«Գրանցված է»
ՀՀ արդարադատության
նախարարության կողմից
16 հունիսի 2006 թ.
Պետական գրանցման թիվ 11606184

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

31 մայիսի 2006 թ. ք. Երևան

N 3-Ն

24 մայիսի 2006 թ. ք. Երևան

N 132-Ն

Հ Ա Մ Ա Տ Ե Ղ  Հ Ր Ա Մ Ա Ն

ԸՆՏՐՈՒԹՅՈՒՆՆԵՐԻ ԺԱՄԱՆԱԿ ՔՎԵԱՐԿՈՒԹՅԱՆ ՕՐՎԱ, ՏԵՂԻ ԵՎ ԺԱՄԱՆԱԿԻ ՄԱՍԻՆ ԸՆՏՐՈՂՆԵՐԻՆ ԾԱՆՈՒՑԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

Համաձայն Հայաստանի Հանրապետության կառավարության 2005 թվականի օգոստոսի 25-ի «Հայաստանի Հանրապետության ընտրական օրենսգրքի պահանջների կատարումն ապահովող միջոցառումների մասին» N 1389-Ա որոշման 4-րդ կետի «բ» ենթակետի`

Սահմանել ընտրությունների ժամանակ քվեարկության օրվա, տեղի և ժամանակի մասին ընտրողներին ծանուցելու կարգը` համաձայն հավելվածի:

ՀՀ ոստիկանության պետ, Ոստիկանության գեներալ-գնդապետ՝

ՀՀ տրանսպորտի և կապի նախարար

Հ. Հարությունյան

Ա. Մանուկյան

	Հաստատված է
	Հավելված ՀՀ կառավարությանն առընթեր ՀՀ ոստիկանության պետի 2006 թ. մայիսի 31-ի N 3-Ն և ՀՀ տրանսպորտի և կապի նախարարի 2006 թ. մայիսի 24-ի N 132-Ն համատեղ հրամանի

Կ Ա Ր Գ

ԸՆՏՐՈՒԹՅՈՒՆՆԵՐԻ ԺԱՄԱՆԱԿ ՔՎԵԱՐԿՈՒԹՅԱՆ ՕՐՎԱ, ՏԵՂԻ ԵՎ ԺԱՄԱՆԱԿԻ ՄԱՍԻՆ ԸՆՏՐՈՂՆԵՐԻՆ ԾԱՆՈՒՑԵԼՈՒ

1. Սույն կարգով սահմանվում է ընտրությունների ժամանակ քվեարկության օրվա, տեղի և ժամանակի մասին ընտրողներին ծանուցելու կարգը:

2. Սույն կարգը չի տարածվում օտարերկրյա պետություններում Հայաստանի Հանրապետության դիվանագիտական կամ հյուպատոսական ներկայացուցիչների, ժամկետային զինվորական ծառայության մեկնած, ինչպես նաև կալանքի տակ գտնվող ընտրողների վրա:

3. Ընտրությունների ժամանակ քվեարկության օրվա, տեղի և ժամանակի մասին ընտրողները ծանուցվում են (տեղեկացվում են)  ծանուցագրերի միջոցով (Ձևը կցվում է):

4. Ընտրություններից առնվազն 30 օր առաջ, ամենօրյա պարբերականությամբ և համամասնորեն, Հայաստանի Հանրապետության կառավարությանն առընթեր Հայաստանի Հանրապետության ոստիկանության անձնագրային և վիզաների վարչությունը կամ համապատասխան տարածքային ստորաբաժանման ղեկավարը այդ օրվա դրությամբ ընտրողների ճշգրտված և վերանայված ցուցակները բնակիչների ճշգրտված հասցեներով և ընտրական տեղամասերի հասցեներով, մագնիսական կրիչով և հանձնման-ընդունման ակտով սկսում է տրամադրել «Հայփոստ» փակ բաժնետիրական ընկերությանը: Հասցեների վերջին խմբաքանակը տրամադրվում է ընտրություններից ոչ ուշ, քան 20 օր առաջ, Հայաստանի Հանրապետության օրենսդրությամբ սահմանված սակագներին համապատասխան պայմանագրային հիմունքներով ծանուցագրերի փոստային առաքման գործընթացն իրականացնելու համար:

5. «Հայփոստ» փակ բաժնետիրական ընկերությունը ընտրություններից մինչև 2 օր առաջ ապահովում է ընտրությունների ժամանակ քվեարկության օրվա, տեղի և ժամանակի մասին ընտրողներին ծանուցագրերի հանձնման գործընթացը` հասարակ նամակների տեսքով:

ԾԱՆՈՒՑՈՒՄ Պողոս Պողոսյան Սարյան փող. 15, բն. 20 0002 Երևան

Ձև ՀԱՐԳԵԼԻ  ԸՆՏՐՈՂ Սույն թվականի ______________ -ին տեղի են ունենալու ____________________ ____________________ ընտրությունները: Դուք քվեարկելու եք ________________ ______________________________ հասցեում տեղակայված թիվ ____________ ընտրատեղամասում, ժամը 8.00 -20.00: Լիազոր մարմին