ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2019 ԹՎԱԿԱՆԻ ՄԱՅԻՍԻ 24-Ի ԹԻՎ 26-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հայաստանի Հանրապետության վիճակագրության պետական խորհրդի 2019 թվականի մայիսի 24-ի ««Ընդհանուր օգտագործման օդային տրանսպորտի աշխատանքի մասին» Ձև 1-ավիա (ամսական) վիճակագրական ամփոփ հաշվետվության ձևն ու լրացման հրահանգը հաստատելու և Հայաստանի Հանրապետության վիճակագրության պետական խորհրդի 2016 թվականի սեպտեմբերի 22-ի թիվ 13-Ն որոշումն ուժը կորցրած ճանաչելու մասին» թիվ 26-Ն որոշման 1-ին և 2-րդ կետերով հաստատված հավելված 1-ը և հավելված 2-ը շարադրել նոր խմբագրությամբ՝ համաձայն հավելված 1-ի և հավելված 2-ի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Նախագահ`

Ս. Մնացականյան

Հավելված 1 Հայաստանի Հանրապետության վիճակագրության պետական խորհրդի 2025 թվականի ապրիլի 14-ի թիվ 11-Ն որոշման

«Հավելված 1 Հայաստանի Հանրապետության վիճակագրության պետական խորհրդի 2019 թվականի մայիսի 24-ի թիվ 26-Ն որոշման

Բաժին 1. Ընդհանուր օգտագործման օդային տրանսպորտի աշխատանքի մասին

Ցուցանիշ անվանում	Տողի համարը	Չափի միավորը	Ցուցանիշի մեծությունը
Ա	Բ	Գ	1
Առաքվել են բեռներ և փոստ - ընդամենը	110	տոննա
որից` հայաստանյան շարժակազմով	111	''-''
դրանից` Եվրասիական տնտեսական միության երկրներ (այսուհետ ԵԱՏՄ)	112	''-''
Ներկրվել են բեռներ և փոստ - ընդամենը	120	''-''
որից` հայաստանյան շարժակազմով	121	''-''
դրանից` ԵԱՏՄ երկրներից	122	''-''
Մեկնել են ուղևորներ - ընդամենը	130	հազար մարդ
որից` հայաստանյան շարժակազմով	131	''-''
դրանից` ԵԱՏՄ երկրներ	132	''-''
Ժամանել են ուղևորներ - ընդամենը	140	''-''
որից ` հայաստանյան շարժակազմով	141	''-''
դրանից` ԵԱՏՄ երկրներից	142	''-''
Ուղևորաշրջանառությունը	150	միլիոն ուղևոր-կմ
որից` ԵԱՏՄ երկրներ	151	''-''
Բեռնաշրջանառությունը	160	միլիոն տոննա-կմ
որից` ԵԱՏՄ երկրներ	161	''-''
Ավիափոխադրումների ընդհանուր ծավալը	170	''-''
Բեռնափոխադրումներից ստացված հասույթը (առանց ավելացված արժեքի հարկի ) - ընդամենը	180	հազար դրամ
Ուղևորափոխադրումներից ստացված հասույթը (առանց ավելացված արժեքի հարկի) - ընդամենը	190	''-''
Օժանդակ և լրացուցիչ օդային տրանսպորտի գործունեությունից ստացված հասույթը (առանց ավելացված արժեքի հարկի ) - ընդամենը	200	''-''

110, 120, 130, 140 տողերը լրացվում են բոլոր փոխադրումների համար` ներառյալ այլ երկրների կողմից կատարվող:

Ղեկավար	___________________________________		_______________________
	(Ազգանուն, անուն)		(Ստորագրություն)
Լրացնող (գլխավոր հաշվապահ կամ այլ լիազորված անձ)	__________________________________		_______________________
	(Ազգանուն, անուն)		Ստորագրություն
	« _ _ »______ ____20___թ.»:

Հ Ր Ա Հ Ա Ն Գ

«ԸՆԴՀԱՆՈՒՐ ՕԳՏԱԳՈՐԾՄԱՆ ՕԴԱՅԻՆ ՏՐԱՆՍՊՈՐՏԻ ԱՇԽԱՏԱՆՔԻ ՄԱՍԻՆ»

ՁԵՎ 1-ԱՎԻԱ (ԱՄՍԱԿԱՆ) ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգը կարգավորում է «Ընդհանուր օգտագործման օդային տրանսպորտի աշխատանքի մասին» Ձև 1-ավիա (ամսական) վիճակագրական ամփոփ հաշվետվության (այսուհետ` Հաշվետվություն) լրացման հետ կապված հարաբերությունները:

2. Հաշվետվությունը ներկայացնում են Քաղաքացիական ավիացիայի կոմիտեն, ինչպես նաև օժանդակ և լրացուցիչ օդային տրանսպորտային գործունեություն իրականացնող այն տնտեսավարող սուբյեկտները (այսուհետ՝ ռեսպոնդենտներ), որոնք ըստ Էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» իրականացնում են «52.23» և «52.29» ծածկագրերով նախատեսված գործունեության տեսակները՝ լրացնելով հաշվետվության «180» «190» և «200» ծածկագրերով տողերը:

3. Ռեսպոնդենտները Հաշվետվության ներկայացման մասին նախապես իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

4. Հաշվետվության դիմային էջի «Փաստացի գործունեության հիմնական տեսակի» ծածկագիրը ռեսպոնդենտները լրացնում են համաձայն «Տնտեսական գործունեության տեսակների դասակարգչի» 5-նիշ խմբավորման (տես՝» 5-նիշ հղումը):

5. Հաշվետվությունը ներկայացվում է Հայաստանի Հանրապետության վիճակագրական կոմիտե` Հաշվետվության ձևի վրա նշված ժամկետում և պարբերականությամբ:

6. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ԼՐԱՑՄԱՆ ԿԱՐԳԸ

7. Հաշվետվությունում լրացվում են կանոնավոր և ոչ կանոնավոր փոխադրումներին վերաբերող ցուցանիշները:

8. «110» և «120» ծածկագրերով տողերում լրացվում են հանրապետությունից առաքված և հանրապետություն ներկրված բեռների (ներառյալ այլ պետությունների ինքնաթիռներով փոխադրված բեռների և փոստի քանակը) քանակները՝ արտահայտված տոննաներով:

9. «111» և «121» ծածկագրերով տողերում լրացվում են միայն Հայաստանի Հանրապետության շարժակազմով առաքված և ներկրված բեռների և փոստի քանակները:

10. «130» և «140» ծածկագրերով տողերում լրացվում են հանրապետությունից մեկնած և hանրապետություն ժամանած ուղևորների թվաքանակները (ներառյալ այլ պետությունների օդանավերով մեկնած և ժամանած ուղևորների թվաքանակը):

11. «131» և «141» ծածկագրերով տողերում լրացվում են միայն Հայաստանի Հանրապետության շարժակազմով մեկնած և ժամանած ուղևորների թվաքանակները:

12. «150» ծածկագրով տողում լրացվում է հայաստանյան շարժակազմով յուրաքանչյուր չվերթով փոխադրված ուղևորների թվաքանակի և համապատասխան շահագործական հեռավորության արտադրյալների հանրագումարը:

13. «160» ծածկագրով տողում լրացվում է հայաստանյան շարժակազմով յուրաքանչյուր չվերթով փոխադրված բեռների քանակի և համապատասխան շահագործական հեռավորության արտադրյալների հանրագումարը:

14. «112» և «122» ծածկագրերով տողերում լրացվում են Եվրասիական տնտեսական միության երկրներ առաքված ու ներկրված բեռների և փոստի ծավալները, իսկ «132» և «142» ծածկագրերով տողերում՝ մեկնած ու ժամանած ուղևորների թվաքանակները:

15. «170» ծածկագրով տողում լրացվում է հայաստանյան շարժակազմով յուրաքանչյուր չվերթով փոխադրված բեռների, ուղեբեռների ծավալի, ուղևորների թվաքանակի (վերածած կգ-ի` 1 ուղևորը - 90 կգ բեռ) և համապատասխան շահագործական հեռավորության արտադրյալների հանրագումարը:

16. «180» ծածկագրով տողում լրացվում է բեռների փոխադրումից ստացված հասույթը, որը բեռնափոխադրումներից գոյացած գումարն է` դրամական արտահայտությամբ՝ առանց ավելացված արժեքի հարկի:

17. «190» ծածկագրով տողում լրացվում է ուղևորափոխադրումից ստացված հասույթը, որը վաճառված տոմսերից գոյացած գումարն է` դրամական արտահայտությամբ՝ առանց ավելացված արժեքի հարկի:

18. «200» ծածկագրով տողում լրացվում է ուղեբեռի գրանցման և ընդունման, ուղևորների՝ օդանավերին (օդանավերից) տեղ հասցնելու, տեղերի ամրագրման, հանձնված տոմսերի ընդունման և վճարների վերադարձման, ռադարային կայանների, տեղեկատու բյուրոների, սպասարանների, մոր և մանկան սենյակների տրամադրման, բեռների փոխադրմանը վերաբերող տրանսպորտային գործակալների միջնորդական ծառայությունների, ինչպես նաև տոմսերի վաճառքի միջնորդավճարների գումարները և այլն:»:

Պաշտոնական հրապարակման օրը՝ 17 ապրիլի 2025 թվական: