Հ Ա Մ Ա Ձ Ա Յ Ն Ա Գ Ի Ր

Սույն Համաձայնագրի մասնակից պետությունների կառավարությունները, այսուհետ` Կողմեր,

նկատի առնելով 2008 թվականի նոյեմբերի 14-ի՝ ԱՊՀ Կառավարությունների ղեկավարների խորհրդի Որոշմամբ հաստատված՝ մինչև 2020 թվականն ընկած ժամանակահատվածի համար Անկախ Պետությունների Համագործակցության տնտեսական զարգացման ռազմավարության, և ԱՊՀ մասնակից պետությունների՝ պարենային անվտանգության բարձրացման Հայեցակարգի 2010 թվականի նոյեմբերի 19-ի՝ Կառավարությունների ղեկավարների խորհրդի Որոշմամբ հաստատված՝ ԱՊՀ մասնակից պետությունների պարենային անվտանգության բարձրացման համատեղ միջոցառումների Համալիրի դրույթները,

գիտակցելով, որ գյուղատնտեսական մշակաբույսերի սորտերի և հիբրիդների սերմերը, պտղահատապտղային մշակաբույսերի ու խաղողի տնկանյութը բերքատվության բարձրացման, գյուղատնտեսական արտադրության արդյունավետության և համախառն բերքահավաքման, բնակչության պարենային ապահովության մակարդակի բարձրացման և սննդամթերքի անվտանգության համար բարենպաստ պայմանների ստեղծման կարևորագույն պայման են,

գնահատելով գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի արտադրության բնագավառում միջպետական մասնագիտացման զարգացման, այդ արտադրանքի համար ընդհանուր շուկայի ստեղծման արդյունքում ստացվելիք տնտեսական օգուտները, ինչպես նաև սելեկցիոն-սերմնաբուծական աշխատանքներում համաձայնեցված գործողությունների անհրաժեշտությունը,

փաստելով, որ ԱՊՀ մասնակից պետությունների զգալի տարածքներում օգտագործում են սույն Համաձայնագրի մասնակից պետությունների գիտական հաստատությունների և սելեկցիոն կենտրոնների կողմից արտադրված գյուղատնտեսական մշակաբույսերի սորտերի և հիբրիդների սերմերը և պտղահատապտղային մշակաբույսերի և խաղողի տնկանյութը,

հաշվի առնելով գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի մատակարարման ապահովման հարցերում համաձայնեցված գործողությունների անհրաժեշտությունը,

համաձայնեցին ներքոնշյալի մասին.

Հոդված 1

Կողմերը սելեկցիայի և սերմնաբուծության բնագավառում համագործակցություն են իրականացնում հետևյալ հիմնական ուղղություններով.

գյուղատնտեսական մշակաբույսերի սորտերի և հիբրիդների սերմերի ու պտղահատապտղային մշակաբույսերի և խաղողի տնկանյութի, սույն Համաձայնագրի մասնակից յուրաքանչյուր պետությունում գրանցված և հեռանկարային հանդիսացող սորտերի և հիբրիդների արտադրության և մատակարարման բնագավառներում միջպետական մասնագիտացման պահպանում և հետագա զարգացման ապահովում` սույն Համաձայնագրի մասնակից պետությունների գյուղատնտեսական ապրանքներ արտադրողների պահանջներն ամբողջությամբ և կանոնավոր կերպով բավարարելու նպատակով,

գյուղատնտեսական մշակաբույսերի սորտերի և հիբրիդների սերմերի ու պտղահատապտղային մշակաբույսերի և խաղողի տնկանյութի միջպետական մատակարարման, տնկարանային տնտեսության վարման, սերմնաբուծության, գենետիկ պաշարների հավաքագրման, փոխանակման, պահպանման և արդյունավետ օգտագործման, սելեկցիոն նվաճումների պահպանման և սելեկցիայի ոլորտի գործունեության համակարգման նպատակով փոխհամաձայնեցված որոշումների մշակում և ընդունում,

գյուղատնտեսական մշակաբույսերի սորտերի և հիբրիդների սերմերի ու պտղահատապտղային մշակաբույսերի և խաղողի տնկանյութի միջպետական մատակարարումների, տնկարանային տնտեսության վարման, սերմնաբուծության, գենետիկ պաշարների հավաքագրման, փոխանակման, պահպանման և արդյունավետ օգտագործման, սելեկցիոն նվաճումների պահպանման և սելեկցիայի բնագավառներում սույն Համաձայնագրի մասնակից պետությունների նորմատիվ իրավական հիմքի ներդաշնակեցմանն ուղղված առաջարկությունների քննարկում և համաձայնեցում,

տեղեկատվական-վերլուծական համակարգի և շուկայի օպերատիվ կարգավորման բազայի հիման վրա սույն Համաձայնագրի մասնակից պետություններում գյուղատնտեսական մշակաբույսերի սորտերի և հիբրիդների սերմերի ու պտղահատապտղային մշակաբույսերի և խաղողի տնկանյութի ընդհանուր շուկայի ստեղծմանն ու պահպանմանը, փոխշահավետ կոոպերացիոն կապերին ուղղված աջակցություն,

գյուղատնտեսական մշակաբույսերի սորտերի և հիբրիդների սերմերի ու պտղահատապտղային մշակաբույսերի և խաղողի տնկանյութի մատակարարների և ստացողների միջև գնային մեխանիզմների, հարկային, մաքսային և սակագնային կարգավորման, փոխհաշվարկման կատարելագործում:

Հոդված 2

Գյուղատնտեսական մշակաբույսերի սորտերի և հիբրիդների սերմերի և պտղահատապտղային մշակաբույսերի և խաղողի տնկանյութի սելեկցիայի, սորտափորձարկման, հավաստագրման, սերմնաբուծության, տնկարանային տնտեսության վարման, արտադրության և միջպետական մատակարարումների հարցերում սույն Համաձայնագրի մասնակից պետությունների հողային նախարարությունների և գերատեսչությունների համատեղ գործունեության` գիտահետազոտական հաստատությունների և տնտեսավարող սուբյեկտների՝ սույն Համաձայնագրի իրականացմանն ուղղված գործունեությունը համակարգում է սերմնաբուծության հարցերով Անկախ Պետությունների Համագործակցության միջկառավարական համակարգող Խորհուրդը (այսուհետ` Խորհուրդ):

Խորհուրդը գործունեություն է իրականացնում՝ ըստ Անկախ Պետությունների Համագործակցության մասնակից պետությունների սերմնաբուծության հարցերով Միջկառավարական համակարգող խորհրդի մասին Կանոնակարգի, որը սույն Համաձայնագրի բաղկացուցիչ մասն է:

Հոդված 3

Սույն Համաձայնագրի մասնակից պետությունների պետական ձեռնարկությունները, կազմակերպությունները և տնտեսավարող սուբյեկտները, որոնք մասնագիտանում են գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի արտադրությամբ, իրականացնում են դրանց միջպետական մատակարարումներ ուղղակիորեն կամ միջնորդ հանդիսացող տնտեսավարող սուբյեկտների միջոցով` Խորհրդի նիստի Արձանագրության` սեփականության տարբեր ձևերի ամենամյա սահմանված ծավալներով:

Հոդված 4

Սույն Համաձայնագրի մասնակից պետությունների գյուղատնտեսության զարգացման կառավարումն իրականացնող հողային նախարարություններին և գերատեսչություններին Խորհուրդն ապահովում է սերմնաբուծության և տնակարանային տնտեսությունների վերաբերյալ օպերատիվ տեղեկատվությամբ, ներկայացնում է առաջարկություններ սորտափորձարկումների, հավաստագրման, սերմնաբուծության և տնկարանային տնտեսությունների վարման, ինչպես նաև սույն Համաձայնագրի իրականացմանն առնչվող նորմատիվ իրավական փաստաթղթերում փոփոխություններ կատարելու մասին:

Հոդված 5

Սույն Համաձայնագրի մասնակից պետությունների հողային նախարարությունները և գերատեսչությունները ձևավորում և հաստատում են պետական գիտահետազոտական հաստատությունների, ինստիտուտների, սերմնաբուծական և տնկարանային կազմակերպությունների ցանկը, տեղեկացնում արտադրության ծավալների, գյուղատնտեսական մշակաբույսերի սորտերի և հիբրիդների սերմերի իրացման, պտղահատապտղային մշակաբույսերի տնկանյութի վերաբերյալ կանխատեսումների մասին:

Հոդված 6

Սույն Համաձայնագրի մասնակից պետություններում միջպետական սորտափորձարկումների, սելեկցիոն ուսումնասիրությունների և ցուցադրական ցանքսի համար գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի մատակարարումներն իրականացվում են շահագրգիռ Կողմի կողմից, անհատույց` համաձայն սույն Համաձայնագրի մասնակից պետությունների համապատասխան ձեռնարկությունների, կազմակերպությունների և տնտեսավարող սուբյեկտների միջև առկա պայմանավորվածության (պայմանագրերի):

 Հոդված 7

Գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի միջպետական մատակարարումներն իրականացվում են սույն Համաձայնագրի մասնակից պետությունների պետական ձեռնարկությունների, կազմակերպությունների, տնտեսավարող սուբյեկտների միջև կնքված պայմանագրերի հիման վրա, որոնցում նշվում են մատակարարվող ապրանքատեսակների վերաբերյալ տվյալները և կոնկրետ պայմանները (մշակաբույսեր, սորտեր և հիբրիդներ, քանակ, որակ, ժամկետներ, գներ, վճարման պայմաններ, վեճերի լուծման կարգ)`պայմանով, որ կպահպանվեն սելեկցիոն նվաճումները, փոխանցված սերմերն ու տնկանյութերը չեն փոխանցվի երրորդ կողմի:

Սույն Համաձայնագրի համաձայն` Գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի միջպետական մատակարարումների համակարգման նպատակով սույն Համաձայնագրի մասնակից պետությունների պետական ձեռնարկությունները, կազմակերպություններն ու տնտեսավարող սուբյեկտները տեղեկացնում են Խորհրդին կնքված պայմանագրերի մասին` սույն Համաձայնագրի 3-րդ հոդվածում նշված Խորհրդի անդամների միջև ստորագրվող Արձանագրության շրջանակներում, որը կազմվում է ամեն տարի` հիմք ընդունելով սույն Համաձայնագրի մասնակից պետությունների առաջարկությունները և միջպետական մատակարարումների ծավալները:

Սույն Համաձայնագրի մասնակից պետությունների տնտեսվարող սուբյեկտների, ձեռնարկությունների և կազմակերպությունների հարցման հիման վրա Խորհուրդը հաստատում է տրամադրում մաքսային մարմինների՝ նշված արձանագրության շրջանակներում գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի ներկրման (արտահանման) համար (նմուշի օրինակը հաստատվում է Խորհրդի կողմից):

Հոդված 8

Համաձայն Խորհրդի կողմից հաստատված փաստաթղթերի` սույն Համաձայնագրի շրջանակներում մատակարարվող գյուղատնտեսական մշակաբույսերի սորտերի և հիբրիդների սերմերը, պտղահատապտղային մշակաբույսերի ու խաղողի տնկանյութն արտահանման (ներկրման) դեպքում ենթակա չեն արտահանման-ներմուծման մաքսատուրքերի գանձման` բացառությամբ 2011 թվականի հոկտեմբերի 18-ի՝ Ազատ առևտրի գոտու մասին պայմանագրին կից 1-ին հավելվածով սահմանված դեպքերի:

Կնքված պայմանագրերի շրջանակներում մատակարարվող գյուղատնտեսական մշակաբույսերի սորտերի և հիբրիդների սերմերը, պտղահատապտղային մշակաբույսերի ու խաղողի տնկանյութը պետք է համապատասխանեն որակի պահանջներին` համաձայն ընդունող երկրի օրենսդրության, զուգակցվեն փաստաթղթերով, որոնք հաստատում են դրանց սորտային և ցանքսային որակները, ինչպես նաև՝ մեկուսացման բուսասանիտարական փաստաթղթերով, որոնք համապատասխանում են միջազգային պահանջներին:

Հոդված 9

Սույն Համաձայնագիրը չի շոշափում Կողմերից յուրաքանչյուրի այն իրավունքներն ու պարտավորությունները, որոնք բխում են այլ միջազգային պայմանագրերից, որոնց մասնակից են իրենց պետությունները:

Հոդված 10

Սույն Համաձայնագրում Կողմերի փոխադարձ համաձայնությամբ կարող են կատարվել լրացումներ և փոփոխություններ, որոնք հանդիսանում են նրա անբաժանելի մասը և ձևակերպվում են համապատասխան արձանագրությամբ, որն ուժի մեջ է մտնում սույն Համաձայնագրի 12-րդ հոդվածով սահմանված կարգով:

Հոդված 11

Կողմերի միջև Սույն Համաձայնագրի կիրարկման և մեկնաբանման ընթացքում ծագած վիճելի հարցերը լուծվում են շահագրգիռ Կողմերի միջև՝ խորհրդակցությունների և բանակցությունների միջոցով կամ նրանց կողմից համաձայնեցված այլ ընթացակարգով:

Հոդված 12

Սույն Համաձայնագիրն ուժի մեջ է մտնում Կողմերի` դրա ուժի մեջ մտնելու համար անհրաժեշտ ներպետական ընթացակարգերն ավարտելու մասին վերջին գրավոր ծանուցումն ավանդապահի ստանալու օրվանից 30 օր հետո:

Հոդված 13

Սույն Համաձայնագիրն ուժի մեջ մտնելուց հետո բաց է ցանկացած պետության միանալու համար` միանալու մասին փաստաթուղթն ավանդապահին փոխանցելու միջոցով:

ԱՊՀ մասնակից պետությունների համար սույն Համաձայնագիրն ուժի մեջ է մտնում միանալու մասին փաստաթուղթն ավանդապահի ստանալու օրվանից 30 օր հետո:

ԱՊՀ մասնակից չհանդիսացող պետության համար սույն Համաձայնագիրն ուժի մեջ է մտնում դրա ստորագրմանը համաձայնություն տված կամ դրան միացած պետությունների` միանալու մասին վերջին ծանուցումն ավանդապահի ստանալու օրվանից 30 օր հետո:

Հոդված 14

Սույն Համաձայնագիրը կնքվում է անորոշ ժամկետով: Կողմերից յուրաքանչյուրն ունի սույն Համաձայնագրից դուրս գալու իրավունք` ավանդապահին իր այդ մտադրության մասին գրավոր ծանուցում ուղարկելով ոչ ուշ, քան դուրս գալուց վեց ամիս առաջ և կարգավորելով այն պարտավորությունները, որոնք ի հայտ են եկել Համաձայնագրի գործողության ժամանակ:

Հոդված 15

Սույն Համաձայնագրի մասնակից պետությունների համար դրա ուժի մեջ մտնելու օրվանից ուժը կորցրած է համարվում 1992 թվականի հոկտեմբերի 9-ի՝ «Գյուղատնտեսական մշակաբույսերի սորտերի և հիբրիդների սերմերի արտադրության և մատակարարման բազմակողմ միջպետական մասնագիտացման մասին» Համաձայնագիրը:

Կատարված է Մինսկ քաղաքում 2013 թվականի մայիսի 31-ին, ռուսերենով, մեկ բնօրինակով: Բնօրինակը պահվում է Անկախ Պետությունների Համագործակցության գործադիր կոմիտեում, որը սույն Համաձայնագիրն ստորագրած յուրաքանչյուր պետության կուղարկի դրա վավերացված պատճենը:

Ադրբեջանի Հանրապետության Կառավարության կողմից __________________	Ռուսաստանի Դաշնության Կառավարության կողմից /ստորագրություն/
Հայաստանի Հանրապետության Կառավարության կողմից /ստորագրություն/	Տաջիկստանի Հանրապետության Կառավարության կողմից /ստորագրություն/
Բելառուսի Հանրապետության Կառավարության կողմից /ստորագրություն/	Թուրքմենստանի Կառավարության կողմից __________________
Ղազախստանի Հանրապետության Կառավարության կողմից __________________	Ուզբեկստանի Հանրապետության Կառավարության կողմից __________________
Ղրղզստանի Հանրապետության Կառավարության կողմից /ստորագրություն/	Ուկրաինայի Կառավարության կողմից /ստորագրություն/
Մոլդովայի Հանրապետության Կառավարության կողմից __________________

Հավելված «Գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի արտադրության և մատակարարման բնագավառում բազմակողմ միջպետական մասնագիտացման մասին» 2013թ. մայիսի 31-ի Համաձայնագրին կից

1.1. Անկախ Պետությունների Համագործակցության մասնակից պետությունների սերմնաբուծության հարցերով Միջկառավարական համակարգող խորհուրդը (այսուհետ՝ Խորհուրդ) կոչված է կազմակերպելու և համակարգելու 2013 թ. մայիսի 31-ի «Գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի արտադրության և մատակարարման բնագավառում բազմակողմ միջպետական մասնագիտացման մասին» համաձայնագրով (այսուհետ՝ Համաձայնագիր) նախատեսված աշխատանքները:

1.2. Խորհուրդը հանդիսանում է ԱՊՀ ճյուղային համագործակցության մարմին, որը հաշվետու է Անկախ Պետությունների Համագործակցության Կառավարությունների ղեկավարների խորհրդին և ԱՊՀ տնտեսական խորհրդին:

1.3. Խորհուրդն իր գործունեությունն իրականացնելիս առաջնորդվում է Անկախ Պետությունների Համագործակցության Կանոնադրությամբ, ԱՊՀ շրջանակներում ընդունված պայմանագրերով ու որոշումներով, ինչպես նաև սույն Կանոնակարգով:

1.4. Խորհուրդն իր գործունեությունն իրականացնում է ԱՊՀ գործադիր խորհրդի, ԱՊՀ ագրոարդյունաբերական համալիրի հարցերով միջպետական խորհրդի, ինչպես նաև ԱՊՀ այլ մարմիններին հետ փոխգործակցությամբ:

II. Խորհրդի գործունեության հիմնական ուղղություններն ու գործառույթները

2.1. Խորհրդի գործունեության հիմնական ուղղություններն են.

Համաձայնագրի իրականացման հետ կապված հարցերի, ինչպես նաև գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի արտադրության, միջպետական մատակարարումների, սելեկցիայի, սորտափորձարկման, սերտիֆիկացման, սերմնաբուծության, տնկարանների կառավարման բնագավառներում Համաձայնագրի մասնակից պետությունների միջև համագործակցության կազմակերպում և համակարգում,

գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի արտադրության և մատակարարման բնագավառներում միջպետական մասնագիտացման հետագա զարգացմանն ուղղված հայեցակարգի մշակում և իրականացմանն աջակցություն` Համաձայնագրի մասնակից պետությունների գյուղատնտեսական ապրանքարտադրողների կայուն պահանջներն ապահովելու նպատակով,

աջակցություն Համաձայնագրի մասնակից պետությունների փոխշահավետ կոոպերացիոն կապերի կազմակերպմանն ու պահպանմանը, գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի ընդհանուր շուկայի ստեղծմանը` տեղեկատվական-վերլուծական համակարգի և շուկայի գործառնական կանոնակարգման հիման վրա, ինչպես նաև գնային մեխանիզմի, հարկային, մաքսային և սակագնային կանոնակարգման, գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի մատակարարների և ստացողների միջև փոխհաշվարկների սահմանման կատարելագործմանը,

Խորհրդի իրավասությանն առնչվող տեղեկատվության ապահովում և փոխանակում սերմնաբուծության և տնկարանների կառավարման համար միասնական տեղեկատվական բազայի ստեղծման միջոցով, ինչպես նաև սորտափորձարկման, սերտիֆիկացման, սերմնաբուծության և տնկարանների կառավարման համակարգերի կատարելագործման, սույն Համաձայնագրի մասնակից պետությունների օրենսդրական և նորմատիվ իրավական փաստաթղթերում փոփոխություններ կատարելու համար առաջարկությունների մշակում,

փոխգործակցություն սույն Համաձայնագրի մասնակից պետությունների պետական իշխանության համապատասխան մարմինների, կազմակերպությունների և տնտեսավարող սուբյեկտների հետ` բույսերի գենետիկ պաշարների հավաքագրման, պահպանման, փոխանակման և արդյունավետ օգտագործման, սելեկցիոն նվաճումների պաշտպանության, սերմնաբուծության, տնկարանների կառավարման, ինչպես նաև գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի միջպետական մատակարարումների հարցերում,

գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի արտադրության և մատակարարումների հարցերով բազմակողմ միջպետական մասնագիտացման զարգացման նպատակով միջոցառումների իրականացում, միջպետական մատակարարումների ծավալների և սորտերի համաձայնեցում Համաձայնագրի մասնակից պետությունների գործադիր իշխանության համապատասխան մարմինների հետ,

սելեկցիայի, սորտափորձարկման, սերտիֆիկացման, սերմնաբուծության և տնկարանների կառավարման հարցերով կապերի ստեղծում, խորհրդակցությունների կազմակերպում և կարծիքների փոխանակում,

Համաձայնագրի մասնակից պետություններում գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի արտադրության, մշտադիտարկման և զարգացման ներուժի գնահատման կազմակերպման և իրականացման վերաբերյալ առաջարկությունների նախապատրաստում, ինչպես նաև այդպիսի մշտադիտարկման և արդյունքների գնահատման հիման վրա Համաձայնագրի մասնակից պետությունների տնտեսավարող սուբյեկտների համատեղ գործունեության վերաբերյալ առաջարկությունների մշակում:

2.2. Խորհրդի հիմնական գործառույթներն են.

Համաձայնագրի մասնակից պետությունների առաջարկությունների հիման վրա գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի ամենամյա միջպետական մատակարարումների ծավալների մասին որոշման ընդունում, որը կներառվի Խորհրդի անդամների կողմից ստորագրված արձանագրության մեջ,

Համաձայնագրի մասնակից պետությունների գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի արտադրությամբ զբաղվող տնտեսավարող սուբյեկտների միջև՝ այլ պետություններ առաքվող մատակարարումների ծավալների համաձայնեցում պայմանագրերի հիման վրա, որոնք կնքվում են ուղղակիորեն կամ միջնորդ կառույցների միջոցով`համաձայն Արձանագրության սեփականության տարբեր ձևերով,

նշված Արձանագրության շրջանակներում սույն Համաձայնագրի մասնակից պետությունների պետական ձեռնարկությունների և կազմակերպությունների, ինչպես նաև տնտեսավարող սուբյեկտների հարցման հիման վրա մաքսային ծառայությունների համար գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի ներկրումների (արտահանումների) հավաստագրերի տրամադրում:

III. Խորհրդի իրավունքները

Խորհուրդն իր գործառույթներն իրականացնելու համար իրավունք ունի.

3.1. Գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի միջպետական մատակարարումների ծավալները որոշելու նպատակով Համաձայնագրի մասնակից պետությունների համապատասխան մարմիններից և կազմակերպություններից, ԱՊՀ միջպետական վիճակագրական կոմիտեից սահմանված կարգով պահանջելու տեղեկատվություն գյուղատնտեսական ապրանքների արտադրության և մատակարարումների բնագավառներում ագրոարդյունաբերական համալիրի գործունեության մասին:

3.2. Համաձայնագրի մասնակից պետությունների կառավարություններին, համապատասխան վարչություններին և նախարարություններին տեղեկացնելու գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի միջպետական մատակարարումների՝ հերթական տարվա համաձայնեցված ծավալների մասին:

3.3. Քննարկել Համաձայնագրի մասնակից պետությունների լիազոր ներկայացուցիչների առաջարկությունները միջպետական մատակարարումների վերաբերյալ և անհրաժեշտության դեպքում կատարել փոփոխություններ գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի մատակարարումների ծավալներում` կախված մատակարարումների պայմաններից, ինչպես նաև մատակարարների և սպառողների հնարավորություններից:

3.4. Սահմանված կարգով ԱՊՀ կառավարությունների ղեկավարների խորհրդի քննարկմանը ներկայացնելու առաջարկություններ սորտափորձարկումների, սերմնաբուծության, տնկարանների կառավարման, գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի որակի վերահսկման, միջպետական մատակարարումների պայմանների և ընթացակարգերի բարելավման, ինչպես նաև գնագոյացման, փոխհաշվարկների և Խորհրդի իրավասության ներքո գտնվող այլ հարցերի վերաբերյալ:

3.5. Խորհրդի ներքո ստեղծելու մշտապես գործող աշխատանքային հանձնաժողովներ (կոմիտեներ)` սելեկցիայի, սերմնաբուծության և տնկարանների կառավարման, մտավոր սեփականության պաշտպանության բնագավառում իրավախախտումների հայտնաբերման և բույսերի գենետիկ պաշարների պահպանման հարցերով, ինչպես նաև փորձագետների աշխատանքային խմբեր` Անկախ Պետությունների Համագործակցության շրջանակներում ստորագրվող՝ բուսաբուծության և տնկարանների կառավարման բնագավառներում համաձայնագրերի իրականացման համար անհրաժեշտ միջազգային պայմանագրերի և այլ փաստաթղթերի նախագծերի մշակման համար:

3.6. Ղեկավարելու Խորհրդի ներքո ստեղծված մշտապես գործող աշխատանքային հանձնաժողովների (կոմիտեների), ինչպես նաև փորձագետների աշխատանքային խմբերի գործունեությունը և ձեռնարկելու միջոցներ դրանց բնականոն գործունեության ապահովման ուղղությամբ:

3.7. Նիստերի ընթացքում լսելու Խորհրդի նախագահի հաշվետվությունները և մշակելու համապատասխան առաջարկություններ Համաձայնագրի մասնակից պետությունների համար:

3.8. Տրամադրելու հաստատագրեր գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի միջպետական մատակարարումների համար` համաձայն Համաձայնագրի 3-րդ հոդվածում նշված Արաձանագրության:

3.9. Մշակելու և հաստատելու Խորհրդի աշխատանքի կանոնակարգը, ինչպես նաև դրա մեջ կատարելու փոփոխություններ:

IV. Խորհրդի ձևավորման կարգը

4.1. Խորհուրդը ձևավորվում է ԱՊՀ մասնակից պետությունների հողային նախարարությունների և վարչությունների ղեկավարներից (այսուհետ` Խորհրդի անդամներ): Համաձայնագրին միացած, բայց ԱՊՀ մասնակից պետություն չհանդիսացող պետությունների ներկայացուցիչները օգտվում են Խորհրդում դիտորդի կարգավիճակից:

Համաձայնագրի յուրաքանչյուր մասնակից պետություն Խորհրդում ունի մեկ ձայնի իրավունք: Խորհրդի նիստերին մասնակցող Խորհրդի անդամներին փոխարինող անձանց իրավասությունները պետք է հաստատվեն գրավոր:

4.2. Խորհրդում նախագահությունն իրականացվում է հաջորդաբար, Խորհրդի յուրաքանչյուր անդամի կողմից՝ ըստ ԱՊՀ մասնակից պետությունների ցանկի` ռուսերենի այբբենական կարգով, որպես կանոն, մեկ տարի ժամկետով, եթե այլ բան չի սահմանվում Խորհրդի որոշմամբ:

Խորհրդի նախորդ և հաջորդ նախագահողները հանդիսանում են համանախագահներ:

Խորհրդի նախագահի ժամանակավոր բացակայության դեպքում նրա պարտականությունները կատարում է համանախագահներից որևէ մեկը:

4.3. Խորհրդի կազմի մեջ է մտնում Արտադրական-գիտական սերմնաբուծական ասոցիացիայի («Սերմեր» ասոցիացիա) նախագահը, որը միաժամանակ հանդիսանում է նաև Խորհրդի նախագահի տեղակալը: Խորհրդի նախագահի տեղակալի գործառույթները սահմանվում են Խորհրդի որոշմամբ: Խորհրդակցական ձայնի իրավունքով Խորհրդի կազմում կարող են ընդգրկվել Խորհրդի քարտուղարության ղեկավարը և ԱՊՀ գործադիր կոմիտեի ներկայացուցիչը:

V. Խորհրդի աշխատանքների կազմակերպումը

5.1. Խորհրդի նիստերն անցկացվում են ոչ ուշ, քան տարին մեկ անգամ: Անհրաժեշտության դեպքում կարող են հրավիրվել արտահերթ նիստեր:

 Խորհրդի արտահերթ նիստը գումարվում է Խորհրդի նախագահի նախաձեռնությամբ կամ Խորհրդի առնվազն երեք անդամի առաջարկությամբ:

5.2. Խորհրդի որոշումներն ունեն իրավական ուժ, եթե նիստին մասնակցում է Խորհրդի անդամների առնվազն երկու երրորդը:

5.3. Հերթական նիստի անցկացման վայրը սահմանվում է Խորհրդի անդամների նախնական պայմանավորվածությամբ:

5.4. Խորհուրդը կազմակերպում է իր աշխատանքը Խորհրդի քարտուղարության մշակած պլանների հիման վրա` հաշվի առնելով Համաձայնագրի մասնակից պետությունների առաջարկությունները:

Խորհուրդը ԱՊՀ գործադիր կոմիտեին ներկայացնում է ամենամյա տեղեկատվություն իր գործունեության վերաբերյալ` սահմանված կարգով հետագա քննարկման համար:

5.5. Խորհրդի որոշմամբ նիստերին դիտորդի կարգավիճակով կարող են մասնակցել Համաձայնագրի մասնակից չհանդիսացող պետությունների շահագրգիռ գերատեսչությունների, գիտական, հասարակական և այլ կազմակերպությունների (այդ թվում` միջազգային) ներկայացուցիչները:

5.6. Խորհրդի որոշումներն ընդունվում են նիստին մասնակցող անդամների ձայների պարզ մեծամասնությամբ, եթե այլ բան նախատեսված չէ Խորհրդի կողմից:

Խորհրդի յուրաքանչյուր անդամ կարող է հայտարարել այս կամ այն հարցի վերաբերյալ իր շահագրգիռ չլինելու մասին, ինչը չպետք է դիտվի որպես խոչընդոտ տվյալ որոշման ընդունման համար:

Խորհրդի այն անդամները, ովքեր համաձայն չեն որոշմանը, կարող են արտահայտել հատուկ կարծիք, որը կներառվի նիստի արձանագրության մեջ:

5.7. Խորհուրդը քննարկում է իր գործունեությանը վերաբերող հարցեր:

Խորհրդի որոշումները գյուղատնտեսական մշակաբույսերի սորտերի և հիբրիդների սերմերի, պտղահատապտղային մշակաբույսերի և խաղողի տնկանյութի միջպետական մատակարարումների վերաբերյալ կիրարկվում են Համաձայնագրի այն մասնակից պետությունների տնտեսավարող սուբյեկտների կողմից, որոնց լիազոր ներկայացուցիչները կողմ են քվեարկել տվյալ որոշմանը:

5.8. Խորհրդի նիստերը ձևակերպվում են արձանագրությունների և որոշումների տեսքով, որոնք ստորագրվում են Խորհրդի նախագահի կողմից և ուղարկվում են Խորհրդի անդամներին ու ԱՊՀ գործադիր կոմիտեին:

5.9. Խորհրդի նիստերն անցկացվում են Խորհրդի հաստատած Կանոնակարգի համաձայն:

5.10. Խորհրդի հերթական նիստի համար անհրաժեշտ նյութերն ուղարկվում են նիստի անդամներին նիստի անցկացման օրվանից առնվազն 30 օր առաջ:

5.11. Խորհրդի գործունեության տեխնիկական-կազմակերպչական և տեղեկատվական ապահովումն իրականացվում է Խորհրդի քարտուղարության կողմից, որի գործառույթների իրականացումը մշտապես դրվում է արտադրական-գիտական սերմնաբուծական ասոցիացիայի («Սերմեր» ասոցիացիա) տնօրինության վրա (ք. Մոսկվա): Քարտուղարության մասին դրույթները հաստատվում են Խորհրդի կողմից:

5.12. Խորհրդի այն որոշումները, որոնք ուղղակիորեն շոշափում են Համաձայնագրի որևէ մասնակից պետության շահերը, չեն կարող ընդունվել տվյալ պետության ներկայացուցչի բացակայության դեպքում:

5.13. Խորհուրդը նախագահ է ընտրում առաջին նիստի ընթացքում:

Նախագահը կազմակերպում է Խորհրդի աշխատանքները, ղեկավարում է նիստերը, ապահովում է Կանոնակարգին հետևելը:

5.14. Խորհուրդն ունի կլոր կնիք և ձևաթղթեր իր անվանումով և Անկախ Պետությունների Համագործակցության խորհրդանշանով:

VI. Վերջնական դրույթներ

6.1. Խորհրդի նիստերի անցկացման հետ կապված կազմակերպչական ծախսերն իրականացնում են Համաձայնագրի` ընդունող մասնակից պետության պետական իշխանության համապատասխան մարմինները:

Խորհրդի անդամների և նիստերի մասնակիցների գործուղման ծախսերն իրականացնում են գործուղող մարմինները և Համաձայնագրի մասնակից պետությունների կազմակերպությունները:

6.2. Խորհրդի աշխատանքային լեզուն ռուսերենն է:

6.3. Խորհրդի լուծարման մասին հարցը քննարկվում է Անկախ Պետությունների Համագործակցության մասնակից պետությունների Կառավարությունների ղեկավարների խորհրդի կողմից:

6.4. Խորհրդի քարտուղարության գտնվելու վայրը Մոսկվա քաղաքն է: