«Գրանցված է»
ՀՀ արդարադատության
նախարարության կողմից
15 մայիսի 2006 թ.
Պետական գրանցման թիվ 12406149

4 մայիսի 2006 թ. ք. Երևան

N 78-Ն

28 ապրիլի 2006 թ. ք. Երևան

N 1-05/07-Ն

Հ Ա Մ Ա Տ Ե Ղ  Հ Ր Ա Մ Ա Ն

«ՀԱՐԿԱՅԻՆ (ՏԱՐԱԾՔԱՅԻՆ) ՏԵՍՉՈՒԹՅՈՒՆՆԵՐԻ ԵՎ ՊԵՏԱԿԱՆ ՌԵԳԻՍՏՐԻ ԳՈՐԾԱԿԱԼՈՒԹՅԱՆ ՏԱՐԱԾՔԱՅԻՆ ՍՏՈՐԱԲԱԺԱՆՈՒՄՆԵՐԻ ՄԻՋԵՎ ԳՈՐԾՈՒՆԵՈՒԹՅՈՒՆԸ ԴԱԴԱՐԵՑՆՈՂ (ԼՈՒԾԱՐՎՈՂ) ԱՆՀԱՏ ՁԵՌՆԱՐԿԱՏԵՐԵՐԻ ԴԻՄՈՒՄՆԵՐԻ ԵՎ ՊԵՏԱԿԱՆ ԳՐԱՆՑՄԱՆ ՎԿԱՅԱԿԱՆՆԵՐԻ ՀԱՆՁՆՄԱՆ-ԸՆԴՈՒՆՄԱՆ ՈՒ ՀՐԱՊԱՐԱԿՎՈՂ ՊԱՐՏԱՎՈՐՈՒԹՅՈՒՆՆԵՐԻ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԻ ՓՈԽԱՆԱԿՄԱՆ» ԸՆԹԱՑԱԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Անհատ ձեռնարկատերերի համար եկամտահարկի և պարտադիր սոցիալական ապահովագրության վճարների արտոնություններ սահմանելու մասին» Հայաստանի Հանրապետության օրենքի 2-րդ և 4-րդ հոդվածները

ՀՐԱՄԱՅՈՒՄ ԵՆՔ՝

1. Հաստատել հարկային (տարածքային) տեսչությունների և պետական ռեգիստրի գործակալության տարածքային ստորաբաժանումների միջև գործունեությունը դադարեցնող (լուծարվող) անհատ ձեռնարկատերերի դիմումների և պետական գրանցման վկայականների հանձնման-ընդունման ու հրապարակվող պարտավորությունների վերաբերյալ տեղեկությունների փոխանակման ընթացակարգը (այսուհետ` Ընթացակարգ)` համաձայն հավելված N 1-ի:

2. Հաստատել հարկային (տարածքային) տեսչությունների և պետական ռեգիստրի գործակալության տարածքային ստորաբաժանումների միջև փաստաթղթերի և տեղեկությունների փոխանակման սխեման (այսուհետ` Փոխանակման սխեմա)` համաձայն հավելված N 2-ի:

3. Հաստատել հարկային (տարածքային) տեսչությունների և պետական ռեգիստրի գործակալության տարածքային ստորաբաժանումների միջև գործունեությունը դադարեցնող (լուծարվող) անհատ ձեռնարկատերերի փաստաթղթերի հանձնման-ընդունման ակտի (այսուհետ` հանձնման-ընդունման ակտ) և ցանկերի (այսուհետ` Ցանկ) օրինակելի ձևերը` համաձայն հավելվածներ N 3-ի և N 4-ի:

ՀՀ արդարադատության նախարար	ՀՀ ԿԱ ՀՊԾ ՊԵՏ
Դ. Հարությունյան	Ֆ. Ցոլակյան

Հավելված N 1

Ը Ն Թ Ա Ց Ա Կ Ա Ր Գ

ՀԱՐԿԱՅԻՆ (ՏԱՐԱԾՔԱՅԻՆ) ՏԵՍՉՈՒԹՅՈՒՆՆԵՐԻ ԵՎ ՊԵՏԱԿԱՆ ՌԵԳԻՍՏՐԻ ԳՈՐԾԱԿԱԼՈՒԹՅԱՆ ՏԱՐԱԾՔԱՅԻՆ ՍՏՈՐԱԲԱԺԱՆՈՒՄՆԵՐԻ ՄԻՋԵՎ ԳՈՐԾՈՒՆԵՈՒԹՅՈՒՆԸ ԴԱԴԱՐԵՑՆՈՂ (ԼՈՒԾԱՐՎՈՂ) ԱՆՀԱՏ ՁԵՌՆԱՐԿԱՏԵՐԵՐԻ ԴԻՄՈՒՄՆԵՐԻ ԵՎ ՊԵՏԱԿԱՆ ԳՐԱՆՑՄԱՆ ՎԿԱՅԱԿԱՆՆԵՐԻ ՀԱՆՁՆՄԱՆ-ԸՆԴՈՒՆՄԱՆ ԵՎ ՀՐԱՊԱՐԱԿՎՈՂ ՊԱՐՏԱՎՈՐՈՒԹՅՈՒՆՆԵՐԻ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԻ ՓՈԽԱՆԱԿՄԱՆ

1. Սույն ընթացակարգով կարգավորվում է «Անհատ ձեռնարկատերերի համար եկամտահարկի և պարտադիր սոցիալական ապահովագրության վճարների արտոնություններ սահմանելու մասին» Հայաստանի Հանրապետության օրենքի (այսուհետ` Օրենք) 2-րդ և 4-րդ հոդվածներով սահմանված դեպքերում հարկային (տարածքային) տեսչությունների կողմից պետական ռեգիստրի գործակալության տարածքային ստորաբաժանումներին անհատ ձեռնարկատերերի դիմումները, պետական գրանցման վկայականները և պարտադիր սոցիալական ապահովագրության վճարների նվազագույն գումարների հրապարակվող պարտավորությունների վերաբերյալ տեղեկությունների փոխանցման գործընթացը:

2. Օրենքի 2-րդ հոդվածի համաձայն գործունեությունը դադարեցնող (լուծարվող) անհատ ձեռնարկատերերի ցանկը (անհատ ձեռնարկատիրոջ անունը և ազգանունը, պետական գրանցման համարի և ամսաթվի, պետական գրանցման վկայականի համարի, ՀՎՀՀ-ի և դիմումի ներկայացման օրվա պարտադիր նշումով)` դիմումների և պետական գրանցման վկայականների հետ միասին հարկային (տարածքային) տեսչությունները 01.05.2006թ.-01.06.2006թ. ընկած ժամանակահատվածում հանձնում են պետական ռեգիստրի գործակալության տարածքային ստորաբաժանումներին` Փոխանակման սխեմային համապատասխան` մեկ թերթից բաղկացած հանձնման-ընդունման ակտերի (հավելված N 3) հիման վրա, որը`

ա) ստորագրում են հարկային (տարածքային) տեսչության պետը, տվյալների մշակման և հաշվառման բաժնի պետը, սոցիալական վճարների և եկամտահարկի բաժնի պետը, հարկ վճարողների սպասարկման բաժնի պետը` հանձնման մասով.

բ) ստորագրում են պետական ռեգիստրի գործակալության տարածքային ստորաբաժանման պետը կամ պետական ռեգիստրի գործակալության տարածքային ստորաբաժանման պետը և համապատասխան աշխատողը` ընդունման մասով.

գ) կնքվում է հարկային (տարածքային) տեսչության և պետական ռեգիստրի գործակալության տարածքային ստորաբաժանման կնիքներով:

3. Ընթացակարգի 2-րդ կետով սահմանված հանձնման-ընդունման աշխատանքները իրականացվում են ըստ հետևյալ ժամանակացույցի`

ա) մինչև 01.01.1996թ. պետական գրանցում ստացած (այդ թվում` ժամանակավոր) անհատ ձեռնարկատերերին վերաբերող` մինչև 15.05.2006թ. (ներառյալ),

բ) 01.01.1996թ.-01.01.2001թ. ընթացքում պետական գրանցում ստացած (այդ թվում` ժամանակավոր) անհատ ձեռնարկատերերին վերաբերող` մինչև 23.05.2006թ. (ներառյալ),

գ) 01.01.2001թ.-01.01.2006թ. ընթացքում պետական գրանցում ստացած (այդ թվում` ժամանակավոր) անհատ ձեռնարկատերերին վերաբերող` մինչև 31.05.2006թ. (ներառյալ):

4. Օրենքի 4-րդ հոդվածի համաձայն գործունեությունը դադարեցնող (լուծարվող) անհատ ձեռնարկատերերի Ցանկը (անհատ ձեռնարկատիրոջ անունը և ազգանունը, պետական գրանցման համարի և ամսաթվի, պետական գրանցման վկայականի համարի, ՀՎՀՀ-ի և 2003-2005 թվականների համար հաշվարկված ու չվճարված պարտադիր սոցիալական ապահովագրության վճարների նվազագույն գումարների պարտադիր նշումով` հավելված N 4) հարկային (տարածքային) տեսչությունները 01.06.2006թ.-01.09.2006թ. ընկած ժամանակահատվածում հանձնում են պետական ռեգիստրի գործակալության տարածքային ստորաբաժանումներին` Փոխանակման սխեմային համապատասխան, որը`

ա) ստորագրում են հարկային (տարածքային) տեսչության պետը, տվյալների մշակման և հաշվառման բաժնի պետը, սոցիալական վճարների և եկամտահարկի բաժնի պետը, հարկ վճարողների սպասարկման բաժնի պետը` հանձնման մասով.

բ) ստորագրում է պետական ռեգիստրի գործակալության տարածքային ստորաբաժանման պետը` ընդունման մասով.

գ) կնքվում է հարկային (տարածքային) տեսչության և պետական ռեգիստրի գործակալության տարածքային ստորաբաժանման կնիքներով:

5. Ընթացակարգի 4-րդ կետով սահմանված Ցանկերը տրամադրվում են ըստ հետևյալ ժամանակացույցի`

ա) մինչև 01.01.1996թ. պետական գրանցում ստացած (այդ թվում` ժամանակավոր) անհատ ձեռնարկատերերին վերաբերող` մինչև 01.07.2006թ.,

բ) 01.01.1996թ.-01.01.2001թ. ընթացքում պետական գրանցում ստացած (այդ թվում` ժամանակավոր) անհատ ձեռնարկատերերին վերաբերող` մինչև 01.08.2006թ.,

գ) 01.01.2001թ.-01.01.2006թ. ընթացքում պետական գրանցում ստացած (այդ թվում` ժամանակավոր) անհատ ձեռնարկատերերին վերաբերող` մինչև 01.09.2006թ.:

6. Հարկային մարմիններում չհաշվառված անհատ ձեռնարկատերերի (ձեռներեցների) հայտնաբերման և Օրենքին համապատասխան պարտադիր լուծարման գործընթացը ապահովելու նպատակով պետական ռեգիստրի գործակալության կենտրոնական մարմինը մինչև 15.05.2006թ. ՀՀ ԿԱ ՀՊԾ-ին տրամադրում է մինչև 01.01.2006թ. պետական գրանցում ստացած և դեռևս չլուծարված (գործունեությունը չդադարեցրած) անհատ ձեռնարկատերերի (անհատ ձեռներեցների) տվյալների բազան (մագնիսական կրիչներով` անհատ ձեռնարկատիրոջ անունը և ազգանունը, պետական գրանցման համարի և ամսաթվի, պետական գրանցման վկայականի համարի պարտադիր նշումով)` Փոխանակման սխեմային համապատասխան:

Հարկային մարմիններում չհաշվառված անհատ ձեռնարկատերերին հայտնաբերելու դեպքում (մինչև սահմանված ժամկետներում պետական ռեգիստրի տարածքային ստորաբաժանումներ տեղեկությունների ներկայացումը) հարկային (տարածքային) տեսչությունը նրանց հաշվառում է որպես հարկ վճարող (ապահովադիր)` տրամադրելով հարկ վճարողների հաշվառման համար:

Հավելված N 2

Փ Ո Խ Ա Ն Ա Կ Մ Ա Ն  Ս Խ Ե Մ Ա

ՀԱՐԿԱՅԻՆ (ՏԱՐԱԾՔԱՅԻՆ) ՏԵՍՉՈՒԹՅՈՒՆՆԵՐԻ ԵՎ ՊԵՏԱԿԱՆ ՌԵԳԻՍՏՐԻ ԳՈՐԾԱԿԱԼՈՒԹՅԱՆ ՏԱՐԱԾՔԱՅԻՆ ՍՏՈՐԱԲԱԺԱՆՈՒՄՆԵՐԻ ՄԻՋԵՎ ՓԱՍՏԱԹՂԹԵՐԻ ԵՎ ՏԵՂԵԿՈՒԹՅՈՒՆՆԵՐԻ