանագիր:

1.2. Հաշվեկշռային մեթոդով գնահատված 314613 հազ. դրամ ակտիվներ ունեցող «Կամուրջշին» բաց բաժնետիրական ընկերության պետական սեփականություն հանդիսացող բաժնետոմսերը մասնավորեցնել ազատ բաժանորդագրության միջոցով (ներդրումային մասնավորեցման արդյունքում ընկերության պետական բաժնեմասը կազմում է 63,15 տոկոս):

1.3. Սահմանել ընկերության մեկնարկային գինը 154500 հազ. դրամ, որը համապատասխանում է բաժնետոմսերի 154500 հատ մեկնարկային քանակի` յուրաքանչյուրը 1000 դրամ անվանական արժեքով:

1.4. Բաժնետոմսերի ազատ բաժանորդագրությամբ մասնավորեցման ենթակա բաժնետոմսերի մեկնարկային գինը կազմում է 97567 հազ. դրամ, որը համապատասխանում է բաժնետոմսերի 97567 հատ մեկնարկային քանակի` յուրաքանչյուրը 1000 դրամ անվանական արժեքով:

1.5. «Կամուրջշին» բաց բաժնետիրական ընկերության պարտավորությունները 2000 թվականի հունվարի 1-ի դրությամբ կազմում են 163479 հազ. դրամ, այդ թվում`

երկարաժամկետ փոխառությունների ընթացիկ մասը` 70204 հազ. դրամ.

Հայաստանի Հանրապետության պետական բյուջեի նկատմամբ` 23393 հազ. դրամ.

անձնակազմի հետ եկամուտների վճարման գծով` 13872 հազ. դրամ.

հաշվետու անձանց նկատմամբ` 63 հազ. դրամ.

մատակարարների և կապալառուների նկատմամբ` 27013 հազ. դրամ.

ստացված կանխավճարների գծով` 6517 հազ. դրամ.

տարբեր կրեդիտորների նկատմամբ` 16832 հազ. դրամ.

սոցիալական ապահովագրության գծով` 5585 հազ. դրամ, որից`

Հայաստանի Հանրապետության սոցիալական ապահովագրության պետական հիմնադրամի նկատմամբ` 5585 հազ. դրամ:

1.6. Հայաստանի Հանրապետության տարածքային կառավարման և քաղաքաշինության գործունեությունը համակարգող նախարարությանը` երկշաբաթյա ժամկետում Հայաստանի Հանրապետության պետական գույքի կառավարման նախարարություն ներկայացնել «Կամուրջշին» բաց բաժնետիրական ընկերության բաժնետոմսերի թողարկման ազդագրի համար անհրաժեշտ տվյալները:

1.7. Հայաստանի Հանրապետության պետական գույքի կառավարման նախարարությանը` «Կամուրջշին» բաց բաժնետիրական ընկերության բաժնետոմսերի թողարկման ազդագրի համար անհրաժեշտ տվյալներն ստանալուց հետո երկշաբաթյա ժամկետում Հայաստանի Հանրապետության օրենսդրությամբ սահմանված կարգով ընկերության արժեթղթերի թողարկման ազդագիրը ներկայացնել գրանցման և գրանցումից հետո այն հրապարակել մամուլում:

1.8. Վճարումները կատարել Հայաստանի Հանրապետության արժույթով:

2. Սույն որոշումն ուժի մեջ է մտնում 2000 թվականի մայիսի 18-ից:

Հայաստանի Հանրապետության վարչապետ

Ա. Մարգարյան