ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
27 սեպտեմբերի 2007 թվականի N 1106-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան՝ Հայաստանի Հանրապետության կառավարությունը որոշում է.
1. Հայաստանի Հանրապետության տրանսպորտի և կապի նախարարությանը հատկացնել 316356.97 հազ. դրամ, այդ թվում՝ Մեղրի-Շվանիձոր-Վերիշեն-Ծավ-Կապան ավտոճանապարհի Լեռնանցք-Ծավ կմ0+000-կմ11+000 և Ծավ-Լեռնանցք կմ1+450-կմ 6+500 ճանապարհահատվածի շինարարության համար՝ 248394.67 հազ. դրամ, իսկ Մ-16 (Մ-4)-Ոսկեպար-Նոյեմբերյան-(Մ-6) ավտոճանապարհի Ոսկեպար-Բաղանիս ճանապարհահատվածի շինարարության համար՝ 67962.30 հազ. դրամ՝ Հայաստանի Հանրապետության 2007 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Կապիտալ նորոգման ծախսեր» հոդվածով):
2. Հայաստանի Հանրապետության տրանսպորտի և կապի նախարարին՝ սույն որոշման 1-ին կետում նշված ճանապարհահատվածների շինարարության տեխնիկական հսկողությունն իրականացնող կազմակերպությունների կողմից ընդունված փաստացի ծավալների և նախահաշիվներով սահմանված աշխատանքների միավոր գների հիման վրա Հայաստանի Հանրապետության օրենսդրության պահանջների համաձայն կատարել համապատասխան փոփոխություններ «Պետական գնումների գործակալություն» պետական ոչ առևտրային կազմակերպության կողմից կնքված պետական կապալի 2005 թվականի ապրիլի 26-ի N ԱՇՁԲ-05/54-3 (կապալառու՝ «Դորոժնիկ» սահմանափակ պատասխանատվությամբ ընկերություն) և 2006 թվականի օգոստոսի 2-ի N ԱՇՁԲ-06/24 (կապալառու՝ «Էներգացանցշին» բաց բաժնետիրական ընկերություն) պայմանագրերում:
3. Հայաստանի Հանրապետության ֆինանսների և էկոնոմիկայի նախարարին՝ համաձայնել Հայաստանի Հանրապետության տրանսպորտի և կապի նախարարի կողմից` սույն որոշման 2-րդ կետում նշված պայմանագրերում առաջարկվող փոփոխությունների կատարման որոշման հետ:
|
Հայաստանի Հանրապետության |
Ս. Սարգսյան |
|
|