ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Հ Ր Ա Մ Ա Ն Ա Գ Ի Ր Ը
ՀԱՅՈՑ ՑԵՂԱՍՊԱՆՈՒԹՅԱՆ 90-ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄՆԵՐԻ ԿԱԶՄԱԿԵՐՊՄԱՆ ՊԵՏԱԿԱՆ ՀԱՆՁՆԱԺՈՂՈՎԻ ՄԱՍԻՆ
Հայոց ցեղասպանության 90-ամյակին նվիրված միջոցառումների նախապատրաստման և անցկացման նպատակով որոշում եմ.
1. Ստեղծել Հայոց ցեղասպանության 90-ամյակին նվիրված միջոցառումների կազմակերպման պետական հանձնաժողով և հաստատել հանձնաժողովի կազմը՝ համաձայն հավելվածի:
2. Հանձնարարել հանձնաժողովին մինչև 2003 թվականի սեպտեմբերի 15-ը մշակել և ներկայացնել Հայոց ցեղասպանության 90-ամյակին նվիրված միջոցառումների ծրագիր:
3. Հայաստանի Հանրապետության կառավարությանը՝ սահմանված կարգով քննարկել հանձնաժողովի կողմից մշակված՝ Հայոց ցեղասպանության 90-ամյակին նվիրված միջոցառումների ծրագիրը և ապահովել դրա ֆինանսավորումն ու իրականացումը:
4. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության |
Ռ. Քոչարյան |
|
2003 թ. ապրիլի 22 Երևան ՆՀ-13-Ն |
|
Հավելված ՀՀ Նախագահի 2003 թ. ապրիլի 22-ի ՆՀ-13-Ն հրամանագրի |
ՀԱՅՈՑ ՑԵՂԱՍՊԱՆՈՒԹՅԱՆ 90-ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄՆԵՐԻ ԿԱԶՄԱԿԵՐՊՄԱՆ ՊԵՏԱԿԱՆ ՀԱՆՁՆԱԺՈՂՈՎԻ ԿԱԶՄԸ
Հայաստանի Հանրապետության վարչապետ (հանձնաժողովի նախագահ)
Հայաստանի Հանրապետության Ազգային ժողովի նախագահի տեղակալ (համաձայնությամբ)
Հայաստանի Հանրապետության արտաքին գործերի նախարար
Հայաստանի Հանրապետության տարածքային կառավարման և ենթակառուցվածքների գործունեությունը համակարգող նախարար
Հայաստանի Հանրապետության կրթության և գիտության նախարար
Հայաստանի Հանրապետության մշակույթի, երիտասարդության հարցերի և սպորտի նախարար
Երևանի քաղաքապետ
Հայաստանի Հանրապետության գիտությունների ազգային ակադեմիայի պրեզիդենտ (համաձայնությամբ)
Հայաստանի Հանրապետության Նախագահի աշխատակազմի ղեկավարի տեղակալ
Հայաստանի Հանրապետության ֆինանսների և էկոնոմիկայի նախարարի առաջին տեղակալ
Հայաստանի Հանրապետության ոստիկանության պետի տեղակալ
Երևանի պետական համալսարանի ռեկտոր (համաձայնությամբ)
Հայաստանի Հանրապետության գիտությունների ազգային ակադեմիայի Հայոց ցեղասպանության թանգարան-ինստիտուտի տնօրեն (համաձայնությամբ)
Հայաստանի Հանրապետության գիտությունների ազգային ակադեմիայի արևելագիտության ինստիտուտի տնօրեն (համաձայնությամբ)
Հայաստանի Հանրապետության գիտությունների ազգային ակադեմիայի պատմության ինստիտուտի տնօրեն (համաձայնությամբ)
Հայ Առաքելական եկեղեցու Ամենայն Հայոց կաթողիկոսության ներկայացուցիչ (համաձայնությամբ)
Հայ Առաքելական եկեղեցու Մեծի Տանն Կիլիկիո կաթողիկոսության ներկայացուցիչ (համաձայնությամբ):
(հավելվածը փոփ. 03.02.05 ՆՀ-18-Ն)
|
ՀՀ Նախագահի աշխատակազմի ղեկավար |
Ա. Թումանյան |
