ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 փետրվարի 1994 թվականի N 81

Քաղ. Երևան

Բնակչությունից հացահատիկի գնումը խրախուսելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության պարենի և մթերումների նախարարությանը`

ա) իրականացնել հացահատիկի` պարենային ցորենի, հաճարի, գարու պետական գնումներ` մեկ տոննան համապատասխանաբար մինչև 12 հազ. դրամ, 9,0 հազ. դրամ և 7,5 հազ. դրամ, սերմացուներինը` 30 տոկոս, իսկ գարեջրի գարունը` 20 տոկոս հավելավճարով.

բ) վերահաշվարկել հացահատիկի և սերմացուի մթերումների դիմաց սույն որոշման ընդունման պահին բնակչությանը դեռևս չիրացված գումարները` հաշվի առնելով սույն կետի «ա» ենթակետով սահմանված մթերման գները:

2. Ուժը կորցրած ճանաչել Հայաստանի Հանրապետության կառավարության 1993 թվականի դեկտեմբերի 22-ի «Հացահատիկի մթերման լրացուցիչ միջոցառումների մասին» N 640 որոշումը:

3. Հայաստանի Հանրապետության էկոնոմիկայի նախարարությանը` Հայաստանի Հանրապետության գյուղատնտեսության նախարարության ու պարենի և մթերումների նախարարության հետ համաձայնեցնելով, հաստատել հացահատիկի մթերման գների սահմանման կարգը:

4. Սույն որոշումը կիրարկել 1996 թվականի փետրվարի 19-ից։

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ