«Վավերացնում եմ»
Հայաստանի Հանրապետության
Նախագահ Ռ. Քոչարյան
13 մարտի 2002 թ.

13 մարտի 2002 թվականի N 233
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ԸՆՏՐՈՒԹՅՈՒՆՆԵՐՈՒՄ 5 ԵՎ ԱՎԵԼԻ ՏՈԿՈՍ ՁԱՅՆ ՀԱՎԱՔԱԾ ԿՈՒՍԱԿՑՈՒԹՅՈՒՆՆԵՐԻՆ ՆՅՈՒԹԱԿԱՆ ԱՋԱԿՑՈՒԹՅՈՒՆ ՑՈՒՅՑ ՏԱԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. «Հայաստանի Հանրապետության 2002 թվականի պետական բյուջեի մասին» Հայաստանի Հանրապետության օրենքով Հայաստանի Հանրապետության Ազգային ժողովի ընտրություններում 5 և ավելի տոկոս ձայն հավաքած կուսակցություններին նյութական աջակցություն ցույց տալու նպատակով նախատեսված 100,0 մլն դրամ գումարը բաշխել ըստ Հայաստանի Հանրապետության Ազգային ժողովի ներկայացրած համամասնությունների (կցվում է):

2. Սույն որոշման կատարման վերահսկողությունը դնել Հայաստանի Հանրապետության ֆինանսների և էկոնոմիկայի նախարարության վրա:

3. Սույն որոշումն ուժի մեջ է մտնում 2002 թվականի մարտի 13-ից:

Հայաստանի Հանրապետության վարչապետ

Ա. Մարգարյան

«Հայաստանի Հանրապետության 2002 թվականի պետական բյուջեի մասին» Հայաստանի Հանրապետության օրենքով Հայաստանի Հանրապետության Ազգային ժողովի ընտրություններում 5 ԵՎ ավելի տոկոս ձայն հավաքած կուսակցություններին նյութական աջակցություն ցույց տալու նպատակով նախատեսված գումարի բաշխումը՝ ըստ Հայաստանի Հանրապետության Ազգային ժողովի ներկայացրած համամասնությունների

	Գումարը (դրամ)
«Միասնություն» դաշինք	52,061469
Հայաստանի կոմունիստական կուսակցություն	15,142429
«Իրավունք և միաբանություն» դաշինք	9,957521
«Հայ հեղափոխական դաշնակցություն» կուսակցություն	9,782609
«Օրինաց երկիր» կուսակցություն	6,596702
«Ազգային ժողովրդավարական միություն» հասարակական-քաղաքական կազմակերպություն	6,459270