«Գրանցված է»
ՀՀ արդարադատության
նախարարության կողմից
10 հունվարի 2005 թ.
Պետական գրանցման թիվ 11105005

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՄՇԱԿՈՒՅԹԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐ

ՏԵՂԵԿԱՏՎԱԿԱՆ-ՎԵՐԼՈՒԾԱԿԱՆ ԿԵՆՏՐՈՆԻՆ, ՈՉ ՊԵՏԱԿԱՆ ՄԱՄՈՒԼԻՆ, «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» ԵՎ «ՌԵՍՊՈՒԲԼԻԿԱ ԱՐՄԵՆԻԱ» ԹԵՐԹԵՐԻՆ, ՊԱՏՄԱՄՇԱԿՈՒԹԱՅԻՆ ԺԱՌԱՆԳՈՒԹՅԱՆ ԳԻՏԱՀԵՏԱԶՈՏԱԿԱՆ ԿԵՆՏՐՈՆԻՆ ՊԵՏԱԿԱՆ ԲՅՈՒՋԵԻ ՄԻՋՈՑՆԵՐԻ ՀԱՇՎԻՆ ՀԱՏԿԱՑՎՈՂ ՍՈՒԲՍԻԴԻԱՅԻ ՀԱՇՎԱՐԿՄԱՆ ԿԱՐԳԵՐԸ ՀԱՍՏԱՏԵԼՈՒ ՄԱՍԻՆ

Ի կատարումն ՀՀ կառավարության 2003 թ. դեկտեմբերի 24-ի «Հայաստանի Հանրապետության պետական բյուջեից իրավաբանական անձանց սուբսիդիաների և դրամաշնորհների հատկացման կարգը հաստատելու մասին» N 1937-Ն որոշման 6-րդ կետի պահանջի՝

ՀՐԱՄԱՅՈՒՄ ԵՄ՝

1. Հաստատել՝

ա/ Տեղեկատվական-վերլուծական կենտրոնին պետական բյուջեի միջոցների հաշվին հատկացվող սուբսիդիայի հաշվարկման կարգը՝ համաձայն հավելված N 1-ի.

բ/ Ոչ պետական մամուլին, «Հայաստանի Հանրապետություն» և «Ռեսպուբլիկա Արմենիա» թերթերին պետական բյուջեի միջոցների հաշվին հատկացվող սուբսիդիայի հաշվարկման կարգը՝ համաձայն հավելված N 2-ի.

գ/ Պատմամշակութային ժառանգության գիտահետազոտական կենտրոնին պետական բյուջեի միջոցների հաշվին հատկացվող սուբսիդիայի հաշվարկման կարգը՝ համաձայն հավելված N 3-ի:

 2. ՀՀ մշակույթի և երիտասարդության հարցերի նախարարության աշխատակազմի ֆինանսատնտեսագիտական և հաշվապահական հաշվառման վարչությանը և քարտուղարությանը՝ սույն հրամանն ուղարկել ՀՀ արդարադատության նախարարություն՝ սահմանված կարգով գրանցելու որպես գերատեսչական նորմատիվային ակտ:

 3. Սույն հրամանի կատարման հսկողությունը վերապահել ՀՀ մշակույթի և երիտասարդության հարցերի նախարարին:

Կ Ա Ր Գ

ՏԵՂԵԿԱՏՎԱԿԱՆ-ՎԵՐԼՈՒԾԱԿԱՆ ԿԵՆՏՐՈՆԻՆ ՊԵՏԱԿԱՆ ԲՅՈՒՋԵԻ ՄԻՋՈՑՆԵՐԻ ՀԱՇՎԻՆ ՀԱՏԿԱՑՎՈՂ ՍՈՒԲՍԻԴԻԱՅԻ ՀԱՇՎԱՐԿՄԱՆ

Տեղեկատվական-վերլուծական կենտրոնի /այսուհետ՝ կենտրոն/ ֆինանսական միջոցները գոյանում են ի հաշիվ՝

ա/ մշակութային գործունեության համար պետական բյուջեի միջոցների հաշվին հատկացվող սուբսիդիայի

բ/ մշակութային գործունեության վճարովի ձևերից առաջացած եկամուտների.

գ/ նվիրատվությունների:

1. Կենտրոնի մշակութային գործունեության համար պետական բյուջեի միջոցների հաշվին հատկացվող սուբսիդիան պետք է ապահովի՝

ա/ կենտրոնի կանոնադրական գործունեության անհրաժեշտ պայմանների ստեղծումը.

բ/ զանգվածային և էլեկտրոնային տեղեկատվության միջոցներով հայ մշակույթի ու արվեստի ներկայացումը:

2. Կենտրոնին հատկացվող սուբսիդիայի հաշվարկման հիմքում դրված են՝

ա/ աշխատողների աշխատանքի վարձատրության վճարները.

բ/ պարտադիր սոց. ապահովագրության վճարները /հաստատագրված վճար/.

գ/ գրասենյակային ապրանքների և նյութերի ձեռքբերման ծախսերը.

դ/ էլեկտրաէներգիայի, վառելիքի և ջեռուցման ծախսերը.

ե/ գույքի և սարքավորումների ձեռքբերման ծախսերը.

զ/ գործուղման և ծառայողական ուղևորությունների ծախսերը.

է/ տրանսպորտային ծառայությունների վճարները /սեփական տրանսպորտի պահպանում/.

ը/ կապի ծառայությունների վճարները /աբոնենտային վարձ/.

թ/ շենքերի, շինությունների վարձակալության ծախսերը.

ժ/ ջրմուղ-կոյուղուց օգտվելու վարձի վճարման ծախսերը.

ժա/ այլ կոմունալ ծախսերը /աղբ, դեռատիզացիա/.

ժբ/ կենտրոնի հիմնական գործունեության հետ կապված այլ ծառայությունների ձեռքբերման ծախսերը:

Աշխատավարձի նորմատիվային ծախսերը հաշվարկվում են՝ ելնելով վերջին երեք տարիների միջին ցուցակային թվաքանակից և ձևավորված միջին դրույքաչափերից:

Աշխատավարձի նորմատիվային ծախսերում հաշվի են առնվում դրույքաչափերի փոփոխությունների գործակիցը, ինչպես նաև՝ ՀՀ օրենսդրությանը համապատասխան՝ հատուկ պայմաններում աշխատելու համար սահմանված հավելումները:

Շենքի պահպանման, կոմունալ ծառայությունների, էլեկտրաէներգիայի, ջեռուցման, վարձակալության, տրանսպորտի պահպանման, գրասենյակային, գործուղման և այլ ծախսերը որոշվում են նախորդ տարվա փաստացի ցուցանիշների, գործող սակագների և պայմանագրային հիմունքներով իրականացվող ծառայությունների գների համաձայն: Կենտրոնի պահպանման ծախսերի նորմատիվը խմբագրվում է սպառողական գների աճի տոկոսին համապատասխան:

3. Կենտրոնին հատկացվող սուբսիդիայի նորմատիվային չափը կարող է վերանայվել կենտրոնի գործունեության պայմանների էական փոփոխությունների՝ այլ շենք փոխադրվելու, տարածքների ընդլայնման, վերակառուցման, տեխնիկական վերազինման և այլ դեպքերում:

4. Կենտրոնի հիմնադիրը /լիազորված պետական մարմինը/, ելնելով սոցիալ-տնտեսական պայմաններից, կանոնադրական գործունեության լիարժեք իրականացման նպատակով՝ սուբսիդիայի նորմատիվային չափը հաշվարկելիս կարող է ավելացնել անձնակազմի թվաքանակը, անհրաժեշտ ծախսերի նվազագույնը:

5. Կենտրոնին, պետական բյուջեի միջոցների հաշվին հատկացվող սուբսիդիայի նորմատիվի հաշվարկում՝ որպես մատուցվող ծառայության միավոր, սահմանվում է տեղեկատվության տրամադրման տարեկան քանակը: Տրամադրվող սուբսիդիայի առավելագույն չափը հաշվարկվում է հետևյալ բանաձևով.

Ս = (Տ_նշգ●Տք) - Ծ գ, որտեղ՝

Ս-ն սուբսիդիայի առավելագույն չափն է,

Տ_նշգ-ն մեկ միավոր տեղեկատվության /մեգաբայթ/ նվազագույն շահավետ գինն է,

Տ_ք-ն տեղեկատվության քանակն է,

Ծ_գ-ն կենտրոնի վճարովի ծառայությունների գինն է և հավասար է 0-ի:

Մեկ միավոր տեղեկատվության նվազագույն շահավետ գինը որոշվում է հետևյալ բանաձևով.

որտեղ

∑Ծ - ն 2-րդ կետում բերված ծախսերի հանրագումարն է:

6. Արտաբյուջետային աղբյուրներից միջոցների ստացումը չի կարող հիմք ծառայել կենտրոնի բյուջետային հատկացումների /սուբսիդիայի/ չափն իջեցնելու համար: Կենտրոնի եկամուտներն ուղղվում են կապիտալ և ընթացիկ վերանորոգումների, տեխնիկական միջոցներով զինելու, հրատարակչական աշխատանքներ իրականացնելու, աշխատավարձի, լրավճարների, խրախուսման բնույթի այլ վճարումների և ընթացիկ այլ ծախսերի իրականացմանը:

 
Կ Ա Ր Գ

Ոչ պետական մամուլին, «Հայաստանի Հանրապետություն» և «Ռեսպուբլիկա Արմենիա» թերթերին պետական բյուջեի միջոցների հաշվին հատկացվող սուբսիդիայի հաշվարկման

1. Ոչ պետական մամուլին պետական բյուջեի միջոցների հաշվին հատկացվող սուբսիդիայի հաշվարկման հիմքում դրված են.

ա/ գրասենյակային ապրանքների և նյութերի ձեռքբերման ծախսերը,

բ/ էլեկտրաէներգիայի, վառելիքի և կոմունալ ծախսերը,

գ/ գույքի և սարքավորումների ձեռքբերման ծախսերը,

դ/ կապի ծառայությունների վճարները,

ե/ վարձակալության ծախսերը:

1.1. Ոչ պետական մամուլին հատկացվող սուբսիդիայի նորմատիվային չափը կարող է վերանայվել, եթե փոփոխվում են գործունեության պայմանները:

1.2. Պետական բյուջեի միջոցների հաշվին ոչ պետական մամուլին հատկացվող սուբսիդիայի նորմատիվի հաշվարկում մատուցվող ծառայությունը բնակչությանը տեղեկատվությամբ ապահովումն է:

Տրամադրվող սուբսիդիայի առավելագույն չափը հաշվարկվում է հետևյալ բանաձևով.

Ս = /Թ նշգ X Թ տհք/ - Ե թ., որտեղ`

Ս-ն սուբսիդիայի առավելագույն չափն է,

Թ նշգ-ն լույս տեսնող մեկ միավոր թերթի նվազագույն շահավետ գինն է,

Թ տհք-ն թերթի տարեկան համարների քանակն է,

Ե թ-ն իրացումից ստացած եկամուտն է և հավասար է 0-ի:

Մեկ միավոր թերթի նվազագույն շահավետ գինը որոշվում է հետևյալ բանաձևով`

որտեղ ∑Ծ-ն՝ 1-ին կետում բերված ծախսերի հանրագումարն է:

2. «Հայաստանի Հանրապետություն» և «Ռեսպուբլիկա Արմենիա» թերթերի ֆինանսական միջոցները գոյանում են ի հաշիվ.

ա/ պետական բյուջեի միջոցների,

բ/ թերթի իրացումից ստացվող միջոցների,

գ/ գովազդի:

2.1. «Հայաստանի Հանրապետություն» և «Ռեսպուբլիկա Արմենիա» թերթերին պետական բյուջեի միջոցների հաշվին հատկացվող սուբսիդիան պետք է ապահովի թերթերի կանոնադրական գործունեության իրականցումը:

2.2. «Հայաստանի Հանրապետություն» և «Ռեսպուբլիկա Արմենիա» թերթերի սուբսիդիայի հաշվարկման հիմքում դրված ծախսերն են.

ա/ աշխատողների աշխատանքի վարձատրության վճարները,

բ/ պարտադիր սոց. ապահովագրության վճարները /հաստատագրված վճար/,

գ/ գրասենյակային ապրանքների և նյութերի ձեռքբերման ծախսերը,

դ/ էլեկտրաէներգիայի, վառելիքի և կոմունալ ծախսերը,

ե/ գույքի և սարքավորումների ձեռքբերման ծախսերը,

զ/ կապի ծառայությունների վճարները,

է/ վարձակալության ծախսերը,

ը/ գործուղման ծախսերը,

թ/ հիմնական գործունեության հետ կապված այլ ծառայությունների ձեռքբերման ծախսերը:

Աշխատավարձի նորմատիվային ծախսերը հաշվարկվում են՝ ելնելով վերջին երեք տարիների միջին ցուցակային թվաքանակից և ձևավորված միջին դրույքաչափերից: Էլեկտրաէներգիայի, վառելիքի, կոմունալ, վարձակալության, գործուղման և այլ ծախսերը որոշվում են նախորդ տարվա փաստացի ցուցանիշների, գործող սակագների և պայմանագրային հիմունքներով իրականացվող ծառայությունների գների համաձայն:

2.3. Պետական բյուջեի միջոցների հաշվին «Հայաստանի Հանրապետություն» և «Ռեսպուբլիկա Արմենիա» թերթերին հատկացվող սուբսիդիայի նորմատիվի հաշվարկում մատուցվող ծառայությունը բնակչությանը տեղեկատվությամբ ապահովումն է:

Տրամադրվող սուբսիդիայի առավելագույն չափը հաշվարկվում է հետևյալ բանաձևով.

Ս = /Թ_նշգ X Թ_տհք/ - Ե , որտեղ`

Ս-ն սուբսիդիայի առավելագույն չափն է,

Թ_նշգ-ն լույս տեսնող մեկ միավոր թերթի նվազագույն շահավետ գինն է,

Թ_տհք-ն թերթի տարեկան համարների քանակն է,

Ե -ն թերթերի իրացումից և գովազդից ստացած եկամուտներն են:

Մեկ միավոր թերթի նվազագույն շահավետ գինը որոշվում է հետևյալ բանաձևով.

որտեղ  ∑Ծ-ն 2.2 կետում բերված ծախսերի հանրագումարն է:

Կ Ա Ր Գ

ՊԱՏՄԱՄՇԱԿՈՒԹԱՅԻՆ ԺԱՌԱՆԳՈՒԹՅԱՆ ԳԻՏԱՀԵՏԱԶՈՏԱԿԱՆ ԿԵՆՏՐՈՆԻՆ ՊԵՏԱԿԱՆ ԲՅՈՒՋԵԻ ՄԻՋՈՑՆԵՐԻ ՀԱՇՎԻՆ ՀԱՏԿԱՑՎՈՂ ՍՈՒԲՍԻԴԻԱՅԻ ՀԱՇՎԱՐԿՄԱՆ

Պատմամշակութային ժառանգության գիտահետազոտական կենտրոնի հիմնական գործունեությունը հանդիսանում է Հայաստանի Հանրապետության պատմամշակութային ժառանգության ուսումնասիրումը և հանրահռչակումը, Հայաստանի Հանրապետության պատմամշակութային անշարժ հուշարձանների և հատուկ պահպանվող պատմամշակութային տարածքների պետական հաշվառումը՝ պետական ցուցակների, վկայագրերի, պահպանական գոտիների, վերականգնման և բարեկարգման նախագծերի ու վավերագրերի կազմումը, «Հուշարձան» տարեգրքի կազմումն ու հրատարակումը, հայկական պատմամշակութային ժառանգության գիտատեղեկատու շտեմարանի կազմումը և թվայնացումը, օրենքով սահմանված կարգով պատմամշակութային վտանգված և վերականգնվող անշարժ հուշարձանների պեղումների կատարումը:

Կենտրոնի ֆինանսական միջոցները գոյանում են ի հաշիվ.

ա) մշակութային գործունեության համար պետական բյուջեի միջոցներից հատկացվող սուբսիդիայի,

բ) մշակութային գործունեության վճարովի ձևերից առաջացած եկամուտների,

գ) կամավոր նվիրատվությունների, դրամական նպաստների և այլն:

1. Կենտրոնի մշակութային գործունեության համար պետական բյուջեի միջոցների հաշվին հատկացվող սուբսիդիան պետք է ապահովի կենտրոնի կանոնադրական գործունեության անհրաժեշտ պայմանների ստեղծումը:

2. Կենտրոնին հատկացվող սուբսիդիայի հաշվարկման հիմքում դրված ծախսերն են՝

ա) աշխատողների աշխատանքի վարձատրության վճարները.

բ) պարտադիր սոց. ապահովագրության վճարները /հաստատագրված վճար/.

գ) գրասենյակային ապրանքների և նյութերի ձեռքբերման ծախսերը.

դ) էլեկտրաէներգիայի, վառելիքի և ջեռուցման ծախսերը.

ե) գույքի և սարքավորումների ձեռքբերման ծախսերը.

զ) գործուղման և ծառայողական ուղևորությունների ծախսերը.

է) տրանսպորտային ծառայությունների վճարները /սեփական տրանսպորտի պահպանում/.

ը) կապի ծառայությունների վճարները /աբոնենտային վարձ/.

թ) շենքերի, շինությունների վարձակալության ծախսերը.

ժ) արտագերատեսչական պահպանության ծախսերը.

ժա) ջրմուղ-կոյուղուց օգտվելու վարձի վճարման ծախսերը.

ժբ) այլ կոմունալ ծախսերը /աղբ, դեռատիզացիա/.

ժգ) կենտրոնի հիմնական գործունեության հետ կապված այլ ծառայությունների ձեռքբերման ծախսերը:

Աշխատավարձի նորմատիվային ծախսերը հաշվարկվում են՝ ելնելով վերջին երեք տարիների միջին ցուցակային թվաքանակից և ձևավորված միջին դրույքաչափերից: Աշխատավարձի նորմատիվային ծախսերում հաշվի են առնվում դրույքաչափերի փոփոխությունների գործակիցը, ինչպես նաև՝ ՀՀ օրենսդրությանը համապատասխանող՝ հատուկ պայմաններում աշխատելու համար սահմանված հավելումները:

Շենքի պահպանման, կոմունալ ծառայությունների, էլեկտրաէներգիայի, ջեռուցման, պահակային ծառայության, վարձակալության, տրանսպորտի պահպանման, գրասենյակային, գործուղման և այլ ծախսերը որոշվում են նախորդ տարվա փաստացի ցուցանիշների, գործող սակագների և պայմանագրային հիմունքներով իրականացվող ծառայությունների գների համաձայն: Կենտրոնի պահպանման ծախսերի նորմատիվը խմբագրվում է սպառողական գների աճի տոկոսին համապատասխան:

 3. Կենտրոնին հատկացվող սուբսիդիայի նորմատիվային չափը կարող է վերանայվել կազմակերպության գործունեության պայմանների էական փոփոխությունների՝ այլ շենք փոխադրվելու, տարածքների ընդլայնման, վերակառուցման, տեխնիկական վերազինման և այլ դեպքերում:

 4. Կենտրոնի հիմնադիրը /լիազորված պետական մարմինը/՝ ելնելով սոցիալ-տնտեսական պայմաններից, կանոնադրական գործունեության լիարժեք իրականացման նպատակով՝ սուբսիդիայի նորմատիվային չափը հաշվարկելիս կարող է ավելացնել անձնակազմի թվաքանակը, անհրաժեշտ ծախսերի նվազագույնը:

5. Կենտրոնի պետական բյուջեի միջոցների հաշվին հատկացվող սուբսիդիայի նորմատիվի հաշվարկում, որպես մատուցվող ծառայության միավոր, սահմանվում են հետևյալ աշխատանքները.

5.1. հուշարձանների պահպանական գոտիների նախագծում և թողարկում.

5.2. հուշարձանների հաշվառում և ցուցակագրում.

5.3. հուշարձանների վկայագրում.

5.4. հուշարձանների կադաստրի կազմում.

5.5. հայկական պատմամշակութային ժառանգության գիտատեղեկատու շտեմարանի կազմում.

5.6. «Հուշարձան» տարեգրքի հրատարակում.

5.7. վտանգված և վերականգնվող անշարժ հուշարձանների պեղումների կատարում:

Տրամադրվող սուբսիդիայի առավելագույն չափը հաշվարկվում է հետևյալ բանաձևով.

Ս = (∑Ծ_նշգ ● Ծ_ք)- Ծ_գ, որտեղ՝

Ս - ն սուբսիդիայի առավելագույն չափն է,

∑Ծ_նշգ -ն մեկ միավոր ծառայությունների՝ 5.1-5.7 կետերում թվարկված ծառայությունների /աշխատանքների/ ձեռքբերման նվազագույն շահավետ գնի հանրագումարն է,

Ծ_ք- ն 5.1-5.7 կետերում թվարկված ծառայությունների /աշխատանքների/ տարեկան քանակն է,

Ծ_գ-ն կենտրոնի վճարովի ծառայությունների գինն է և հավասար է 0-ի:

Մեկ միավոր ծառայության /աշխատանքի/ նվազագույն շահավետ գնի հանրագումարը
որոշվում է հետևյալ բանաձևով.

, որտեղ՝

∑ծ - ն 2-րդ կետում բերված ծախսերի հանրագումարն է:

6. Արտաբյուջետային աղբյուրներից միջոցների ստացումը չի կարող հիմք ծառայել կենտրոնի բյուջետային հատկացումների /սուբսիդիայի/ չափն իջեցնելու համար: Կենտրոնի եկամուտներն ուղղվում են կապիտալ և ընթացիկ նորոգումների, մշակութային արժեքների վերականգնման, տեխնիկական միջոցներով զինելու, հրատարակչական աշխատանքներ իրականացնելու, աշխատավարձի, լրավճարների, խրախուսման բնույթի այլ վճարումների և ընթացիկ այլ ծախսերի իրականացմանը: