Հ Ա Մ Ա Ձ Ա Յ Ն Ա Գ  Ի Ր

Եվրասիական տնտեսական միության շրջանակներում գազի, նավթի և նավթամթերքների ինդիկատիվ (կանխատեսումային) հաշվեկշիռների ձևավորման մեթոդաբանության մասին

Հայաստանի Հանրապետության էներգետիկայի և բնական պաշարների նախարարությունը, Բելառուսի Հանրապետության էկոնոմիկայի նախարարությունը, Ղազախստանի Հանրապետության էներգետիկայի նախարարությունը, Ղրղզստանի Հանրապետության էկոնոմիկայի նախարարությունն ու Ռուսաստանի Դաշնության էներգետիկայի նախարարությունը, այսուհետ՝ Կողմեր,

Եվրասիական տնտեսական միության անդամ պետությունների (այսուհետ՝ անդամ պետություններ) միասնական էներգետիկ ներուժի արդյունավետ օգտագործման, էներգետիկ ռեսուրսների միջպետական մատակարարումների օպտիմալացման և Եվրասիական տնտեսական միության (այսուհետ՝ Միություն) գազի, նավթի և նավթամթերքների ինդիկատիվ (կանխատեսումային) հաշվեկշիռների մշակումն ապահովելու նպատակով,

համաձայնեցին հետևյալի մասին.

Հոդված 1

Սույն Համաձայնագրի նպատակներով օգտագործվում են հասկացություններ, որոնք ունեն հետևյալ իմաստը՝

«անդամ պետության ինդիկատիվ (կանխատեսումային) հաշվեկշիռ»՝ Միության ինդիկատիվ (կանխատեսումային) հաշվեկշռի ձևավորման նպատակներով անդամ պետության տարածքում համապատասխանաբար գազի, նավթի և նավթամթերքների նկատմամբ՝ լիազորված մարմնի կողմից մշակվող հաշվեկշիռ.

«Միության ինդիկատիվ (կանխատեսումային) հաշվեկշիռ»՝ անդամ պետությունների ինդիկատիվ (կանխատեսումային) հաշվեկշիռների հիման վրա Միության մաքսային տարածքում համապատասխանաբար գազի, նավթի և նավթամթերքների նկատմամբ ձևավորվող հաշվեկշիռ.

«լիազորված մարմին»՝ անդամ պետության գործադիր իշխանության մարմին, որը, անդամ պետության օրենսդրությանը համապատասխան, լիազորված է իրականացնելու անդամ պետության գազի, նավթի և նավթամթերքների ինդիկատիվ (կանխատեսումային) հաշվեկշիռների մշակումը:

Հոդված 2

«Եվրասիական տնտեսական միության մասին» 2014 թվականի մայիսի 29-ի պայմանագրի 80-րդ և 104-րդ հոդվածների իրագործման նպատակով լիազորված մարմինները մշակում և համաձայնեցնում են Միության գազի ինդիկատիվ (կանխատեսումային) հաշվեկշիռը, Միության նավթի ինդիկատիվ (կանխատեսումային) հաշվեկշիռը և Միության նավթամթերքների ինդիկատիվ (կանխատեսումային) հաշվեկշիռները՝ Եվրասիական տնտեսական միության շրջանակներում գազի, նավթի և նավթամթերքների ինդիկատիվ (կանխատեսումային) հաշվեկշիռների ձևավորման մեթոդաբանությանը համապատասխան՝ սույն Համաձայնագրի անբաժանելի մասը կազմող հավելվածի համաձայն:

Հոդված 3

Լիազորված մարմինները յուրաքանչյուր տարի մշակում են իրենց պետության գազի ինդիկատիվ (կանխատեսումային) հաշվեկշիռը, նավթի ինդիկատիվ (կանխատեսումային) հաշվեկշիռը և նավթամթերքների (ավտոմոբիլային բենզինի, դիզելային վառելիքի, ջեռուցման մազութի, ռեակտիվ շարժիչների համար նախատեսված վառելիքի) ինդիկատիվ (կանխատեսումային) հաշվեկշիռները, անհրաժեշտության դեպքում՝ համաձայնեցնում են միմյանց հետ այդ ինդիկատիվ հաշվեկշիռների առանձին պարամետրերը և մինչև ընթացիկ տարվա սեպտեմբերի 5-ը դրանք ուղարկում են Եվրասիական տնտեսական հանձնաժողով (այսուհետ՝ Հանձնաժողով):

Հոդված 4

Հանձնաժողովը յուրաքանչյուր տարի լիազորված մարմինների կողմից ներկայացված՝ անդամ պետությունների համաձայնեցված ինդիկատիվ (կանխատեսումային) հաշվեկշիռների հիման վրա իրականացնում է Միության գազի ինդիկատիվ (կանխատեսումային) հաշվեկշռի, Միության նավթի ինդիկատիվ (կանխատեսումային) հաշվեկշռի և Միության նավթամթերքների ինդիկատիվ (կանխատեսումային) հաշվեկշիռների նախապատրաստումը:

Հոդված 5

Միության ինդիկատիվ (կանխատեսումային) հաշվեկշիռներով ձևավորվում է Միության շրջանակներում և անդամ պետություններում կիրառվող այն ցուցանիշների միասնական համակարգը, որոնք բնութագրում են անդամ պետությունների տարածքներում գազի, նավթի և նավթամթերքների՝ անդամ պետությունների ներքին կարիքների բավարարման համար արդյունահանումը, արտադրությունը, սպառումը, ներմուծումը, արտահանումը և մատակարարումները, այդ թվում՝ փոխադարձ մատակարարումները:

Հոդված 6

Միության ինդիկատիվ (կանխատեսումային) հաշվեկշիռները յուրաքանչյուր տարի ձևավորվում են 5-ամյա ժամանակահատվածի համար և ներառում են նախորդ տարվա հաշվետու ցուցանիշները, ընթացիկ տարվա ակնկալվող ցուցանիշները և հաջորդող երեք տարվա կանխատեսումային ցուցանիշները:

Հոդված 7

Անդամ պետությունների ինդիկատիվ (կանխատեսումային) հաշվեկշիռների մշակումը լիազորված մարմինների կողմից իրականացվում է անդամ պետությունների ներքին պահանջների առաջնահերթ ապահովման հիման վրա՝ անդամ պետությունների օրենսդրությանը համապատասխան, և հաշվի առնելով անդամ պետությունների միջազգային պարտավորությունները, անդամ պետությունների ընդհանուր տնտեսական ու ոլորտային կանխատեսումների և զարգացման ծրագրերի, անդամ պետությունների վառելիքաէներգետիկ համալիրի կազմակերպությունների կանխատեսումների և ներդրումային ծրագրերի հիման վրա:

Հոդված 8

Անդամ պետությունների լիազորված մարմիններն ապահովում են անդամ պետությունների ինդիկատիվ (կանխատեսումային) հաշվեկշիռների ամբողջականությունը և հավաստիությունը:

Հոդված 9

Միության գազի, նավթի և նավթամթերքների ինդիկատիվ (կանխատեսումային) հաշվեկշիռների ճշգրտում իրականացնելու անհրաժեշտության դեպքում լիազորված մարմինները Հանձնաժողով են ուղարկում անդամ պետությունների գազի, նավթի և նավթամթերքների ճշգրտված ինդիկատիվ (կանխատեսումային) հաշվեկշիռները:

Միության ինդիկատիվ (կանխատեսումային) հաշվեկշիռների ճշտումը կարող է իրականացվել տարին մեկ անգամ՝ մինչև ընթացիկ տարվա հոկտեմբերի 1-ը՝ հաշվի առնելով անդամ պետությունների գազի, նավթի արդյունահանման, գազի և նավթամթերքների արտադրության ու սպառման փաստացի փոփոխությունները:

Հոդված 10

Հանձնաժողովը մինչև ընթացիկ տարվա հոկտեմբերի 15-ը ձևավորում է Միության գազի, նավթի և նավթամթերքների ինդիկատիվ (կանխատեսումային) ճշգրտված (ճշտված) հաշվեկշիռները, հրապարակում է դրանք «Ինտերնետ» տեղեկատվական-հեռահաղորդակցական ցանցում՝ Միության պաշտոնական կայքում: Համապատասխան տեղեկությունները զեկուցվում են Հանձնաժողովի կոլեգիային:

Հոդված 11

Սույն Համաձայնագիրը Միության շրջանակներում կնքված միջազգային պայմանագիր է և Միության իրավունքի մաս է կազմում։

Հոդված 12

Սույն Համաձայնագրում Կողմերի համաձայնությամբ կարող են կատարվել փոփոխություններ, որոնք ձևակերպվում են առանձին արձանագրություններով։

Սույն Համաձայնագրի դրույթները չեն ազդում անդամ պետությունների՝ այլ միջազգային պայմանագրերից բխող իրավունքների և պարտավորությունների վրա, որոնց մասնակիցն են իրենք։

Հոդված 13

Սույն Համաձայնագրի մեկնաբանման և (կամ) կիրառման հետ կապված վեճերը կարգավորվում են 2014 թվականի մայիսի 29-ի` Եվրասիական տնտեսական միության մասին պայմանագրի 112-րդ հոդվածով սահմանված կարգով:

Հոդված 14

Սույն Համաձայնագիրն ուժի մեջ է մտնում սույն Համաձայնագրի ուժի մեջ մտնելու համար անհրաժեշտ ներպետական ընթացակարգերն անդամ պետությունների կողմից կատարելու մասին վերջին գրավոր ծանուցումն ավանդապահի կողմից ստանալու օրվանից 30 օրացուցային օրը լրանալուց հետո։

Կատարված է Մոսկվա քաղաքում, 2016 թվականի ապրիլի «22»-ին, մեկ բնօրինակից՝ ռուսերենով։

Սույն Համաձայնագրի բնօրինակը պահվում է Եվրասիական տնտեսական հանձնաժողովում, որը, որպես սույն Համաձայնագրի ավանդապահ, անդամ պետություններից յուրաքանչյուրին կուղարկի դրա հաստատված պատճենը։

Հայաստանի Հանրապետության էներգետիկայի և բնական պաշարների նախարարության կողմից՝

/ստորագրություն/

Բելառուսի Հանրապետության էկոնոմիկայի նախարարության կողմից՝

/ստորագրություն/

Ղազախստանի Հանրապետության էներգետիկայի նախարարության կողմից՝

/ստորագրություն/

Ղրղզստանի Հանրապետության էկոնոմիկայի նախարարության կողմից՝

/ստորագրություն/

Ռուսաստանի Դաշնության էներգետիկայի նախարարության կողմից՝

/ստորագրություն/

ՀԱՎԵԼՎԱԾ

«Եվրասիական տնտեսական միության
շրջանակներում գազի, նավթի և
նավթամթերքների ինդիկատիվ
(կանխատեսումային) հաշվեկշիռների
ձևավորման մեթոդաբանության մասին»
համաձայնագրի

ՄԵԹՈԴԱԲԱՆՈՒԹՅՈՒՆ

Եվրասիական տնտեսական միության շրջանակներում գազի, նավթի և նավթամթերքների ինդիկատիվ (կանխատեսումային) հաշվեկշիռների ձևավորման