«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

4 սեպտեմբերի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 սեպտեմբերի 2001 թվականի N 807

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ՆՈՅԵՄԲԵՐԻ 25-Ի N 775 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2000 թվականի նոյեմբերի 25-ի «Երևան քաղաքի «Կասկադ» համալիրին հարող տարածքի կառուցապատման ծրագրի մասին» N 775 որոշման մեջ կատարել հետևյալ փոփոխությունները`

որոշմամբ հավանության արժանացած «Կասկադ» համալիրի հարակից լանջերի կառուցապատման ծրագրի առաջին պարբերության`

ա) առաջին նախադասությունը շարադրել հետևյալ խմբագրությամբ.

«Կասկադ» համալիրից աջ և ձախ ընկած` կառուցապատումից զերծ տարածքների ընդհանուր մակերեսը 25 հեկտար է (աջակողմյան հատվածը` 7.38 հա, ձախակողմյանը` 17.6 հա): Բնակելի թաղամասի կառուցապատման մակերեսը 7.5 հեկտար է (աջակողմյանը` 2.46 հա, ձախակողմյանը` 5.04 հա), որտեղ նախատեսվում է իրականացնել 2-3 հարկանի առնվազն 45 առանձնատան (աջակողմյան հատվածում` 15, ձախակողմյան հատվածում` 30), դրանց սպասարկման օբյեկտների, ինչպես նաև այլ հասարակական շենքերի շինարարություն: Նախատեսված է կառուցապատման համար անբարենպաստ (խիստ թեքությամբ)` ավելի քան 12 հեկտար տարածքներն օգտագործել որպես ընդհանուր օգտագործման և հասարակական կառուցապատման գոտի».

բ) հանել հինգերորդ և վեցերորդ նախադասությունները:

2. Սույն որոշումն ուժի մեջ է մտնում 2001 թվականի սեպտեմբերի 4-ից:

Հայաստանի Հանրապետության վարչապետ

Ա. Մարգարյան