«Գրանցված է»

ՀՀ արդարադատության

նախարարության կողմից

24 հունվարի 2014 թ.

Պետական գրանցման թիվ 12114030

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ՓՈԽՎԱՐՉԱՊԵՏ, ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ 19 դեկտեմբերի 2013 թ.  N 12-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ՔԱՂԱՔԱՇԻՆՈՒԹՅԱՆ ՆԱԽԱՐԱՐ   4 դեկտեմբերի 2013 թ.  N 371-Ն

Հ Ա Մ Ա Տ Ե Ղ  Հ Ր Ա Մ Ա Ն

ՔԱՂԱՔԱՇԻՆՈՒԹՅԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԻՐԱԿԱՆԱՑՎՈՂ ՎԱՐՉԱԿԱՆ ՀՍԿՈՂՈՒԹՅԱՆ ՀԱՐՑԱՇԱՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 1997 թվականի մայիսի 6-ի N ՆՀ-728 հրամանագրի 1.37 կետը.

ՀՐԱՄԱՅՈՒՄ ԵՆՔ՝

1. Հաստատել քաղաքաշինության բնագավառում Հայաստանի Հանրապետության մարզպետների կողմից իրականացվող վարչական հսկողության հարցաշարը` համաձայն հավելվածի:

ՀՀ փոխվարչապետ, տարածքային կառավարման   նախարար    Ա. Գևորգյան

ՀՀ քաղաքաշինության նախարար   Ս. Թադևոսյան

Հավելված Հաստատված է ՀՀ փոխվարչապետ, տարածքային կառավարման նախարարի 2013 թվականի դեկտեմբերի 19-ի թիվ 12-Ն և ՀՀ քաղաքաշինության նախարարի 2013 թվականի դեկտեմբերի 4-ի թիվ 371-Ն համատեղ հրամանով

Վարչական Հսկողության Հարցաշար

Քաղաքաշինության բնագավառ

1. Գործառույթը` «Տեղական ինքնակառավարման մասին» ՀՀ օրենքի /այսուհետ` ՏԻՄ/ 37-րդ հոդված, կետ 1. ՀՀ օրենսդրությամբ սահմանված կարգով կազմում է համայնքի քաղաքաշինական ծրագրային փաստաթղթերը` համայնքի (բնակավայրի) գլխավոր հատակագիծը և քաղաքաշինական գոտևորման նախագիծը և (կամ) դրանց փոփոխություններն ու նախագծման առաջադրանքները:

2. Գործառույթի իրականացման օրենսդրական հիմքը` «Քաղաքաշինության մասին» ՀՀ օրենք, ՀՀ կառավարության 2011 թվականի դեկտեմբերի 29-ի N 1920-Ն և ՀՀ կառավարության 2001 թվականի մայիսի 11-ի N 408 որոշումներ:

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջարկություններ հսկողության ընթացքում հայտնաբերված խախտումների վերացման վերաբերյալ	Հայտնաբերված խախտումները վերացնելու նպատակով սահմանված ժամկետները
ՀՀ օրենսդրությամբ սահմանված կարգով հաստատված համայնքի գլխավոր հատակագծի առկայություն
ՀՀ օրենսդրությամբ սահմանված կարգով հաստատված գոտևորման նախագծի առկայություն
գլխավոր հատակագիծը մշակվել է ՀՀ օրենսդրությամբ սահմանված կարգով համաձայնեցված և հաստատված նախագծային առաջադրանքի հիման վրա
կառուցապատման նպատակով հողամասերը տրամադրվում են հաստատված ծրագրային փաստաթղթերով սահմանված նպատակային և գործառնական նշանակությանը և միջոցառումների առաջնահերթությանը համապատասխան
քաղաքաշինական ծրագրային փաստաթղթեր չունեցող համայնքի զարգացման քառամյա ծրագրում նախատեսված է գլխավոր հատակագծի և գոտևորման նախագծի մշակում
գլխավոր հատակագծի ՀՀ օրենսդրությամբ սահմանված կարգով կատարված փոփոխություններն արտացոլված են գործող գլխավոր հատակագծի համապատասխան գծագրերում և բացատրագրում
կառուցապատման նպատակով տրամադրած հողամասերն ապահովված են ինժեներական ենթակառուցվածքի գծերով
կառուցապատման նպատակով տրամադրած հողամասերը կառուցապատվում են ոչ ուշ, քան հողամասը տրամադրելուց հինգ տարվա ընթացքում

3. Գործառույթը` ՏԻՄ ՀՀ օրենք, 37-րդ հոդված, կետ 1.1. կազմում և վարում է համայնքի ընթացիկ քաղաքաշինական քարտեզը։

4. Գործառույթի իրականացման օրենսդրական հիմքը` «Տեղական ինքնակառավարման մասին» ՀՀ օրենք, 46-րդ հոդված, 4-րդ մաս, «Քաղաքաշինության մասին» ՀՀ օրենք, ՀՀ կառավարության 2011 թվականի դեկտեմբերի 29-ի N 1920-Ն:

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջարկություններ հսկողության ընթացքում հայտնաբերված խախտումների վերացման վերաբերյալ	Հայտնաբերված խախտումները վերացնելու նպատակով սահմանված ժամկետները
համայնքի ընթացիկ քաղաքաշինական քարտեզում արտացոլված են ՀՀ օրենսդրությամբ սահմանված կարգով տրամադրված հողամասերը (նպատակային կամ գործառնական փոփոխության մասին նշումով), նախագծման և շինարարության թույլտվությունները, ինչպես նաև գլխավոր հատակագծի և գոտևորման նախագծի փոփոխությունները:

5. Գործառույթը` ՏԻՄ ՀՀ օրենք, 37-րդ հոդված, կետ 2. ՀՀ օրենսդրությամբ սահմանված կարգով վարում է համայնքի քաղաքաշինական կադաստրը, կազմում է համայնքի քաղաքաշինական կանոնադրությունը և ներկայացնում է համայնքի ավագանու հաստատմանը:

6. Գործառույթի իրականացման օրենսդրական հիմքը` «Քաղաքաշինության մասին» ՀՀ օրենք, ՀՀ կառավարության 1999 թվականի դեկտեմբերի 31-ի N 802 որոշում:

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջարկություններ հսկողության ընթացքում հայտնաբերված խախտումների վերացման վերաբերյալ	Հայտնաբերված խախտումները վերացնելու նպատակով սահմանված ժամկետները
Համայնքի քաղաքաշինական մատյաններում հաշվառվում և մուտքագրվում են`
1) համայնքի տարածքում ընդգրկված քաղաքաշինական գործունեության օբյեկտների` անշարժ գույքի միավորների, գործառական տարածքների, քաղաքաշինական գործունեության հատուկ կարգավորման օբյեկտների և բնակավայրերի քաղաքաշինական անձնագրերը.
2) համայնքի քաղաքաշինական անձնագիրը.
3) քաղաքաշինական գործունեություն իրականացնելու նպատակով համայնքի վարչական սահմաններում ընդգրկված հողամասերի նպատակային և գործառական նշանակության փոփոխությունները. 4) կառուցապատողներին տրված ճարտարապետահատակագծային առաջադրանքները.
5) շինարարության և քանդման թույլտվությունները.
6) ավարտված շինարարության շահագործման փաստագրման ակտերը.
7) տվյալներ համայնքի տարածքում իրականացված տեղագրագեոդեզիական հանույթների և ինժեներաերկրաբանական ուսումնասիրությունների մասին.
8) տեղեկություններ համայնքի տարածքի համար մշակված քաղաքաշինական փաստաթղթերի մասին.
9) համայնքի գոտևորման նախագծի կազմում կամ առանձին փաստաթղթի տեսքով մշակված է համայնքի քաղաքաշինական կանոնադրությունը.
10) քաղաքաշինական կանոնադրության դրույթները չեն հակասում հաստատված ծրագրային փաստաթղթերի դրույթներին, ներդաշնակ են բնակավայրում պատմականորեն ձևավորված ճարտարապետական ոճին
Համայնքում իրականացվող նոր կառուցապատումը համահունչ է համայնքի քաղաքաշինական կանոնադրությամբ սահմանված դրույթներին

7. Գործառույթը` ՏԻՄ ՀՀ օրենք, 37-րդ հոդված, կետ 3. համայնքի քաղաքաշինական ծրագրային փաստաթղթերին համապատասխան` Հայաստանի Հանրապետության օրենսդրությամբ սահմանված կարգով կառուցապատողներին տալիս է ճարտարապետահատակագծային առաջադրանք (կամ նախագծման թույլտվություն), որում ներառվում են իր կողմից ինժեներական սպասարկում իրականացնող ծառայություններին ներկայացված հարցման հիման վրա ստացված` օբյեկտի նախագծման տեխնիկական պայմանները:

8. Գործառույթի իրականացման օրենսդրական հիմքը` «Քաղաքաշինության մասին» ՀՀ օրենք, ՀՀ կառավարության 2002 թվականի օգոստոսի 29-ի N 1473-Ն, 2005 թվականի դեկտեմբերի 29-ի թիվ 2404-Ն, 2008 թվականի դեկտեմբերի 18-ի N 1563-Ն, 2009 թվականի հունիսի 26-ի թիվ 792-Ն որոշումներ:

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջարկություններ հսկողության ընթացքում հայտնաբերված խախտումների վերացման վերաբերյալ	Հայտնաբերված խախտումները վերացնելու նպատակով սահմանված ժամկետները
ճարտարապետահատակագծային առաջադրանքը/ները (ՃՀԱ) տրամադրվում է/են համայնքի գլխավոր հատակագծի և գոտևորման նախագծի դրույթներին համապատասխան
ՃՀԱ կազմում ներառվում են տեխնիկական պայմանները /ջրամատակարարում, ջրահեռացում, էլեկտրամատակարարում/
ՃՀԱ կազմում տրամադրվում է հողամասի Մ1:500 սխեմա` հողամասով անցնող բոլոր, այդ թվում` ստորգետնյա ինժեներական գծերի նշումով /ջրագիծ, կոյուղագիծ, էլեկտրագիծ, հեռահաղորդակցության գիծ և այլն/
պահպանվում են ՃՀԱ-ի տրամադրման ՀՀ օրենսդրությամբ սահմանված ժամկետները` ըստ օբյեկտի ռիսկայնության աստիճանի
ՃՀԱ-ում հստակ նշված են հաշմանդամների համար կառույցի հարմարեցված լինելու վերաբերյալ պահանջները
ՃՀԱ-ում նշված է օբյեկտի ռիսկայնության աստիճանը /կատեգորիան/ և դրան համապատասխան պահանջվող փորձաքննության /կան հեղինակի երաշխավորագրի/ անհրաժեշտության պահանջը
Պահպանվում է քաղաքաշինական գործունեության հատուկ կարգավորման գոտիներում ՀՀ կառավարության սահմանած կարգը

9. Գործառույթը` ՏԻՄ ՀՀ օրենք, 37-րդ հոդված, կետ 4. սահմանված դեպքերում և կարգով համայնքի բնակչությանն իրազեկում է միջավայրի ծրագրվող քաղաքաշինական փոփոխությունների մասին:

10. Գործառույթի իրականացման օրենսդրական հիմքը` «Քաղաքաշինության մասին» ՀՀ օրենք, ՀՀ կառավարության 1998 թվականի դեկտեմբերի 21-ի N 812 և ՀՀ կառավարության 1998 թվականի հոկտեմբերի 28-ի N 660 որոշումներ:

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջարկություններ հսկողության ընթացքում հայտնաբերված խախտումների վերացման վերաբերյալ	Հայտնաբերված խախտումները վերացնելու նպատակով սահմանված ժամկետները
կենսագործունեության միջավայրի ծրագրվող փոփոխությունները և հրապարակված քաղաքաշինական ծրագրերը ու նախագծերը քննարկվում են և որոշումների ընդունմանը մասնակցում են հասարակայնության ներկայացուցիչները (համաձայնությամբ)
իրազեկումը իրականացվում է`
1) զանգվածային լրատվության (այդ թվում` էլեկտրոնային) միջոցներով (տեղական և հանրապետական ռադիո, հեռուստատեսություն, լրագիր).
2) ծրագրերի և նախագծերի ցուցադրման միջոցառումներով, հրապարակումներով տեղական ինքնակառավարման մարմինների ինտերնետային կայքերում տեղադրմամբ.
3) հասարակական քննարկումներով
Պահպանվում է համայնքի ղեկավարի համաձայնեցմանը ներկայացված քաղաքաշինական ծրագրերին և նախագծերին հասարակայնությանը իրազեկման համար սահմանված 3-օրյա ժամկետը, նշվում են դրանց ծանոթանալու պայմանները` հրապարակման, ցուցադրման և հասարակական քննարկման տեղն ու ժամանակը
բնակչությունը իրազեկված է`
ՀՀ օրենսդրությամբ սահմանված կարգով փորձաքննության դրական եզրակացություն ստացած և հաստատված գոտևորման նախագծերի վերաբերյալ
ՀՀ օրենսդրությամբ սահմանված IV և V կատեգորիաների դասակարգում ունեցող և բնապահպանական փորձաքննության ենթակա քաղաքաշինական օբյեկտների ճարտարապետաշինարարական նախագծերի վերաբերյալ
Ապահովվում է քաղաքաշինական ծրագրերի ու նախագծերի հրապարակման և ցուցադրման համար ՀՀ օրենսդրությամբ սահմանված 15-օրյա ժամկետը
Հասարակայնության ներկայացուցիչների կողմից ներկայացված դիտողությունների ու առաջարկությունների ուսումնասիրությունից և վերլուծությունից հետո քաղաքաշինական ծրագրերը (կամ նախագծերը) ՀՀ օրենսդրությամբ սահմանված 3-օրյա ժամկետում`
համաձայնեցվում են
վերադարձվում են լրամշակման
մերժվում են

11. Գործառույթը` ՏԻՄ ՀՀ օրենք, 37-րդ հոդված, կետ 4.1. Հայաստանի Հանրապետության օրենսդրությամբ սահմանված կարգով համաձայնեցնում է ճարտարապետաշինարարական նախագծերը, տալիս է շինարարության (քանդման) թույլտվություն, միջոցառումներ է ձեռնարկում շինարարության թույլտվությամբ նախատեսված ժամկետներում կառուցապատումն ավարտելու համար։

12. Գործառույթի իրականացման օրենսդրական հիմքը` «Քաղաքաշինության մասին» ՀՀ օրենք, ՀՀ կառավարության 1998 թվականի դեկտեմբերի 21-ի N 812 և ՀՀ կառավարության 2002 թվականի փետրվարի 2-ի N 91 որոշումներ, ՀՀ քաղաքաշինության նախարարի 2006 թվականի նոյեմբերի 29-ի N 273-Ն հրաման:

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջարկություններ հսկողության ընթացքում հայտնաբերված խախտումների վերացման վերաբերյալ	Հայտնաբերված խախտումները վերացնելու նպատակով սահմանված ժամկետները
Համաձայնեցված ճարտարապետաշինարարական նախագծերը համապատասխանում են ՃՀԱ-ում նշված դրույթներին և ՀՀ օրենսդրությամբ ճարտշին. նախագծերի կազմին և բովանդակությանը ներկայացվող պահանջներին
Համաձայնեցված ճարտարապետա-շինարարական նախագծերը մշակված են նմանատիպ նախագծերի մշակման լիցենզիա ունեցող կազմակերպության կողմից /բացառությունները ՀՀ օրենսդրությամբ սահմանված դեպքերին համապատասխան/
Համաձայնեցված ճարտարապետաշինարարա-կան նախագծերի վերաբերյալ առկա է ՀՀ օրենսդրությամբ սահմանված փորձաքննության /ների/ դրական եզրակա-ցությունը կամ II կատեգորիայի օբյեկտների համար` հեղինակի երաշխավորագիրը
Պահպանվում են շինարարության թույլտվության տրամադրման ժամկետները /10 օր, 15 օր/, ըստ նախատեսվող օբյեկտի ռիսկայնության աստիճանի
Շինարարության թույլտվությամբ ՀՀ օրենս-դրությամբ սահմանված ժամկետում /2տարի/ - ավարտվում են շինարարական աշխատանքները կամ կառուցապատողը սահմանված կարգով դիմում է աշխատանքների ավարտի համար նոր ժամկետ սահմանելու համար
Շինարարական աշխատանքների համար նոր /երկարաձգված/ ժամկետում աշխատանքները չավարտվելու դեպքում, իրավասու մարմինը դիմում է դատարան` օրենքով սահմանված կարգով տվյալ օբյեկտը վաճառելու մասին հայցով
Շինարարության թույլտվության հետ միասին կառուցապատողին է տրվում շինարարության վարման մատյանը` դրոշմակնքված իրավասու մարմնի կողմից
ՀՀ օրենսդրությամբ սահմանված 3-օրյա ժամկետում թույլտվության պատճենները ներկայացվում են ՀՀ ՔՆ քաղաքաշինական պետական տեսչություն և ՀՀ ԿԱ հարկային ծառայության համապատասխան տարածքային տեսչություն
3-օրյա ժամկետում շինարարության (քանդման) թույլտվություն տրամադրելու վերաբերյալ իրազեկվում է ՀՀ համապատասխան մարզպետը
շինարարության (քանդման) թույլտվություն տալու մերժման մասին պատասխանը հիմնավորված է ՀՀ օրենսդրությամբ նախատեսված դրույթներով և տրվում է սահմանված ժամկետում
Կրկնակի ներկայացված դիմումին թույլտվության կամ մերժման մասին հարցը քննարկվում է սահմանված ժամկետում /կախված ռիսկայնության աստիճանից` 3-օր կամ 7-օր/
ՀՀ օրենսդրությամբ սահմանված կարգի պահանջների խախտումներով իրականացվող շինարարության թույլտվությունը կասեցվում է` մինչև կասեցման պատճառների վերացումը

13. Գործառույթը` ՏԻՄ ՀՀ օրենք, 37-րդ հոդված, կետ 5. ՀՀ օրենսդրությամբ սահմանված կարգով ձևակերպում է ավարտված շինարարության շահագործման փաստագրումը։

14. Գործառույթի իրականացման օրենսդրական հիմքը` «Քաղաքաշինության մասին» ՀՀ օրենք, ՀՀ կառավարության 2003 թվականի մայիսի 8-ի N 626-Ն որոշում:

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջարկություններ հսկողության ընթացքում հայտնաբերված խախտումների վերացման վերաբերյալ	Հայտնաբերված խախտումները վերացնելու նպատակով սահմանված ժամկետները
1. ավարտված շինարարության շահագործման ընդունումը փաստագրվում է` շահագործման ակտի ձևակերպմամբ, կառուցապատողի կողմից ներկայացված դիմումի և դիմումին կից փաստաթղթերի հիման վրա 2. (դիմումին կցվող փաստաթղթերն են` 1) ընդունող հանձնաժողովի կողմից շահագործման ակտը կամ երկկողմանի շահագործման ակտը. 2) երկկողմանի շահագործման ակտի դեպքում` տարածքային բաժնի, շահագրգիռ պետական մարմինների և շահագործող կազմակերպությունների դրական եզրակացությունները. 3) կատարողական փաստաթղթերի ցանկը. 4) շահագործման ակտի ձևակերպման համար «Տեղական տուրքերի և վճարների մասին» ՀՀ օրենքով սահմանված կարգով վճարի մուծումը հավաստող անդորրագիրը:
պահպանվում են շահագործման ակտի ձևակերպման համար ՀՀ օրենսդրությամբ սահմանված ժամկետները` ըստ օբյեկտի ռիսկայնության աստիճանի (II և III կատեգորիայի համար 3-օր, IV և V կատեգորիայի համար` 5-օր)
ՀՀ պետական բյուջեի միջոցների հաշվին կամ դրանց ներգրավմամբ, IV կատեգորիայի դասակարգում ունեցող օբյեկտների շինարարության շահագործման փաստագրման դեպքում` կատարած աշխատանքները ճարտարապետաշինարարական նախագծային փաստաթղթերին համապատասխանելու վերաբերյալ ծրագիրն իրականացնողի եզրակացության և ընդունող հանձնաժողովի ակտի առկայություն
Ավարտված շինարարական աշխատանքներն ընդունող հանձնաժողովի կազմում համայնքի ղեկավարի (կամ նրա ներկայացուցչի) մասնակցություն
Կառուցապատողի ցանկությամբ շինարարական համալիրի կազմում ընդգրկված առանձին շենքերի և շինությունների շահագործման ընդունման ձևակերպում` ըստ դրանց շինարարության ավարտի
Ավարտված շինարարության շահագործումն էլեկտրոնային համակարգի միջոցով փաստագրելու դեպքում` ՀՀ օրենսդրությամբ սահմանված կարգով կառուցապատողի գրանցում իրավասու մարմնի «Էլեկտրոնային ընդունարանի» վեբ կայքում (ճարտարապետահատակագծային առաջադրանքի տրամադրման փուլում ստացված գրանցման համարով կամ, դրա բացակայության դեպքում` նոր գրանցման համարի տրամադրում)
Էլեկտրոնային համակարգի կիրառման դեպքում` կառուցապատողի կողմից իրավասու մարմնին էլեկտրոնային ձևաթղթով լրացված դիմումի (N 3 ձև) առկայություն
Էլեկտրոնային համակարգի կիրառման դեպքում` կառուցապատողի դիմումին կցվող անհրաժեշտ փաստաթղթերի տեսաներածված օրինակների առկայություն` 1) ընդունող հանձնաժողովի շահագործման ակտը կամ երկկողմանի ակտը. 2) երկկողմանի ակտի դեպքում` տարածքային բաժնի, շահագրգիռ պետական մարմինների և շահագործող կազմակերպությունների դրական եզրակացությունները. 3) կատարողական փաստաթղթերի ցանկը. 4) Շահագործման ակտի ձևակերպման համար «Տեղական տուրքերի և վճարների մասին» ՀՀ օրենքով սահմանված կարգով վճարի մուծումը հավաստող անդորրագիրը)։
Դիմումի մերժման դեպքում ՀՀ օրենսդրությամբ սահմանված ժամկետում (II և III կատեգորիայի համար` 3 օր, IV և V կատեգորիայի համար` 5-օր) գրավոր տեղեկացում դիմողին, նշելով մերժման պատճառները
1. Էլեկտրոնային համակարգի կիրառմամբ դիմումը մերժելու դեպքում` իրավասու մարմնի կողմից դիմողին տեղեկացում` այն էլեկտրոնային հասցեով և (կամ) հեռախոսահամարով, որը նշված է դիմումում, նշելով մերժման պատճառները
2. կրկնակի դիմելու և իրավասու մարմնի առաջադրած պահանջները դիմողի կողմից կատարվելու դեպքում շահագործման ակտի ձևակերպում` կառուցապատողի կրկնակի դիմումը տալու օրվանից 3-օրյա ժամկետում
3. Էլեկտրոնային համակարգի կիրառման դեպքում` կառուցապատողի կրկնակի դիմումի ներկայացում իրավասու մարմնի վեբ կայքում ստացված գրանցման համարով
4. Շահագործման ակտի կազմում 4 օրինակից. 1) մեկ օրինակը մնում է իրավասու մարմնի մոտ, 2) մեկ օրինակը տրամադրվում է կառուցապատողին, 3) մեկ օրինակը տրամադրվում է կապալառուին, 4) մեկ օրինակը ներկայացվում է ՀՀ ԿԱ անշարժ գույքի կադաստրի պետական կոմիտեի համապատասխան տարածքային մարմնին
Էլեկտրոնային համակարգի կիրառման դեպքում իրավասու մարմնի կողմից դիմողին տեղեկացում` կառուցապատողի կողմից ներկայացված փաստաթղթերի հավաստիությունն ուսումնասիրելու անհրաժեշտության մասին
Էլեկտրոնային համակարգի կիրառման դեպքում` իրավասու մարմնի կողմից կառուցապատողի կողմից ներկայացված փաստաթղթերի պատշաճ լինելու հանգամանքը հավաստելուց հետո շահագործման ակտի (N 1 ձև) ելքագրում և դրա կնիքով հաստատված թղթային տարբերակների տրամադրում կառուցապատողին և համապատասխան մարմիններին
Անհամապատասխանություն հայտնաբերվելու դեպքում դիմումի մերժում, իսկ իրավասու մարմնի կողմից տրված շահագործման ակտը չեղյալ է համարվում (կառուցապատողին` գրավոր տեղեկացմամբ)
շինարարության շահագործման ակտը ձևակերպելուց հետո 3-օրյա ժամկետում ծանուցվում է համապատասխան մարզպետը (կցվում է շահագործման ակտի պատճենը)
շինարարության շահագործման ակտը ձևակերպելուց հետո 3-օրյա ժամկետում ծանուցվում է տեսչության տարածքային բաժինը (կցվում է շահագործման ակտի պատճենը)

15. Գործառույթը` ՏԻՄ ՀՀ օրենք, 37-րդ հոդված, կետ 5.1. կանխարգելում ու կասեցնում է ինքնակամ շինարարությունը և օրենքով սահմանված կարգով ապահովում է դրանց հետևանքների վերացումը։

16. Գործառույթի իրականացման օրենսդրական հիմքը` «Տեղական ինքնակառավարման մասին» ՀՀ օրենք, «Քաղաքաշինության մասին» ՀՀ օրենք, ՀՀ քաղաքացիական օրենսգիրք և Վարչական իրավախախտումների վերաբերյալ ՀՀ օրենսգիրք։

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջարկություններ հսկողության ընթացքում հայտնաբերված խախտումների վերացման վերաբերյալ	Հայտնաբերված խախտումները վերացնելու նպատակով սահմանված ժամկետները
համայնքում ինքնակամ շինարարության դեպքերը կասեցված են
ապահովում է ինքնակամ շինարարության հետևանքների վերացումը

17. Գործառույթը` ՏԻՄ ՀՀ օրենք, 37-րդ հոդված, կետ 6. սահմանված կարգով վերահսկողություն է իրականացնում շենքերի ու շինությունների նպատակային օգտագործման և պահպանման, կառուցապատողներին տրված ճարտարապետահատակագծային առաջադրանքով, համայնքի քաղաքաշինական կանոնադրությամբ սահմանված պահանջների կատարման նկատմամբ։

18. Գործառույթի իրականացման օրենսդրական հիմքը` «Տեղական ինքնակառավարման մասին» ՀՀ օրենք, «Քաղաքաշինության մասին» ՀՀ օրենք, ՀՀ կառավարության 2002 թվականի փետրվարի 2-ի N 88 որոշում։

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջարկություններ հսկողության ընթացքում հայտնաբերված խախտումների վերացման վերաբերյալ	Հայտնաբերված խախտումները վերացնելու նպատակով սահմանված ժամկետները
Շենքերը և շինությունները օգտագործվում են իրենց գործառնական նշանակությանը համապատասխան
շենքերի, շինությունների կամ դրանց մի հատվածի գործառական նշանակությունը փոփոխվում է ՀՀ կառավարության սահմանած կարգով
Համայնքի ղեկավարը պատվիրատուին (շինության սեփականատեր)` նրա կողմից ներկայացված հայտի հիման վրա ՀՀ օրենսդրությամբ սահմանված կարգով տալիս է ճարտարապետահատակագծային առաջադրանք (բացառությամբ ՀՀ օրենսդրությամբ սահմանված դեպքերի, որոնց համար չի պահանջվում շինարարության և (կամ) քանդման թույլտվություն) Շինարարության կամ քանդման թույլտվություն չպահանջող դեպքերում` բազմաբնակարան շենքերում բնակարանների գործառնական նշանակության փոփոխումը հասարակական գործառնական նշանակության, որպես գրասենյակ օգտագործելու համար կատարվում է համայնքի ղեկավարի կողմից` բնակարանի սեփականատիրոջ դիմում-հայտի հիման վրա:
Շինարարության կամ քանդման թույլտվություն չպահանջող դեպքերում` բազմաբնակարան շենքերում հասարակական գործառնական նշանակությամբ` որպես գրասենյակ օգտագործվող տարածքի գործառնական նշանակության փոփոխումը բնակելի գործառնական նշանակության կատարվում է համայնքի ղեկավարի կողմից` տվյալ տարածքի սեփականատիրոջ դիմում-հայտի հիման վրա:
ՀՀ օրենսդրությամբ վերը նշված երկու դեպքերով բնակարանի (տարածքի) գործառնական նշանակության փոփոխության մասին դիմում-հայտը մերժվում է, եթե բնակարանի (տարածքի) գործառնական նշանակության փոփոխությունը հակասում է ՀՀ օրենսդրությամբ սահմանված կարգի կամ նորմատիվ իրավական այլ ակտերի պահանջներին:
ՀՀ կառավարության 2002 թվականի փետրվարի 2-ի N 88 որոշման N 2 հավելվածով հաստատված N 1 և N 2 ձևերին համապատասխան` ներկայացված դիմում-հայտի և կից փաստաթղթերի ներկայացման օրվանից համայնքի ղեկավարը 10 աշխատանքային օրվա ընթացքում ընդունում է որոշում գործառնական նշանակության փոփոխման մասին կամ մերժում է այն:
Համայնքի ղեկավարը գործառնական նշանակության փոփոխության մասին որոշումն ուժը կորցրած է ճանաչում, եթե բնակարանի (տարածքի) սեփականատերը չի կատարել ՀՀ կառավարության 2002 թվականի փետրվարի 2-ի N 88 որոշման N 2 հավելվածով հաստատված դիմում-հայտերի NN 1 և 2 ձևերին համապատասխան` ստանձնած պարտավորությունները կամ բազմաբնակարան շենքի տվյալ մուտքի (որտեղ տեղակայված է գործառնական նշանակությունը փոփոխած բնակարանը (տարածքը) բնակարանների սեփականատերերի կեսից ավելիի կողմից համայնքի ղեկավարին ներկայացվել է համապատասխան համատեղ դիմում:
Շենքերի և շինությունների գործառական նշանակությունը փոփոխելու հետ կապված աշխատանքներն իրականացվում են Հայաստանի Հանրապետության օրենսդրության և նորմատիվ-տեխնիկական փաստաթղթերի պահանջները բավարարող, սահմանված կարգով մշակված, համաձայնեցված ու հաստատված նախագծով:
Հաստատված նախագծային փաստաթղթերի հիման վրա համապատասխան համայնքի ղեկավարի կողմից պատվիրատուին սահմանված կարգով տրվում է շենքերի և շինությունների գործառական նշանակությունը փոփոխելու հետ կապված աշխատանքներն իրականացնելու թույլտվություն:
Ոչ բնակելի տարածքները` բնակարանների և բնակարանները ոչ բնակելի տարածքների փոփոխելու դեպքում համապատասխան պետական կառավարման կամ տեղական ինքնակառավարման մարմնի որոշման հիման վրա համապատասխանաբար ընդգրկվում են բնակարանային ֆոնդում կամ հանվում են նշված ֆոնդից:

19. Գործառույթը` ՏԻՄ ՀՀ օրենք, 37-րդ հոդված, կետ 13. կազմակերպում է գերեզմանատների գործունեությունը և դրանց պահպանման աշխատանքները։

20. Գործառույթի իրականացման օրենսդրական հիմքը` «Հուղարկավորությունների կազմակերպման և գերեզմանատների ու դիակիզարանների շահագործման մասին» ՀՀ օրենք և «Հուղարկավորությունների կազմակերպման և գերեզմանատների ու դիակիզարանների շահագործման մասին» ՀՀ օրենքով նախատեսված կարգերը, կանոնները և գերեզմանի վկայականի ձևը սահմանելու մասին ՀՀ կառավարության 2006 թվականի նոյեմբերի 26-ի N 1910-Ն և «Սանիտարահամաճարակային իրավիճակի վտանգ առաջանալու դեպքում մահացածների մարմինների դիակիզման, գերեզմանատների վնասազերծման և տեղափոխման ու վրահուղարկավորման կարգը հաստատելու մասին» ՀՀ կառավարության 2007 թվականի նոյեմբերի 8-ի N 1301 որոշումներ։

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջարկություններ հսկողության ընթացքում հայտնաբերված խախտումների վերացման վերաբերյալ	Հայտնաբերված խախտումները վերացնելու նպատակով սահմանված ժամկետները
Թաղումների և գերեզմանատեղերի գրանցման մատյանի վարումը և գերեզմանի վկայականի տրամադրումը (ՀՀ կառավարության 2006 թվականի նոյեմբերի 26-ի N 1910-Ն որոշում հավելված N 1, կետ 9)
Հուղարկավորությունների հետ կապված մատուցվող վճարովի և անվճար ծառայությունների ցանկի հաստատումը (ՀՀ կառավարության 2006 թվականի նոյեմբերի 26-ի N 1910-Ն որոշում հավելված N 1, կետ 12, 13)
ՀՀ-ում հուղարկավորելու մասին անվճար տեղեկանքի տրամադրումը (ՀՀ կառավարության 2006 թվականի նո-յեմբերի 26-ի N 1910-Ն որոշում հավելված N 1, կետ 22)
Նոր և գործող գերեզմանատների ընդլայնման համար հողատարածքների տրամադրումը` քաղաքաշինական, բնապահպանական և սանիտարական նորմերին (ՀՀ կա-ռավարության 2006 թվականի նոյեմբերի 26-ի N 1910-Ն որոշում հավելված N 41, կետ 9) հավելված N 4, կետ 6, 8)
Յուրաքանչյուր գործող գերեզմանատան համար գերեզմանատների հողերի օգտագործման հատակագծերի մշակումը և հաստատումը (ՀՀ կառավարության 2006 թվականի նոյեմբերի 26-ի N 1910-Ն որոշում հավելված N 4, կետ 10)
Գերեզմանատներում տրամադրվող գերեզմանների չափերի (ՀՀ կառավարության 2006 թվականի նոյեմբերի 26-ի N 1910-Ն որոշում հավելված N 4, կետ 11, 12)
Գերեզմանատների մուտքի մոտ գերեզմանատան հատակագծի և գերեզմանատնից օգտվելու կանոնների տեղադրումը և գերեզմանատների տարածքի մաքրության պահպանումն ու աղբահանության կազմակերպումը (ՀՀ կառավարության 2006 թվականի նոյեմբերի 26-ի N 1910-Ն որոշում հավելված N 4, կետ 15, 16)
Գերեզմանատների սանիտարական գոտու (ՀՀ կառավա-րության 2006 թվականի նոյեմբերի 26-ի N 1910-Ն որոշում հավելված N 4, կետ 10
Վճարովի հիմունքներով տրամադրվող գերեզմանների հողատարածքի արժեքների սահմանումը գոտու (ՀՀ կա-ռավարության 2006 թվականի նոյեմբերի 26-ի N 1910-Ն որոշում հավելված N 7, կետ 8
Վրահուղարկավորումների գործընթացի կազմակերպումը (ՀՀ կառավարության 2006 թվականի նոյեմբերի 26-ի N 1910-Ն որոշում հավելված N 2

21. Գործառույթը` ՏԻՄ ՀՀ օրենք, 37-րդ հոդված, կետ 15. կազմակերպում է այն բազմաբնակարան շենքերի պահպանումը, որոնք չեն կառավարվում համատիրությունների կամ օրենքով սահմանված` բազմաբնակարան շենքի կառավարման մարմնի կողմից:

22. Գործառույթի իրականացման օրենսդրական հիմքը` «Բազմաբնակարան շենքերի կառավարման մասին» ՀՀ օրենք և ՀՀ կառավարության 2007 թվականի հոկտեմբերի 4-ի N 1161-Ն որոշում:

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջարկություններ հսկողության ընթացքում հայտնաբերված խախտումների վերացման վերաբերյալ	Հայտնաբերված խախտումները վերացնելու նպատակով սահմանված ժամկետները
Բազմաբնակարան շենքերի պարտադիր նորմերի պահպանման ընդհանուր վերահսկողության իրականացում («Բազմաբնակարան շենքերի կառավարման մասին» ՀՀ օրենքի 10-րդ հոդված, կետ 7)
Բազմաբնակարան շենքի կառավարման գործընթացին աջակցություն («Բազմաբնակարան շենքերի կառավարման մասին» ՀՀ օրենքի 11-րդ հոդված, կետ 2)
Համայնքի բազմաբնակարան շենքերի ընդհանուր բաժնային կառավարման մարմինների գրանցամատյանի վարումը («Բազմաբնակարան շենքերի կառավարման մասին» ՀՀ օրենքի 17-րդ հոդված, կետ 9)
Բազմաբնակարան շենքերի պահպանումն իրականացնելու նպատակով, օրենքով սահմանված կարգով պարտադիր նորմերի շրջանակներում իրականացվող աշխատանքների համար անհրաժեշտ վճարների չափերի սահմանումը (ՏԻՄ օրենք, 38-րդ հոդված, կետ 16):