47. Վ Ո Ր Ո Շ ՈՒ Մ

ՀՍԽՀ ԺՈՂՈՎՐԴԱԿԱՆ ԿՈՄԻՍԱՐՆԵՐԻ ԽՈՐՀՐԴԻ

Հնագիտական և գեղարվեստական նշանակություն ունեցող իրերի արտահանումն արգելելու մասին

1930 թ. մարտի 2-ին

Ժողովրդական Կոմիսարների Խորհուրդը ՎՈՐՈՇՈՒՄ Ե.

1. Արգելել հնագիտական և գեղարվեստական ունիկալ նշանակություն ունեցող իրերի արտահանումը ՀՍԽՀ սահմաններից:

2. Սահմանափակել այն հնագիտական և գեղարվեստական իրերի արտահանումը, վորոնք ունիկալ չլինելով, այնուամենայնիվ, ունեն խոշոր նշանակություն ՀՍԽՀ պատմական կուլտուրայի ուսումնասիրության համար:

3. Թույլ ե տրվում արտահանել այն հնագիտական և գեղարվեստական իրերը, վորոնք տարածված են բազմաթիվ որինակներով, ինչպես նաև նրանց պատճենները:

4. Մատնանշված իրերը զննելու և գնահատելու համար Լուսժողկոմատին կից կազմվում ե հատուկ հանձնաժողով, բաղկացած Հնությունների Պահպանության Կոմիտեյի պետական թանգարանների և շահագրգռված գիտական հիմնարկների ներկայացուցիչներից:

Առանց այդ հանձնաժողովի թույլտվության արգելվում ե այս վորոշման մեջ մատնանշված իրերի արտահանությունը Հանրապետության սահմաններից:

5. Այս վորոշումը խախտողները յենթարկվում են քրեական պատասխանատվության:

Յերեվան.

Հրապարակված ե «Խորհրդ. Հայաստ.» 1930 թ. մարտի 21-ին, N 66.