«Գրանցված է»

ՀՀ արդարադատության

նախարարության կողմից

22 հունվարի 2010 թ.

Պետական գրանցման թիվ 05010010

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ 2010-2011 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ «ԾԱՂԻԿՆԵՐԻ ԳԵՂԵՑԿՈՒԹՅՈՒՆԸ» ՀՈՒՇԱԴՐԱՄՆԵՐԻ ՇԱՐՔԻ «ԳԱԼԱՆՏՈՒՍ ԱՐՏՅՈՒՇԵՆԿՈՅԻ» ՀՈՒՇԱԴՐԱՄԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ԴՐԱ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը՝ Հայաստանի Հանրապետության կենտրոնական բանկի խորհուրդը որոշում է.

1. 2010 թվականի փետրվարի 12-ից շրջանառության մեջ դնել «Գալանտուս Արտյուշենկոյի» արծաթե հուշադրամը։

2. Հաստատել սույն որոշման 1-ին կետով սահմանված հուշադրամի նկարագրությունը, հուշադրամի դիմերեսի և դարձերեսի ուրվագծերը՝ համաձայն Հավելվածի (կցվում է)։

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։

ՀՀ կենտրոնական բանկի նախագահ	Ա. Ջավադյան
2010 թ. հունվարի 19 ք. Երևան

1. «Գալանտուս Արտյուշենկոյի» հուշադրամի նկարագրությունը

Հայաստանի Հանրապետության կենտրոնական բանկը «Ծաղիկների գեղեցկությունը» միջազգային դրամագիտական ծրագրի շրջանակում թողարկել է 1000 դրամ անվանական արժեքով «Գալանտուս Արտյուշենկոյի» (Ձնծաղիկ) արծաթե հուշադրամը։

Հուշադրամի դիմերեսին գունավոր պատկերված են «Գալանտուս Արտյուշենկոյի» ծաղիկը և տերևի մի մասը, որն ավարտվում է հուշադրամի դարձերեսին։ Ծաղկի և տերևի միջև տեղադրված է ոճավորված պատկեր։ Դիմերեսի վերևի և ներքևի կիսաշրջագծով մակագրված են «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA»։ Հուշադրամի անվանական արժեքը՝ «1000 ԴՐԱՄ», տեղադրված է ներքևի հատվածում։

Հուշադրամի դարձերեսին պատկերված են «Գալանտուս Արտյուշենկոյի» ցողունները և ծաղիկները։ Դարձերեսի եզրով հայերեն և լատիներեն մակագրված է ծաղկի անվանումը՝ «ԳԱԼԱՆՏՈՒՍ ԱՐՏՅՈՒՇԵՆԿՈՅԻ» և «Galanthus artjuschenkoae»։ Դարձերեսի ներքևի աջ հատվածում նշված են հուշադրամի մետաղը և հարգը՝ «Ag 925»։

Հուշադրամի ուրվագծերի հեղինակն է Էդուարդ Կուրղինյանը։

Հուշադրամը հատվել է Մայեր դրամահատարանում (Գերմանիա)։