«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
21 ՕԳՈՍՏՈՍԻ 1996 Թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 օգոստոսի 1996 թվականի N 260

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ԵՎ ՊԱՐԵՆԻ ՆԱԽԱՐԱՐՈՒԹՅԱՆ ՀԱՅԿԱԿԱՆ ԳՅՈՒՂԱՏՆՏԵՍԱԿԱՆ ԱԿԱԴԵՄԻԱՅԻ, ԵՐԵՎԱՆԻ ՀԻԴՐՈՄԵԼԻՈՐԱՏԻՎ, ՆՈՐ ԳԵՂԻԻ ԳՅՈՒՂԱՏՆՏԵՍԱԿԱՆ, ՍՏԵՓԱՆԱՎԱՆԻ ԳՅՈՒՂԱՏՆՏԵՍԱԿԱՆ ԵՎ ԳԱՎԱՌԻ ԳՅՈՒՂԱՏՆՏԵՍԱԿԱՆ ՔՈԼԵՋՆԵՐԻ ՄԱՍԻՆ

 Հայաստանի Հանրապետության կառավարությունը որոշում է.

1. Ընդունել Հայաստանի Հանրապետության գյուղատնտեսության և պարենի նախարարության առաջարկությունը` համաձայնեցված Հայաստանի Հանրապետության կրթության և գիտության նախարարության հետ, և թույլատրել նրան ստեղծել`

ա) Հայաստանի Հանրապետության գյուղատնտեսության և պարենի նախարարության Հայկական գյուղատնտեսական ակադեմիայի քոլեջ` 1996/97 ուսումնական տարում վճարովի հիմունքներով.

բ) Հայաստանի Հանրապետության գյուղատնտեսության և պարենի նախարարության Երևանի հիդրոմելիորատիվ քոլեջ.

գ) Հայաստանի Հանրապետության գյուղատնտեսության և պարենի նախարարության Նոր Գեղիի գյուղատնտեսական քոլեջ.

դ) Հայաստանի Հանրապետության գյուղատնտեսության և պարենի նախարարության Ստեփանավանի գյուղատնտեսական քոլեջ.

ե) Հայաստանի Հանրապետության գյուղատնտեսության և պարենի նախարարության Գավառի գյուղատնտեսական քոլեջ:

2. Սույն որոշումն ուժի մեջ է մտնում 1996 թվականի օգոստոսի 21-ից:

Հայաստանի Հանրապետության վարչապետ

Հ. ԲԱԳՐԱՏյան