ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 դեկտեմբերի 2008 թվականի N 1545-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՓՅՈՒՌՔԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻՆ ԱՐՏԱԲՅՈՒՋԵՏԱՅԻՆ ՀԱՇԻՎ ԲԱՑԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 15-րդ հոդվածի 9-րդ մասին համապատասխան՝ Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության սփյուռքի նախարարության աշխատակազմին իրեն սպասարկող, Հայաստանի Հանրապետության ֆինանսների նախարարության գանձապետական ստորաբաժանումում բացել «Հայկական սփյուռք» անվամբ արտաբյուջետային հաշիվ:

2. Սահմանել, որ սույն որոշման համաձայն բացված հաշվի մուտքերը բարերարների կողմից նվիրատվություններ և օրենքով սահմանված այլ միջոցներ են, իսկ ելքերը կատարվում են Հայաստանի Հանրապետության ֆինանսների նախարարի հետ համաձայնեցված նախահաշվով` Հայաստանի Հանրապետության սփյուռքի նախարարի հրամանով հայկական սփյուռքի հետ կապված ծրագրերի ֆինանսավորման նպատակով՝ գործողության ժամկետը սահմանելով մինչև 2011 թվականի դեկտեմբեր ամիսը:

Հայաստանի Հանրապետության վարչապետ	Տ. Սարգսյան
2008 թ. դեկտեմբերի 27 Երևան