ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎՃՌԱԲԵԿ ԴԱՏԱՐԱՆ
|
ՀՀ վերաքննիչ քաղաքացիական դատարանի որոշում Քաղաքացիական գործ թիվ ՀՅՔԴ3/0002/02/08 |
Քաղաքացիական գործ թիվ ՀՅՔԴ3/0002/02/08 2009թ. |
| Նախագահող դատավոր՝ Ա. Խառատյան | |
|
Դատավորներ՝ Վ. Ավանեսյան Կ. Չիլինգարյան |
Ո Ր Ո Շ ՈՒ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Հայաստանի Հանրապետության վճռաբեկ դատարանի քաղաքացիական և վարչական պալատը (այսուհետ՝ Վճռաբեկ դատարան)
|
նախագահությամբ |
Ս. Սարգսյանի | |
|
մասնակցությամբ դատավորներ |
Ա. Բարսեղյանի | |
|
|
Վ. Աբելյանի | |
|
Ս. Անտոնյանի | ||
|
Մ. Դրմեյանի | ||
|
Ե. Խունդկարյանի |
2009 թվականի սեպտեմբերի 18-ին
դռնբաց դատական նիստում, քննելով «Հայջրմուղկոյուղի» ՓԲԸ-ի (այսուհետ` Ընկերություն) վճռաբեկ բողոքը ՀՀ վերաքննիչ քաղաքացիական դատարանի 26.02.2009 թվականի որոշման դեմ՝ ըստ հայցի Ընկերության ընդդեմ Կարբիի գյուղապետարանի՝ գումարի բռնագանձման պահանջի մասին,
ՊԱՐԶԵՑ
1. Գործի դատավարական նախապատմությունը.
Դիմելով դատարան՝ Ընկերությունը պահանջել է բռնագանձել Կարբիի գյուղապետարանից 14.823.356 ՀՀ դրամ:
ՀՀ հյուսիսային քաղաքացիական դատարանի (այսուհետ՝ Դատարան) 23.06.2008 թվականի վճռով հայցը բավարարվել է մասնակիորեն: Վճռվել է Կարբիի գյուղապետարանից բռնագանձել 4.756.309 ՀՀ դրամ, իսկ 10.067.047 ՀՀ դրամ բռնագանձելու պահանջը մերժվել է:
ՀՀ վերաքննիչ քաղաքացիական դատարանի (այսուհետ` Վերաքննիչ դատարան) 26.02.2009 թվականի որոշմամբ Ընկերության վերաքննիչ բողոքը մերժվել և Դատարանի 23.06.2008 թվականի թիվ ՀՅՔԴ/0002/02/08 վճիռը թողնվել է օրինական ուժի մեջ:
Սույն գործով վճռաբեկ բողոք է ներկայացրել Ընկերությունը:
Կողմերը Վճռաբեկ դատարան են ներկայացրել 15.06.2009 թվականի հաշտության համաձայնությունը և խնդրել են այն հաստատել:
Վճռաբեկ դատարանի կողմից կողմերին պարզաբանվել է ՀՀ քաղաքացիական դատավարության օրենսգրքի 110-րդ հոդվածով սահմանված հաշտության համաձայնությամբ գործի վարույթը կարճելու դատավարական հետևանքները:
2. Վճռաբեկ դատարանի պատճառաբանությունները և եզրահանգումը.
ՀՀ քաղաքացիական դատավարության օրենսգրքի 33-րդ հոդվածի համաձայն՝ կողմերը դատավարության ցանկացած փուլում կարող են գործն ավարտել հաշտության համաձայնությամբ:
Կողմերի միջև կայացված հաշտության համաձայնությունը ձևակերպվում է գրավոր:
ՀՀ քաղաքացիական դատավարության օրենսգքրի 109-րդ հոդվածի 7-րդ կետի համաձայն՝ դատարանը կարճում է գործի վարույթը, եթե դատարանը հաuտատել է կնքված հաշտության համաձայնությունը:
Ուսումնասիրելով 15.06.2009 թվականի հաշտության համաձայնագիրը՝ Վճռաբեկ դատարանը գտնում է, որ այն չի հակասում օրենքին և չի խախտում այլ անձանց իրավունքներն ու օրինական շահերը:
Այսպիսով, Վճռաբեկ դատարանը գտնում է, որ կողմերի ներկայացրած հաշտության համաձայնագիրը պետք է հաստատել:
Ելնելով վերոգրյալից և ղեկավարվելով ՀՀ քաղաքացիական դատավարության օրենսգրքի 33-րդ, 133-րդ, 240-2412-րդ հոդվածներով՝ Վճռաբեկ դատարանը
ՈՐՈՇԵՑ
1. Հաստատել 15.06.2009 թվականի հաշտության համաձայնագիրը հետևյալ բովանդակությամբ.
«ՀԱՇՏՈՒԹՅԱՆ ՀԱՄԱՁԱՅՆԱԳԻՐ
|
ք. Երևան |
15.06.2009թ. |
«Հայջրմուղկոյուղի» ՓԲԸ, ի դեմս գլխավոր տնօրեն Պատրիկ Լորենի, որը գործում է ընկերության կանոնադրության հիման վրա, որն այսուհետև անվանվում է Պարտատեր, մի կողմից և Կարբիի համայնքը, ի դեմս համայնքի ղեկավար Ֆրունզ Նազարեթյանի, որն այսուհետև անվանվում է Պարտապան, մյուս կողմից, կնքեցին սույն հաշտության համաձայնագիրը (այսուհետև համաձայնագիր) հետևյալի մասին:
1. Պարտապանը պարտավորվում է սույն համաձայնագիրը կնքելուց հետո, սահմանված կարգով կատարել Կարբի համայնքի ջրամատակարարման ներքին ցանցի (այսուհետև գույք) իրավունքների պետական գրանցումը անշարժ գույքի Կադաստրի տարածքային մարմիններում և մինչև 2009թ. հոկտեմբերի 1-ը անհատույց օգտագործման պայմանագրով հանձնել «Հայջրմուղկոյուղի» ՓԲԸ-ի շահագործմանը:
2. Պարտապանը պարտավորվում է աջակցել «Հայջրմուղկոյուղի» ՓԲԸ «Կենտրոն-Արևմտյան» տարածքային մասնաճյուղին, Կարբի համայնքի բաժանորդների ներքին ցանցում ջրաչափերի տեղադրման աշխատանքներին:
3. Պարտապանը ընդունում է, որ իր պարտքը «Հայջրմուղկոյուղի» ՓԲԸ-ին 01.04.2008թ. դրությամբ` սպառված խմելու ջրի դիմաց կազմել է 14823356 (տասնչորս միլիոն ութ հարյուր քսաներեք հազար երեք հարյուր հիսունվեց) ՀՀ դրամ, որից 4756309 (չորս միլիոն յոթ հարյուր հիսունվեց հազար երեք հարյուր ինը) դրամ գումարը գտնվում է հարկադիր կատարման վարույթում և բռնագանձումը կատարվում է հարկադիր կատարողների միջոցով: Վերը նշված պարտքի մնացորդը` 10067047 դրամ (տաս միլիոն վաթսունյոթ հազար քառասունյոթ) դրամ և պետական տուրքի գումարը 604023 (վեց հարյուր չորս հազար քսաներեք) դրամ` ընդամենը վճարման ենթակա գումարը 10671070 (տասը միլիոն վեց հարյուր յոթանասունմեկ հազար յոթանասուն) դրամ, Պարտապանը պարտավորվում է մարել հինգ տարվա ընթացքում, սկսած սույն թվականի հոկտեմբեր ամսից` յուրաքանչյուր ամիս վճարելով «ՎՏԲ Հայաստան բանկ» ՓԲԸ 16048200544615 հաշվեհամարին 200000 դրամ գումար:
4. Սույն համաձայնագրի 3-րդ կետով սահմանված պարտավորությունների կատարումը չի ազատում Պարտապանին 01.04.2009 թվականից հետո, մինչև ջրամատակարաման և ջրահեռացման պայմանագրի լուծումը, առաջացած պարտքերը մարելուց: Այդ նպատակով Պարտապանը պարտավորվում է մինչև 01.10.2009թ. ըստ ամիսների հավասարաչափ, մարել 01.04.2008թ.-01.09.2009թ. ընկած ժամանակահատվածում ջրամատակարարման դիմաց կուտակված պարտքերը:
5. Պարտապանը իրավունք ունի սույն համաձայնագրի 3-րդ և 4-րդ կետերում նշված գումարները մարել սահմանված ժամկետից շուտ:
6. Սույն համաձայնագրի 3-րդ և 4-րդ կետերում նշված ամսական գումարի վճարումը նույնիսկ մեկ անգամ կետանցելու դեպքում, համաձայնագրի 3-րդ և 4-րդ կետերը կորցնում են իրենց ուժը և Պարտատերն իրավունք է ստանում ողջ գումարի բռնագանձման համար դիմելու հարկադիր կատարման ծառայությանը, սահմանված կարգով լրացուցիչ հաշվարկելով նաև տույժեր` վճարման յուրաքանչյուր ժամկետանց օրվա համար 0,15 տոկոսի չափով:
7. Սույն համաձայնագիրը կազմված է հայերեն լեզվով, երեք հավասար օրինակից, յուրաքանչյուր կողմին տրվում է մեկական օրինակ, իսկ մեկ օրինակը ներկայացվում է ՀՀ վճռաբեկ դատարանի հաստատմանը:
Կողմերի ստորագրությունները
|
«Հայջրմուղկոյուղի» ՓԲԸ |
ստորագրություն |
|
Կարբիի գյուղապետարան |
ստորագրություն»: |
2. ՀՀ վերաքննիչ քաղաքացիական դատարանի 26.02.2009 թվականի որոշումը բեկանել և քաղաքացիական գործի վարույթը կարճել:
3. Որոշումն օրինական ուժի մեջ է մտնում հրապարակման պահից, վերջնական է և ենթակա չէ բողոքարկման:
|
Նախագահող` |
|
Ս. Սարգսյան |
|
Դատավորներ` |
|
Ա. Բարսեղյան |
|
|
Վ. Աբելյան | |
|
Ս. Անտոնյան | ||
|
Մ. Դրմեյան | ||
|
|
Ե. Խունդկարյան |