«Վավերացնում եմ»
Հայաստանի Հանրապետության
Նախագահ Ռ. Քոչարյան
10 ապրիլի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
3 ապրիլի 2003 թվականի N 336-Ա
«ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆՆ ԱՐՏԱՔԻՆ ՀԱԿԱՎԹԱՐԱՅԻՆ ԿԱՌԱՎԱՐՄԱՆ ԿԵՆՏՐՈՆ ՍՏԵՂԾԵԼՈՒ ՆՊԱՏԱԿՈՎ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՇԵՆՔԻ ՄԱՍ ՀԱՆՁՆԵԼՈՒ ՄԱՍԻՆ
Ելնելով «Ատոմային կայանների անվտանգությունն ապահովող ընդհանուր դրույթներ. ԱԸԴ-88/97» ատոմային էներգետիկայի նորմերով և կանոններով (ԱԷՆԿ Գ-01-011-97) սահմանված արտակարգ իրավիճակներում ատոմային էլեկտրակայանների համար պարտադիր արտաքին վթարային կառավարման կենտրոն ունենալու անհրաժեշտությունից` Հայաստանի Հանրապետության կառավարությունը որոշում է.
1. Հայաստանի Հանրապետության պետական գույքի կառավարման նախարարության տնօրինության` Երևանի Ծովակալ Իսակովի N 50 հասցեում գտնվող շենքից 3000 քառակուսի մետր ընդհանուր մակերեսով շենքի մաս անհատույց օգտագործման իրավունքով հանձնել «Հայկական ատոմային էլեկտրակայան» փակ բաժնետիրական ընկերությանը` արտաքին հակավթարային կառավարման կենտրոն ստեղծելու նպատակով:
2. Հայաստանի Հանրապետության պետական գույքի կառավարման նախարարին և Հայաստանի Հանրապետության էներգետիկայի նախարարին` 1-ամսյա ժամկետում` սահմանված կարգով ապահովել սույն որոշման 1-ին կետում նշված շենքի մասի անհատույց օգտագործման պայմանագրի կնքումը և գույքային իրավունքների պետական գրանցումը:
|
Հայաստանի Հանրապետության |
Ա. Մարգարյան |
|
|