ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀ

20 նոյեմբերի 2006 թ.

թիվ 1/1167-Ա

Ո Ր Ո Շ ՈՒ Մ

«Հ ԵՎ Ֆ» ԱՊԱՀՈՎԱԳՐԱԿԱՆ ՍՊԸ-Ի ՆԿԱՏՄԱՄԲ ՊԱՏԱՍԽԱՆԱՏՎՈՒԹՅԱՆ ՄԻՋՈՑ ԿԻՐԱՌԵԼՈՒ ՎԵՐԱԲԵՐՅԱԼ

Հայաստանի Հանրապետության կենտրոնական բանկի ֆինանսական վերահսկողության  վարչության 2006 թվականի հոկտեմբերի 20-ի թիվ 13/7 արձանագրությամբ արձանագրվել է «Հ ԵՎ Ֆ» ապահովագրական ՍՊԸ-ի կողմից թույլ տրված ապահովագրության վերաբերյալ օրենքների և այլ իրավական ակտերի հետևյալ խախտումը.

«Հ ԵՎ Ֆ» ապահովագրական ՍՊԸ-ի կողմից 2006 թվականի օգոստոսի 1-ին ՀՀ կենտրոնական բանկ ներկայացված ապահովագրական սակագների հիմնավորումը չի ընդունվել, քանի որ այն իրականացվել է «Ապահովագրության մասին» Հայաստանի Հանրապետության օրենքի 25-րդ հոդվածով նախատեսված և Հայաստանի Հանրապետության կառավարության 2005 թվականի հուլիսի 28-ի թիվ 1296-Ն որոշմամբ հաստատված «Ապահովագրական սակագների հիմնավորման կարգի» պահանջներին համապատասխան, ինչի մասին ընկերությանը տեղյակ է պահվել Հայատանի Հանրապետության կենտրոնական բանկի 2006 թվականի օգոստոսի 18-ի թիվ 13-08/2200 գրությամբ: Սակայն ընկերությունը շարունակել է իրականացնել ապահովագրություն չհիմնավորված սակագներով:

Նշված խախտումը նախատեսված է «Ապահովագրության մասին» Հայաստանի Հանրապետության օրենքի 36-րդ հոդվածի 1-ին մասի «դ» ենթակետով:

Հիմք ընդունելով «Ապահովագրության մասին» Հայաստանի Հանրապետության օրենքի 33-րդ, 36-րդ հոդվածի 1-ին մասի «դ» ենթակետը, հաշվի առնելով Հայաստանի Հանրապետության կենտրոնական բանկի  լիցենզավորման և վերահսկողության հանձնաժողովի եզրակացությունը (09.11.2006 թ. թիվ 52 արձանագրություն), որոշում եմ.

1. «Հ ԵՎ Ֆ» ապահովագրական ՍՊԸ-ի կողմից սույն որոշման նախաբանով նկարագրված խախտման համար կասեցնել «Հ ԵՎ Ֆ» ՍՊԸ ապահովագրական ընկերությանը տրամադրված ոչ կյանքի ապահովագրության իրականացման ԱՊՈ թիվ 0044 լիցենզիայի գործողությունը:

2. Կասեցված ժամանակաշրջանում ընկերությունն իրավունք չունի կնքել լիցենզիայով վերապահված ապահովագրության և վերաապահովագրության պայմանագրեր և տրամադրել վկայագրեր:

3. Սույն որոշման 2-րդ կետում նշված սահմանափակումները չեն տարածվում ընկերության կողմից մինչև սույն որոշման մեջ ուժի մեջ մտնելը կնքած պայմանագրերից բխող պարտավորությունների վրա:

Նախագահ`

Տ. Սարգսյան