ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ««ՊԵՏԱԿԱՆ ԳԱՂՏՆԻՔԻ (ՊԵՏԱԿԱՆ ԳԱՂՏՆԻՔՆԵՐԻ) ՇԱՐՔԻՆ ԴԱՍՎՈՂ ՏԵՂԵԿՈՒԹՅՈՒՆՆԵՐ ՊԱՐՈՒՆԱԿՈՂ ՏԵՂԵԿԱՏՎՈՒԹՅԱՆ ՊԱՇՏՊԱՆՈՒԹՅՈՒՆԸ ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈՂՄԻՑ ԱՊԱՀՈՎԵԼՈՒ ՄԱՍԻՆ» ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՐԴԻ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ» ՈՐՈՇՄԱՆ ՆԱԽԱԳԾԻ ՄԱՍԻՆ

1. Հավանություն տալ Եվրասիական տնտեսական հանձնաժողովի խորհրդի ««Պետական գաղտնիքի (պետական գաղտնիքների) շարքին դասվող տեղեկություններ պարունակող տեղեկատվության պաշտպանությունը Եվրասիական տնտեսական հանձնաժողովի կողմից ապահովելու մասին» Եվրասիական տնտեսական բարձրագույն խորհրդի որոշման նախագծի վերաբերյալ» որոշման նախագծին (կցվում է) և այն ներկայացնել Եվրասիական տնտեսական հանձնաժողովի խորհրդի քննարկմանը:

2. Սույն կարգադրությունն ուժի մեջ է մտնում դրա ընդունման օրվանից։

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
 
ԽՈՐՀՈՒՐԴ
 
Ո Ր Ո Շ ՈՒ Մ

Եվրասիական տնտեսական հանձնաժողովի խորհուրդը որոշեց.

1. Հավանություն տալ Եվրասիական տնտեսական բարձրագույն խորհրդի «Պետական գաղտնիքի (պետական գաղտնիքների) շարքին դասվող տեղեկություններ պարունակող տեղեկատվության պաշտպանությունը Եվրասիական տնտեսական հանձնաժողովի կողմից ապահովելու մասին» որոշման նախագծին:

2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո:

Եվրասիական տնտեսական հանձնաժողովի խորհրդի անդամներ՝

ՊԵՏԱԿԱՆ ԳԱՂՏՆԻՔԻ (ՊԵՏԱԿԱՆ ԳԱՂՏՆԻՔՆԵՐԻ) ՇԱՐՔԻՆ ԴԱՍՎՈՂ ՏԵՂԵԿՈՒԹՅՈՒՆՆԵՐ ՊԱՐՈՒՆԱԿՈՂ ՏԵՂԵԿԱՏՎՈՒԹՅԱՆ ՊԱՇՏՊԱՆՈՒԹՅՈՒՆԸ ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈՂՄԻՑ ԱՊԱՀՈՎԵԼՈՒ ՄԱՍԻՆ

«Եվրասիական տնտեսական միության անդամ պետությունների և Եվրասիական տնտեսական հանձնաժողովի միջև պետական գաղտնիքի (պետական գաղտնիքների) շարքին դասվող տեղեկություններ պարունակող տեղեկատվության փոխանակման կարգի մասին» 2017 թվականի _____________ համաձայնագիրը (այսուհետ՝ Համաձայնագիր) ստորագրելու կապակցությամբ Եվրասիական տնտեսական բարձրագույն խորհուրդը որոշեց.

1. Համաձայնագիրն ուժի մեջ մտնելու օրվանից՝

Եվրասիական տնտեսական հանձնաժողովին՝ Համաձայնագրի դրույթներին համապատասխան ապահովել Եվրասիական տնտեսական միության անդամ պետությունների կողմից Եվրասիական տնտեսական հանձնաժողով փոխանցվող, ինչպես նաև Եվրասիական տնտեսական միության անդամ պետությունների և Եվրասիական տնտեսական հանձնաժողովի համագործակցության ընթացքում գոյացող՝ պետական գաղտնիքի (պետական գաղտնիքների) շարքին դասվող տեղեկությունների պաշտպանությունը.

Եվրասիական տնտեսական հանձնաժողովի կոլեգիայի նախագահին՝ ապահովել Եվրասիական տնտեսական միության անդամ պետությունների կողմից Եվրասիական տնտեսական հանձնաժողով փոխանցվող, ինչպես նաև Եվրասիական տնտեսական միության անդամ պետությունների և Եվրասիական տնտեսական հանձնաժողովի համագործակցության ընթացքում գոյացող՝ պետական գաղտնիքի (պետական գաղտնիքների) շարքին դասվող տեղեկությունների պաշտպանության մասով աշխատանքների կազմակերպումը:

2. Եվրասիական տնտեսական հանձնաժողովին՝

հաստիքների սահմանված թվի սահմաններում ստեղծել պետական գաղտնիքի (պետական գաղտնիքների) շարքին դասվող տեղեկությունների պաշտպանության գծով ստորաբաժանում և ապահովել դրա գործունեությունը Համաձայնագիրն ուժի մեջ մտնելու օրվանից.

Եվրասիական տնտեսական միության անդամ պետությունների հետ համատեղ՝ ապահովել Եվրասիական տնտեսական հանձնաժողովում պետական գաղտնիքի (պետական գաղտնիքների) շարքին դասվող տեղեկություններ պարունակող տեղեկատվության գործածման և պաշտպանության կանոնները մշակելն ու Եվրասիական տնտեսական բարձրագույն խորհրդի հաստատմանը ներկայացնելը՝ հաշվի առնելով Համաձայնագիրն ուժի մեջ մտնելու օրվանից Եվրասիական տնտեսական բարձրագույն խորհրդի համապատասխան ակտն ուժի մեջ մտնելու անհրաժեշտությունը:

3. Սույն որոշումն ուժի մեջ է մտնում դրա պաշտոնական հրապարակման օրվանից:

Եվրասիական տնտեսական բարձրագույն խորհրդի անդամներ՝