Գլխավոր տեղեկություն
Номер
N 447-Ն
Տիպ
Որոշում
Тип
Исходный акт (01.08.2025-по сей день)
Статус
Գործում է
Первоисточник
Միասնական կայք 2025.04.14-2025.04.27 Պաշտոնական հրապարակման օրը 18.04.2025
Принят
ՀՀ կառավարություն
Дата принятия
17.04.2025
Подписан
ՀՀ վարչապետ
Дата подписания
18.04.2025
Дата вступления в силу
01.08.2025

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

17 ապրիլի 2025 թվականի N 447-Ն

 

ԲԺՇԿԱԿԱՆ ՄԱՍՆԱԳԻՏԱԿԱՆ ԳՈՐԾՈՒՆԵՈՒԹՅՈՒՆԸ ԽՈՉԸՆԴՈՏՈՂ ՖԻԶԻԿԱԿԱՆ ԱՐԱՏՆԵՐԻ ԿԱՄ ՀԻՎԱՆԴՈՒԹՅՈՒՆՆԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

 

Հիմք ընդունելով «Բնակչության բժշկական օգնության և սպասարկման մասին» Հայաստանի Հանրապետության օրենքի 35.3-րդ հոդվածի 1-ին մասի 5-րդ կետը և 35.5-րդ հոդվածի 1-ին մասի 5-րդ կետը` Հայաստանի Հանրապետության կառավարությունը որոշում է.

1. Սահմանել բժշկական մասնագիտական գործունեությունը խոչընդոտող ֆիզիկական արատների կամ հիվանդությունների ցանկը՝ համաձայն հավելվածի։

2. Սույն որոշումն ուժի մեջ է մտնում 2025 թվականի օգոստոսի 1-ից և տարածվում է սույն որոշման ուժի մեջ մտնելուց հետո անցումային անհատական լիցենզիա ստացող կլինիկական օրդինատորների (կլինիկական ռեզիդենտների), ռազմաբժշկական հետբուհական ուսուցում իրականացնող հաստատությունում ուսումնառող անձանց և անհատական լիցենզիա ստացող բուժաշխատողների վրա։

 

Հայաստանի Հանրապետության
վարչապետ

 Ն. Փաշինյան

 

Երևան

 

18.04.2025

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

 

Հավելված

ՀՀ կառավարության 2025 թվականի

ապրիլի 17-ի N 447-Ն որոշման

 

Ց Ա Ն Կ

 

ԲԺՇԿԱԿԱՆ ՄԱՍՆԱԳԻՏԱԿԱՆ ԳՈՐԾՈՒՆԵՈՒԹՅՈՒՆԸ ԽՈՉԸՆԴՈՏՈՂ ՖԻԶԻԿԱԿԱՆ ԱՐԱՏՆԵՐԻ ԿԱՄ ՀԻՎԱՆԴՈՒԹՅՈՒՆՆԵՐԻ

 

1. Երկու աչքերի (բինօկուլյար) կուրություն (H54.0)՝ բացառությամբ բժշկական խորհրդատվության մատուցման դեպքերի.

2. Օրգանական՝ ներառյալ սիմպտոմատիկ, հոգեկան խանգարումներ (F00-F09)․

3. Հոգեկան և վարքի խանգարումներ` կապված հոգեներգործուն նյութերի օգտագործման հետ (F10-F19)՝ բացառությամբ հոգեկան և վարքային խանգարումների կոֆեինի գործածման արդյունքում (F15) և հոգեկան և վարքային խանգարումների ծխախոտի գործածման հետևանքով (F17).

4. Շիզոֆրենիա, շիզոտիպային և զառանցանքային խանգարումներ (F20-F29).

5. Տրամադրության (աֆեկտիվ) խանգարումներ (F30-F39)՝ բացառությամբ հիպոմանիայի (F30), երկբևեռ աֆեկտիվ խանգարման, ընթացիկ ռեմիսիայի (F31.7), թեթև աստիճանի դեպրեսիվ էպիզոդի՝ առանց սոմատիկ ախտանիշների (F32.0), հետադարձ դեպրեսիվ խանգարման, ռեմիսիայի ընթացիկ շրջանի (F33.4), ցիկլոթիմիայի (F34.0), դիսթիմիայի (F34.1).

6. Անձի և վարքի խանգարումներ հասուն տարիքում (F60-F69)՝ բացառությամբ կայուն, կոմպենսացված վիճակների.

7. Մտավոր հետամնացություն (F70-F79).

8. Հանտինգտոնի հիվանդություն (G10).

9. Ալցհեյմերի հիվանդություն (G30):

 

Հայաստանի Հանրապետության
վարչապետի աշխատակազմի
ղեկավար

 Ա. Հարությունյան


18.04.2025

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

 

Պաշտոնական հրապարակման օրը՝ 18 ապրիլի 2025 թվական: